PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ବତୀଘର ଅଞ୍ଚଳରେ ବୋଟ୍‍ ଆମ୍ବୁଲାନ୍ସ ସେବା ଲୋକାର୍ପିତ: ରୋଗୀ ଆଉ ଟ୍ରଲି, ବାଇକ୍‌ରେ ବୁହା ହେବେନି

କେନ୍ଦ୍ରାପଡ଼ା/ମହାକାଳପଡ଼ା, ୫ା୩(ଆପ୍ର): କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ବ୍ଳକ ଦ୍ୱୀପାଞ୍ଚଳ ବତୀଘର ଅଞ୍ଚଳରେ ଆଜି ରାଜ୍ୟର ପ୍ରଥମ ଅତ୍ୟାଧୁନିକ ବୋଟ୍‍ ଆମ୍ୱୁଲାନ୍ସ ସେବା ଲୋକାର୍ପିତ ହୋଇଯାଇଛି । ମହାକାଳପଡ଼ା ବିଧାୟକ ଅତନୁ ସବ୍ୟସାଚୀ ନାୟକ ସର୍ବସାଧାରଣଙ୍କ ସେବା ଉଦ୍ଦେଶ୍ୟରେ ଏହି ସେବାର ଉଦ୍‌ଘାଟନ କରିଛନ୍ତି । ବତୀଘର ପଞ୍ଚାୟତ ଲୋକଙ୍କର ଦୀର୍ଘ ଦିନର ପ୍ରତୀକ୍ଷା, ଦୁଃଖର ଅବସାନ ଘଟିଛି । ଯାହା କେବଳ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୂରଦର୍ଶିତା, ଅଞ୍ଚଳବାସୀଙ୍କ ପ୍ରତି ଭଲପାଇବା, ନିରବଚ୍ଛିନ୍ନ ଉଦ୍ୟମ ଯୋଗୁଁ ସମ୍ଭବ ହୋଇପାରିଛି । ବିଭିନ୍ନ ସମୟରେ ଏଥିଯୋଗୁଁ ଅଞ୍ଚଳବାସୀ ବହୁ ସମସ୍ୟା ଭୋଗିବା ସହ ଉପାନ୍ତ ଅଞ୍ଚଳରେ ଚିକିତ୍ସା ସେବା ପ୍ରଦାନରେ ବାଧା ସାଜିଥିଲା । ନିପାଣିଆ ଡଙ୍ଗାବୁଡ଼ି ବେଳେ ଏହାର ବାସ୍ତବତା ହୃଦୟଙ୍ଗମ କରିଥିଲେ ସରକାର । ଏ ସଂକାନ୍ତରେ ସେ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିବା ଯୋଗୁଁ ଖୁବ୍‌ କମ୍‍ ସମୟ ମଧ୍ୟରେ ଏଠାରେ ବୋଟ୍‍ ଆମ୍ୱୁଲାନ୍ସ ସେବା ଉପଲବ୍ଧ ହୋଇପାରିଲା ବୋଲି ମହାକାଳପଡ଼ା ବିଧାୟକ ତଥା ପୂର୍ବତନ ମନ୍ତ୍ରୀ ଶ୍ରୀ ନାୟକ କହିଛନ୍ତି । ନଦୀ, ସମୁଦ୍ର, ଜଙ୍ଗଲ ଘେରା ଏହି ପଞ୍ଚାୟତରେ ଗର୍ଭବତୀ, ପ୍ରସୂତି ଓ ଗୁରୁତର ଅସୁସ୍ଥ ରୋଗୀଙ୍କୁ ଏହି ବୋଟ୍‍ ଆମ୍ୱୁଲାନ୍ସ ସେବା ମିଳିବ । ବିଜୁବାବୁଙ୍କ ଜନ୍ମ ଜୟନ୍ତୀ ଅବସରରେ ଜନସଧାରଣଙ୍କ ଉଦ୍ଦେଶ୍ୟରେ ଏହି ବୋଟ୍‍ ଆମ୍ୱୁଲାନ୍ସ ସେବା ଲୋକାର୍ପିତ ହେବା ଦ୍ୱାରା ବତୀଘରବାସୀ ବେଶ୍‌ ଉତ୍ସାହିତ ହୋଇପଡ଼ିଛନ୍ତି । ଏହି ଉପଲକ୍ଷେ ବତୀଘର ପଞ୍ଚାୟତ ବରକୋଳି ଖଳା, ମନସାମନ୍ଦିର ପଡ଼ିଆରେ ଆୟୋଜିତ ସାଧାରଣ ସଭାରେ ବିଧାୟକ ଶ୍ରୀ ନାୟକ ବିଜୁବାବୁଙ୍କ କର୍ମଭୂମି ମହାକାଳପଡ଼ାର ବିକାଶ ପାଇଁ ବିଜେଡି ସରକାର ପ୍ରତିଶ୍ରୁତିବଦ୍ଧ ବୋଲି କହିଥିଲେ । ବିଜୁବାବୁଙ୍କ ସୁପୁତ୍ର ନବୀନ ପଟ୍ଟନାୟକଙ୍କ ଏ ଅଞ୍ଚଳ ଉପରେ ଆଶୀର୍ବାଦ ଅଛି, ଏଣୁ ଏ ଅଞ୍ଚଳରେ ବିକାଶ ଧାରା ଚାଲିଛି ବୋଲି ବିଧାୟକ ନିଜ ବକ୍ତବ୍ୟରେ କହିଥିଲେ । ପିଢ଼ି ପିଢ଼ି ଧରି ବତୀଘର ପଞ୍ଚାୟତରେ ରହିଥିବା ଜମିଜମା ସମସ୍ୟା ଖୁବ୍‍ ଶୀଘ୍ର ଦୂର ହେବାକୁ ଯାଉଛି । ଏଠାରୁ କାହାକୁ ଜଣକୁ ବି ଉଚ୍ଛେଦ କରାଯିବ ନାହିଁ, ସମସ୍ତଙ୍କୁ ସୁରକ୍ଷା ଦିଆଯିବ ବୋଲି କହିଥିଲେ ବିଧାୟକ । ବିରୋଧୀଙ୍କୁ କଟାକ୍ଷ କରି ବିଧାୟକ ଶ୍ରୀ ନାୟକ କହିଥିଲେ, ବିରୋଧୀମାନେ ଭୋଟ ଆସିଲେ କଥା କହି ଜାଣନ୍ତି । ଅଞ୍ଚଳର ଉନ୍ନତି କଥା ସେମାନେ କେବେ ଚିନ୍ତା କରନ୍ତିନି । ଏହି ବୋଟ୍‍ ଆମ୍ୱୁଲାନ୍ସ ସେବା ଦ୍ୱାରା ବତୀଘର ପଞ୍ଚାୟତରେ ସ୍ୱାସ୍ଥ୍ୟସେବାରେ ସୁଧାର ଆସିବ । ବିରୋଧୀଙ୍କ ଅପପ୍ରଚାରକୁ କେହି ଶୁଣିବା ଦରକାର ନାହିଁ । ସେମାନେ ଅଦିନିଆ ବନ୍ଧୁ । ତେଣୁ ବିରୋଧୀଙ୍କୁ ଉଚିତ୍‍ ଜବାବ ଦେବାର ଏବେ ସମୟ ଆସିଛି । ତେଣୁ ସମସ୍ତେ ଏକାଠି ହୋଇ ସେମାନଙ୍କୁ ଜବାବ ଦିଅନ୍ତୁ ବୋଲି ବିଧାୟକ ଆହ୍ୱାନ ଦେଇଥିଲେ । ପ୍ରକାଶଥାଉକି, ବତୀଘର ପଞ୍ଚାୟତର ଚାରିପଟେ ନଦୀ ଥିବାରୁ ଲୋକଙ୍କୁ ୧୦୮ ସେବା ମିଳିପାରୁନଥିଲା । ବୋଟ୍‍ ଆମ୍ୱୁଲାନ୍ସ ସେବା ଦ୍ୱାରା କୁମ୍ଭୀର ଆକ୍ରମଣ ଓ ବାର୍‌ହା ଆକ୍ରମଣରେ ଆହତଙ୍କୁ ତ୍ୱରିତ ସେବା ମିଳିବାରେ ବୋଟ୍‍ ଆମ୍ୱୁଲାନ୍ସ ସହାୟକ ହୋଇପାରିବ । ରୋଗୀଙ୍କୁ ଟ୍ରଲି ଓ ଭାରରେ ବୁହାହେବା ଆଜିଠାରୁ ବନ୍ଦ ହୋଇଗଲା ବୋଲି ବିଧାୟକ ଶ୍ରୀ ନାୟକ କହିଥିଲେ । ବତୀଘର ପଞ୍ଚାୟତରେ ମୁଖ୍ୟମନ୍ତ୍ରୀଙ୍କ ସହଯୋଗରେ ଅନେକ ଉନ୍ନୟନମୂଳକ କାମ ହୋଇଛି । ରାସ୍ତା, ସେତୁ, ହୋଇସାରିଥିବା ବେଳେ ଯଥା ସମ୍ଭବ ନିପାଣିଆ ସେତୁ କାର୍ଯ୍ୟ ଆରମ୍ଭ ହେବ । ଯାହାଦ୍ୱାରା ନିପାଣିଆ ଗାଁର ଲୋକମାନେ ଉପକୃତ ହୋଇପାରିବେ ବୋଲି ବିଧାୟକ ଶ୍ରୀ ନାୟକ କହିଥିଲେ । ସୂଚନା ଥାଉକି ଏ ଧରଣର ବୋଟ୍‍ ଆମ୍ୱୁଲାନ୍ସ ସେବା ଓଡ଼ିଶାରେ ପ୍ରଥମ କରି ବତୀଘରବାସୀଙ୍କୁ ଯୋଗାଇ ଦିଆଯାଇଛି ।