PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବଗଡ : ରିଆମାଳ ରେଞ୍ଜ ନୁଆଁଡିହି ସେକ୍ସନ ଖିଲେଇ ଜଙ୍ଗଲରେ ହାତୀ ଆକ୍ରମଣ ଯୋଗୁଁ ବନ ଶ୍ରମିକ ଗୁରୁତର
  • ||
  • କୋଣାର୍କ : ରୋଗ କଷ୍ଟ ସହିନପାରି ସ୍କୁଲ ହତାରେ ଆତ୍ମହତ୍ୟା କଲେ ବୃଦ୍ଧ
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୫୦କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୭୩୪ ପଜେଟିଭ୍
  • ||
  • ନୀଳଗିରି : ମାଡ଼ିଆସୁଛନ୍ତି ନୀଳଗିରି ଆଡକୁ ଝାଡ଼ଖଣ୍ଡ ହାତୀ, ଚାଷୀ ଆତଙ୍କିତ
  • ||
  • କଳାହାଣ୍ଡି : ପୋଖରୀରେ ବୁଡି ୨ ଶିଶୁ ମୃତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ପାଣି ଘେରରେ ୧୦ରୁ ଉର୍ଦ୍ଧ୍ଵ ଗ୍ରାମ
  • ||
  • ଲମତାପୁଟ : ଅଟୋରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ, ଗାଡି ଛାଡି ୨ ମାଫିଆ ଫେରାର୍
  • ||

ଭାଇରାଲ ଅଡିଓ ଖବର ପ୍ରସଙ୍ଗ: ସାତ ଦିନ ମହଲତ ମାଗିଲା ଓଟିଭି

ଭୁବନେଶ୍ୱର,୯/୦୮: କୋଭିଡ ହସ୍ପିଟାଲ ସମ୍ପର୍କରେ ମିଛ ଖବର ପ୍ରସାରଣ ପ୍ରସଙ୍ଗରେ କ୍ୟାପିଟାଲ୍‌ ଥାନାରେ ହାଜର ହୋଇନାହାନ୍ତି ଓଟିଭି (ଓଡ଼ିଶା ଟେଲିଭିଜନ୍‌) ନ୍ୟୁଜ୍‌ ଚ୍ୟାନେଲ ପରିଚାଳକ । ନିଜ ପକ୍ଷ ରଖିବା ପାଇଁ ଚ୍ୟାନେଲ ପକ୍ଷରୁ ୭ ଦିନ ସମୟ ପ୍ରଦାନ ପାଇଁ ଅନୁରୋଧ କରିଛନ୍ତି ଚ୍ୟାନେଲ୍‌ର ଲୋକସମ୍ପର୍କ ଅଧିକାରୀ ଜିତେନ୍ଦ୍ର ପରିଡ଼ା । ଘଟଣାର ସତ୍ୟାସତ୍ୟ ଜାଣିବା ପାଇଁ ସଂପୃକ୍ତ ଚ୍ୟାନେଲ ଏହି ମହଲତ ମାଗିଥିବା ଜଣାପଡ଼ିଛି । ହେଲେ ପୁଲିସ ୭ ଦିନ ମହଲତ ନଦେଇ ରବିବାର ଦିନ ୧୧ଟା ସୁଦ୍ଧା ଥାନାରେ ହାଜର ହେବାକୁ ନିର୍ଦ୍ଦେଶ ଦେଇଛି । ସମୟ ମଧ୍ୟରେ ନ ପହଞ୍ଚିଲେ ଆଇନଗତ କାର୍ଯ୍ୟାନୁଷ୍ଠାନ ନିଆଯିବ ବୋଲି କମିଶନରେଟ୍‌ ପୁଲିସ ସ୍ପଷ୍ଟ କରିଛି । ଓଟିଭି ମିଥ୍ୟା ଖବର ପ୍ରସାର କରୁଛି ବୋଲି ଶୁକ୍ରବାର କ୍ୟାପିଟାଲ ଥାନାରେ ଏତଲା ଦେଇଥିଲା ବିଏମ୍‌ସି । ଅଭିଯୋଗ ଆଧାରରେ ସମ୍ପୃକ୍ତ ଚ୍ୟାନେଲକୁ ନୋଟିସ୍‌ କରିଥିଲା ପୁଲିସ୍‌ ।

ଓଟିଭିର ସ୍ପଷ୍ଟୀକରଣ

ଘଟଣାରେ ସ୍ପଷ୍ଟୀକରଣ ଦେଇ ଓଟିଭି କହିଛି, ଅଗଷ୍ଟ ୬ ତାରିଖରେ ଏକ ଅଡିଓ ସୋସିଆଲ୍‌ ମିଡ଼ିଆରେ ଭାଇରାଲ୍‌ ହୋଇଥିଲା । ଉକ୍ତ ଅଡିଓରେ ଜଣେ କରୋନା ରୋଗୀ ନିଜ ବନ୍ଧୁଙ୍କୁ କୋଭିଡ୍‌ ହସ୍ପିଟାଲ୍‌ରେ ରହିବା ସମୟରେ ନିଜ ଅନୁଭୁତି ବର୍ଣ୍ଣନା କରୁଛନ୍ତି । ଏ ଖବର ପ୍ରସାରଣ ସମୟରେ ଏହା ଏକ ଭାଇରାଲ୍‌ ଅଡିଓ ବୋଲି ଓଟିଭି ସ୍ପଷ୍ଟ କରିଥିଲା । ଏସମ୍ପର୍କରେ ରାଜ୍ୟ ସରକାର କିମ୍ବା ଅନ୍ୟ କର୍ତ୍ତୃପକ୍ଷଙ୍କ ପ୍ରତିକ୍ରିୟା ଆମର ହସ୍ତଗତ ହୋଇନାହିଁ । ପ୍ରତିକ୍ରିୟା ହସ୍ତଗତ ହେଲେ, ଆମେ ଏହାକୁ ତୁରନ୍ତ ପୋଷ୍ଟ କରିବୁ । କୋଭିଡ୍‌ ସମୟରେ ସମସ୍ତ ସରକାରୀ ତଥ୍ୟ ଓ ସୂଚନାକୁ ଲୋକଲୋଚନକୁ ଆଣିବା ସହ ଜନସାଧାରଣଙ୍କ ସମସ୍ୟା ବ୍ୟବସ୍ଥା ନିକଟରେ ପହଞ୍ଚାଇବା ଯେକୌଣସି ଗଣମାଧ୍ୟମର କର୍ତ୍ତବ୍ୟ । ଆମେ ଆମ ଦାୟିତ୍ୱ, କର୍ତ୍ତବ୍ୟରୁ କେବେ ବିଚ୍ୟୁତି ହୋଇନାହୁଁ ବୋଲି ଓଟିଭି ସ୍ପଷ୍ଟ କରିଛି ।