ବାଙ୍କୀ: କଟକ ଜିଲ୍ଲା ବାଙ୍କୀ ଥାନା ଅନ୍ତର୍ଗତ ଘୋଳପୁର ଗାଁ ଆନନ୍ଦନାଥ ପାଟଣାସାହିରେ ବୋମାମାଡ । ପୂର୍ବ ଶତ୍ରୁତାକୁ କେନ୍ଦ୍ରକରି ଏହି ବୋମାମାଡ ହୋଇଛି । ବୋମାମାଡରେ ଜଣଙ୍କର ମୃତ୍ୟୁ ହୋଇଛି । ବୋମାମାଡରେ ମୃତ୍ୟୁବରଣ କରିଥିବା ବ୍ୟକ୍ତି ହେଲେ ଗୋବିନ୍ଦ ବେହେରା ।
ସୂଚନା ମୁତାବକ ଗୋବିନ୍ଦ ବେହେରା ନିଜ ମୋଟର ସାଇକେଲରେ ବଜାରକୁ ଯାଉଥିବା ବେଳେ ସେହି ଗ୍ରାମର କିଛି ଯୁବକ ତାଙ୍କ ଉପରକୁ ବୋମାମାଡ କରିଥିଲେ । ଗାଁ ଦୋଳମଣ୍ଡପ ଠାରେ ସେ ତଳେ ପଡିଯିବାରୁ ପଥରେ ଛେଚି ତାଙ୍କୁ ଯୁବକମାନେ ହତ୍ୟା କରିଥିବା ଅଭିଯୋଗ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।