ଆଗାମୀ ପୌର ଓ ପଂଚାୟତ ନିର୍ବାଚନକୁ ନିରପେକ୍ଷ କରାଯିବା ଦାବି ନେଇ ନବନିଯୁକ୍ତ ରାଜ୍ୟ ନିର୍ବାଚନ କମିଶନରଙ୍କୁ ଭେଟିଲା ରାଜ୍ୟ ବିଜେପି ପ୍ରତିନିଧୀ ଦଳ

ଭୁବନେଶ୍ୱର ୨୦/୦୮: ରାଜ୍ୟରେ ଆଗାମୀ ଦିନରେ ହେବାକୁ ଥିବା ସମସ୍ତ ନିର୍ବାଚନକୁ ଅବାଧ, ମୁକ୍ତ ଏବଂ ନିରପେକ୍ଷ କରିବାପାଇଁ ରାଜ୍ୟ ବିଜେପିର ଏକ ପ୍ରତିନିଧୀ ଦଳ ନବନିଯୁକ୍ତ ରାଜ୍ୟ ନିର୍ବାଚନ କମିଶନରଙ୍କୁ ସୌଜନ୍ୟ ମୂଳକ ସାକ୍ଷାତ କରି ଆଲୋଚନା କରିଛି ।

ବିଗତ ଦିନରେ ରାଜ୍ୟରେ ଶାସକ ବିଜେଡି ଅର୍ଥବଳ ଏବଂ ବାହୁବଳ ଲଗାଇ ନିର୍ବାଚନ ଲଢିଆସୁଛି । ପୋଲିସ ପ୍ରଶାସନଠୁ ଆରମ୍ଭ କରି ସରକାରୀ କଳଗୁଡିକୁ ଦଳୀୟ ଭିତିରେ ବ୍ୟବହାର କରିଛି ଶାସକ ଦଳ । ଏପରିକି ନିର୍ବାଚନ କମିଶନରଙ୍କ ଗାଇଡ ଲାଇନଙ୍କୁ ଉଲ୍ଲଘଂନ କରି ଶାସକ ବିଜେଡି ରାଜ୍ୟର ବିଭିନ୍ନ ସ୍ଥାନରେ ବୁଥ ରିଗିଂ ଓ ବୁଥ କ୍ୟାପଚରିଙ୍ଗ କରି ନିର୍ବାଚନକୁ ନିଜ ସପକ୍ଷରେ କରିଛି ବୋଲି ବିଜେପି ରାଜ୍ୟ ଉପସଭାପତି ସମୀର ମହାନ୍ତି କହିଛନ୍ତି । ଆଗାମୀ ଦିନରେ ପୌର ନିର୍ବାଚନ ହେବାକୁ ଥିବାବେଳେ ଏହାକୁ ଅବାଧ, ମୁକ୍ତ ଏବଂ ନିରପେକ୍ଷ କରିବା ପାଇଁ  ପ୍ରତିନିଧୀ ଦଳ ଦାବି କରିଛି ବୋଲି କହିଛନ୍ତି ସମୀର । 

ପୌର ନିର୍ବାଚନ ନକରି ରାଜ୍ୟସରକାର ଜାଣିଶୁଣି ଦିନ ଗଡାଇ ଚାଲିଛନ୍ତି । ସେହିପରି ରାଜ୍ୟରେ କେତେକ ସ୍ଥାନରେ ପଂଚାୟତ ନିର୍ବାଚନ ହୋଇନାହିଁ । ରାଜ୍ୟରେ ବାକିଥିବା ସ୍ଥାନଗୁଡିକରେ ନିର୍ବାଚନକୁ ସୂଚାରୁରୂପେ କରିବା ସହ ପୌର ଓ ପଂଚାୟତ ନିର୍ବାଚନକୁ ନିରପେକ୍ଷ କରିବା ପାଇଁ ପ୍ରତିନିଧୀ ଦଳ ରାଜ୍ୟ ନିର୍ବାଚନ କମିଶନରଙ୍କୁ ଜଣାଇଛି ।  ଏହି ପ୍ରତିନିଧୀ ଦଳରେ ରାଜ୍ୟ ସଂପାଦକ କାଳନ୍ଦୀ ସାମଲ, ରାଜ୍ୟ ଗଣମାଧ୍ୟମ ବିଭାଗ ମୁଖ୍ୟ ଓ ରାଜ୍ୟ ମୁଖପାତ୍ର ଗୋଲକ ମହାପାତ୍ର, ଯୁବମୋର୍ଚ୍ଚା ରାଷ୍ଟ୍ରୀୟ ଉପସଭାପତି ଠାକୁର ରଂଜିତ ଦାସ ଏବଂ ରାଜ୍ୟ ଯୁବମୋର୍ଚ୍ଚା ସଭାପତି ଟଙ୍କଧର ତ୍ରିପାଠୀ ପ୍ରମୁଖ ସାମିଲ ଥିଲେ । 

   ସମ୍ବନ୍ଧିତ ଖବର


ରାଜ୍ୟସଭାରେ ପାସ୍ ହେଲା କୃଷି ବିଲ୍

ଟୋଲ୍‌ପ୍ଲାଜାରେ ଚିଲିକା ବିଧାୟକଙ୍କ ଲଙ୍କାକାଣ୍ଡ-ଅଭିଯୋଗକୁ କିନ୍ତୁ ଖଣ୍ଡନ କଲେ

ଭୁଶୁଡ଼ିବ ରାମେଶ୍ୱର ମନ୍ଦିର! ଚାଳଠୁ ମୂଳ ଯାଏ ପାଣି ଝରୁଛି ,ମୂଷା ଖୋଳି ପକାଇଲେଣି ଗମ୍ଭୀରା

ବିଧାନସଭାରେ ଆସିବ ୧୨ ବିଲ୍‌ – ୨୫ରେ ସର୍ବଦଳୀୟ ବୈଠକ

ପୋଲ ତଳେ ଭାସୁଛି ଅଜଣା ଶିଶୁର ମୃତଦେହ, ପୋଲିସର ତଦନ୍ତ ଜାରି

ବାଘର କଟାମୁଣ୍ଡ ସହ ଛାଲ ଜବତ: ନାବାଳକ ସମେତ ମା’ ଓ ପୁଅଙ୍କୁ ଗିରଫ କଲା ବନବିଭାଗ