PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

୨୦୨୦ ସେପ୍ଟେମ୍ବର ସୁଦ୍ଧା ରାୟଗଡ଼ାରେ ବଟ୍‌ଲିଂ ପ୍ଲାଣ୍ଟ

ଭୁବନେଶ୍ୱର,୧୫ା୨(ବ୍ୟୁରୋ): ନବରତ୍ନ ରାଷ୍ଟ୍ରାୟତ୍ତ ଉଦ୍ୟୋଗ ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେସନ୍‌ ଲିମିଟେଡ୍‌ (ଏଚ୍‌ପିସିଏଲ୍‌) ରାୟଗଡ଼ାଠାରେ ନୂଆ ଏଲ୍‌ପିଜି ବଟ୍‌ଲିଂ ପ୍ଲାଣ୍ଟ ସ୍ଥାପନ କରିବ । ବାର୍ଷିକ ୪୨ ଲକ୍ଷ ସିଲିଣ୍ଡର କ୍ଷମତା ବିଶିଷ୍ଟ ଏହି ବଟ୍‌ଲିଂ ପ୍ଲାଣ୍ଟ ଓଡ଼ିଶାରେ ଏଚ୍‌ପିସିଏଲ୍‌ର ଦ୍ୱିତୀୟ ପ୍ଲାଣ୍ଟ ହେବ । ଏଥିପାଇଁ କମ୍ପାନି ୯୧ କୋଟି ଟଙ୍କା ପୁଞ୍ଜିନିବେଶ କରିବ । ଫେବ୍ରୁଆରୀ ୧୯ରେ ପ୍ରସ୍ତାବିତ ଏଲ୍‌ପିଜି ବଟ୍‌ଲିଂ ପ୍ଲାଣ୍ଟର ଭିତ୍ତିପ୍ରସ୍ତର ସ୍ଥାପନ ହେବ । ଏଚ୍‌ପିସିଏଲ୍‌ର ଜଣେ ବରିଷ୍ଠ ଅଧିକାରୀ ଆଜି ଏହି ସୂଚନା ଦେଇଛନ୍ତି ।
ହିନ୍ଦୁସ୍ତାନ ପେଟ୍ରୋଲିୟମର ଉପ ମହାପ୍ରବନ୍ଧକ (ଭୁବନେଶ୍ୱର ଏଲ୍‌ପିଜି ଅଞ୍ଚଳ) ଧର୍ମେନ୍ଦ୍ର ବେହୁରା କହିଛନ୍ତି, କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆସନ୍ତା ୧୯ ତାରିଖରେ ରାୟଗଡ଼ାରେ ପ୍ରସ୍ତାବିତ ଏଲ୍‌ପିଜି ବଟ୍‌ଲିଂ ପ୍ଲାଣ୍ଟର ଭିତ୍ତିପ୍ରସ୍ତର ସ୍ଥାପନ କରିବେ । ଏ ଅବସରରେ କୋରାପୁଟ ସାଂସଦ ଝିନ ହିକକା, ରାୟଗଡ଼ା ବିଧାୟକ ଲାଲ୍‌ ବିହାରି ହିମିରିକା ଉପସ୍ଥିତ ରହିବେ ।
ରାୟଗଡ଼ାରେ ନୂଆ ଏଲ୍‌ପିଜି ବଟ୍‌ଲିଂ ପ୍ଲାଣ୍ଟ ପାଇଁ ସରକାର ୨୧ ଏକର ଜମି ଯୋଗାଇ ଦେଇଛନ୍ତି । ବାର୍ଷିକ ୪୨ ଲକ୍ଷ ସିଲିଣ୍ଡର କ୍ଷମତା ବିଶିଷ୍ଟ ଏହି ପ୍ଲାଣ୍ଟ ସ୍ଥାପନ ପାଇଁ ଏଚ୍‌ପିସିଏଲ୍‌ ୯୧ କୋଟି ଟଙ୍କା ନିବେଶ କରିବ । ୨୦୨୦ ସେପ୍ଟେମ୍ବର ସୁଦ୍ଧା ପ୍ରସ୍ତାବିତ ବଟ୍‌ଲିଂ ପ୍ଲାଣ୍ଟ ଚାଲୁ ହେବ ବୋଲି ଲକ୍ଷ୍ୟ ରଖାଯାଇଛି ବୋଲି ଶ୍ରୀ ବେହୁରା କହିଛନ୍ତି ।
ସେ କହିଛନ୍ତି, ରାୟଗଡ଼ା ଏଲ୍‌ପିଜି ବଟ୍‌ଲିଂ ପ୍ଲାଣ୍ଟ କାର୍ଯ୍ୟକ୍ଷମ ହେବାପରେ ଏଚ୍‌ପିସିଏଲ୍‌ ବଲାଙ୍ଗୀର, କଳାହାଣ୍ଡି, ସୋନପୁର, କୋରାପୁଟ, ମାଲକାନଗିରି, ନବରଙ୍ଗପୁର, ବୌଦ୍ଧ, ଗଜପତି, କନ୍ଧମାଳ, ରାୟଗଡ଼ା ଓ ନୂଆପଡ଼ା ଭଳି ୧୧ଟି ଜିଲ୍ଲାର ଗ୍ରାହକଙ୍କ ଏଲ୍‌ପିଜି ଚାହିଦା ପୂରଣ କରିପାରିବ ।
୨୦୧୪ରେ ରାଜ୍ୟରେ ୨୦ ଲକ୍ଷ ୨୨ ହଜାର ଏଲ୍‌ପିଜି ଉପଭୋକ୍ତା ଥିଲେ । ଏବେ ଏହି ସଂଖ୍ୟା ୨୭୯.୧% ବଢ଼ି ୭୬ ଲକ୍ଷ ୬୫ ହଜାରରେ ପହଞ୍ଚିଛି । ଏବେ ୩ ତୈଳ କମ୍ପାନିର ରାଜ୍ୟରେ ମୋଟ୍‌ ୪ଟି ଏଲ୍‌ପିଜି ବଟ୍‌ଲିଂ ପ୍ଲାଣ୍ଟ ରହିଛି । ସେଗୁଡ଼ିକର ବଟ୍‌ଲିଂ କ୍ଷମତା ବାର୍ଷିକ ୨.୮୦ କୋଟି ସିଲିଣ୍ଡର ରହିଛି ।
କିନ୍ତୁ ଓଡ଼ିଶାର ଉପଭୋକ୍ତାମାନେ ଗତବର୍ଷ ୩.୨ କୋଟି ଏଲ୍‌ପିଜି ସିଲିଣ୍ଡର ବ୍ୟବହାର କରିଥିଲେ । ୨୦୨୦ ସୁଦ୍ଧା ଏହା ବୃଦ୍ଧି ଘଟି ୪ କୋଟି ୩୦ ଲକ୍ଷ ସିଲିଣ୍ଡରରେ ପହଞ୍ଚିବ ବୋଲି ଆକଳନ କରାଯାଉଛି । ଏହି ବର୍ଦ୍ଧିତ ଚାହିଦାକୁ ଦୃଷ୍ଟିରେ ରଖି ୩ ରାଷ୍ଟ୍ରାୟତ୍ତ ତୈଳ କମ୍ପାନି ରାଜ୍ୟରେ ଆଉ ୩ଟି ନୂଆ ବଟ୍‌ଲିଂ ପ୍ଲାଣ୍ଟ ସ୍ଥାପନ କରୁଛନ୍ତି ।
ଏବେ ଓଡ଼ିଶାରେ ଏଚ୍‌ପିସିଏଲ୍‌ର ମୋଟ୍‌ ୨୬.୬୪ ଲକ୍ଷ ଏଲ୍‌ପିଜି ଉପଭୋକ୍ତା ଅଛନ୍ତି । ସେମାନେ ବର୍ଷକୁ ୧.୩ କୋଟି ସିଲିଣ୍ଡର ବ୍ୟବହାର କରୁଛନ୍ତି । ୨୦୨୦ ସୁଦ୍ଧା ଏହା ବୃଦ୍ଧି ଘଟି ଏହା ୧.୬ ଲକ୍ଷ ସିଲିଣ୍ଡରରେ ପହଞ୍ଚିବ ବୋଲି ଆକଳନ କରାଯାଉଛି ।
ସୂଚନା ଥାଉକି, ଏବେ ଏଚ୍‌ପିସିଏଲ୍‌ର ଖୋର୍ଦ୍ଧା ଜଟଣୀଠାରେ ଏକ ବାର୍ଷିକ ୧.୧୫ କୋଟି ସିଲିଣ୍ଡର କ୍ଷମତା ବିଶିଷ୍ଟ ଏକ ବଟ୍‌ଲିଂ ପ୍ଲାଣ୍ଟ ରହିଛି । ଏହି ପ୍ଲାଣ୍ଟର ଉତ୍ପାଦନ କ୍ଷମତାକୁ ଦେଢ଼ଗୁଣା କରି ବାର୍ଷିକ ୧.୭୦ କୋଟି ସିଲିଣ୍ଡରକୁ ସମ୍ପ୍ରସାରଣ କରିବାକୁ କମ୍ପାନି କାର୍ଯ୍ୟପନ୍ଥା ଆରମ୍ଭ କରିଛି । ୨୩ କୋଟି ଟଙ୍କା ବିନିଯୋଗରେ ହେଉଥିବା ଏହି ସମ୍ପ୍ରସାରଣ କାର୍ଯ୍ୟ ଚଳିତ ବର୍ଷ ସେପ୍ଟେମ୍ବର ସୁଦ୍ଧା ଶେଷ ହେବ ବୋଲି ଏଚ୍‌ପିସିଏଲ୍‌ ଉପମହାପ୍ରବନ୍ଧକ କହିଛନ୍ତି । ଏ ଅବସରରେ ଏଚ୍‌ପିସିଏଲ୍‌ର ବରିଷ୍ଠ ପ୍ରବନ୍ଧକ (ବିପଣନ) ତୃପ୍ତି ରଞ୍ଜନ ସାହୁ, ଜଟଣୀ ପ୍ଲାଣ୍ଟର ମୁଖ୍ୟ ପ୍ଲାଣ୍ଟ ପ୍ରବନ୍ଧକ ଅନିଲ କୁମାର ତ୍ରିପାଠୀ ଉପସ୍ଥିତ ଥିଲେ ।

ସମ୍ବନ୍ଧିତ ଖବର