ମୁମ୍ୱାଇ - ଅଭିନେତା ସୁଶାନ୍ତ ସିଂହ ରାଜପୁତଙ୍କ ମାମଲା ଏବେ ବି ଥମିନାହିଁ । ଏଥିରେ ଡ୍ରଗ୍ସ ଦିଗକୁ ନେଇ ଖୋଳତାଡ଼ କରିଛି ଏନ୍ସିବି। ବଲିଉଡ୍ ଅଭିନେତ୍ରୀ ରିୟା ଚକ୍ରବର୍ତ୍ତୀ, ତାଙ୍କର ଭାଇ ଶୋଭିକ୍ଙ୍କ ସମେତ ୩୧ ଜଣ ଲୋକଙ୍କ ବିରୋଧରେ ୧୨୦୦୦ ପୃଷ୍ଠାର ଚାର୍ଜସିଟ୍ ଦାଖଲ କରିଛି ଏନ୍ସିବି । ରିୟାଙ୍କର ଓକିଲ ସତିଶ ମାନେସିନ୍ଦେ ଶନିବାର ଦିନ କହିଛନ୍ତି , କେମିତି ରିୟାଙ୍କୁ ଫସାଇ ହେବ ,ଏଥିପାଇଁ ଏନ୍ସିବି ତାର ସବୁ କୌଶଳ ଆପଣେଇଛି । ଏନ୍ସିବିର ପୂରା ଟିମ୍ ବଲିଉଡ୍ରେ ଡ୍ରଗ୍ ଲିଙ୍କ୍ ବିଷୟରେ ଖୋଳତାଡ଼ ପାଇଁ ଲାଗି ପଡ଼ିଛନ୍ତି ।
ସେ ଆଉ ମଧ୍ୟ କହିଛନ୍ତି କି , ଏହି ଚାର୍ଜସିଟ୍ ଭିତ୍ତିହୀନ ଅଟେ । ରିୟା ଚକ୍ରବର୍ତ୍ତୀଙ୍କୁ ଦୋଷୀ ସାବ୍ୟସ୍ତ କରେଇବା ବ୍ୟତୀତ ଏଥିରେ ଆଉ କିଛି ଦର୍ଶାଯାଇ ନାହିଁ ।
ଉଲ୍ଲେଖନୀୟ ଯେ, ଏହି ଚାର୍ଜସିଟ୍ରେ ଏନ୍ସିବି ଦାବି କରିଛି କି , ସେମାନେ ଅନେକ ପ୍ରକାରର ନିଶାଦ୍ରବ୍ୟ ( ଚରସ , ଗଞ୍ଜେଇ , ଏଲଏସ୍ଡି) ଓ ସାଇକ୍ରୋଟ୍ରୋପିକ ପଦାର୍ଥ( ଅଲ୍ପ୍ରାଜୋଲମ୍ ଓ କ୍ଲୋନାଜେପମ୍) ଜବତ କରିଥିଲେ । ଏହି ଏଜେନ୍ସିର ଉକ୍ତ ଦାବିକୁ ମାନେସିନ୍ଦେ ଫାଲତୁ କଥା ବୋଲି କହିଥିଲେ ।