୧୨ହଜାର ଟଙ୍କା ପାଇଁ ଅନ୍ତରଙ୍ଗ ବନ୍ଧୁକୁ କଲା ହତ୍ୟା, ଅଭିଯୁକ୍ତ ଗିରଫ

ଉତ୍ତରପ୍ରଦେଶ ୧୦।୪: ସିରସା ଗାଁରେ ଗତ ଦୁଇ ତାରିଖରେ ଘଟିଥିବା ପେଟ୍ସ କମ୍ପାନୀ କର୍ମଚାରୀ ରାହୁଲର ହତ୍ୟା ମାମଲା ସାମ୍ନାକୁ ଆସିଛି। ପୁଲିସ ବୁଲାଓ୍ବଠୀ ବୁଲଂଦସହର ନିବାସୀ ତଥା ମୃତକର ସାଙ୍ଗ ହରେନ୍ଦ୍ରକୁ ଗିରଫ କରିଛି।

ପୁଲିସ କହିବାନୁସାରେ, ହରେନ୍ଦ୍ର ପାଖରେ ରାହୁଲର ୧୨ହଜାର ଟଙ୍କା ଉଧାର ଥିଲା। ରାହୁଲ ବାରମ୍ବାର ଟଙ୍କା ମାଗିବା ସତ୍ବେ ବି ସେ ଫେରାଉନଥିଲା। ଯେଉଁ କାରଣରୁ ହରେନ୍ଦ୍ର ରାହୁଲକୁ ହତ୍ୟା କରିଛି ବୋଲି ପୁଲିସ ସୂଚନା ଦେଇଛି।

ମିଳିଥିବା ସୂଚନା ଅନୁସାରେ ଦୁହେଁ ଗୋଟିଏ କମ୍ପାନୀରେ କାମ କରୁଥିଲେ। ଏହି ହତ୍ୟା ଘଟଣା ପରେ ରାହୁଲର ପରିବାର ଲୋକେ ହରେନ୍ଦ୍ରକୁ ସନ୍ଦେହ କରିଥିଲେ। ଏହାପରେ ପୁଲିସଟିମ୍ ଅଭିଯୁକ୍ତକୁ ହାଜତକୁ ନେଇଥିଲା ଏବଂ ହରେନ୍ଦ୍ର ପଚରାଉଚରା କରିବା ପରେ ସେ ହତ୍ୟା କରିଛି ବୋଲି ସ୍ବିକାର କରିଥିଲା। ପୁଲିସ ଘଟଣାସ୍ଥଳରୁ ବିଭିନ୍ନ ପ୍ରକାର ଅସ୍ତ୍ରଶସ୍ତ୍ର ଏବଂ ସିଲିଣ୍ଡର ଜବତ କରିଛି।

ହରେନ୍ଦ୍ର ସିଲିଣ୍ଡରରେ ହିଁ ରାହୁଲର ମୁଣ୍ଡକୁ ବାରମ୍ବାର ଆଘାତ ଦେଇଥିଲା। ହରେନ୍ଦ୍ର ରାଠୀ ଓ ରାହୁଲ ସିରସା ସ୍ଥିତ ଏକ ଭଡା ଘରେ ଦୁହେଁ ରହୁଥିଲେ। ଦୁହେଁ ଅନ୍ତରଙ୍ଗ ବନ୍ଧୁ ଥିଲେ। ଅନ୍ୟ ଜଣେ ସାଙ୍ଗ ମଧ୍ୟ ତାଙ୍କ ସହ ଭଡାରେ ରହୁଥିଲା। ଏହି ଘଟଣା ଘଟିବା ପରେ ସେହି ସାଙ୍ଗ ଜଣକ ଫେରାର ହୋଇଯାଇଛି। ପୁଲିସ ତଦନ୍ତ ଜାରୀ ରଖିଛି।

   ସମ୍ବନ୍ଧିତ ଖବର


ଦେଶର ସୀମାରେ ବଡ଼ ବିପଦ, ଆତଙ୍କବାଦୀଙ୍କ ଅନୁପ୍ରବେଶ ଚେଷ୍ଟା ଜାରି – ସେନା ମୁଖ୍ୟ

କରୋନା ଟିକା ଆସିବାର ତିନିରୁ ୪ ସପ୍ତାହ ମଧ୍ୟରେ ସମସ୍ତଙ୍କୁ ଟିକା ଦେବେ ଏହି ରାଜ୍ୟର ସରକାର

ନକଲି ରେଳ ଟିକେଟକୁ ସାବଧାନ- ମାତିଛନ୍ତି ଏ ପ୍ରକାରର ଦଲାଲ

ଶୋଇଥିବା ନିରୀହ ପୁଅର ତଣ୍ଟି ଚିପି ଦେଲା ନିଷ୍ଠୁର ପିତା –ପତ୍ନୀଙ୍କୁ କହିଲା ,ଏବେ ସେ ସବୁଦିନ ପାଇଁ ନିରାପଦ !

ଅଷ୍ଟ୍ରେଲିଆ ଉପରେ ଚୀନ୍‌ର ରାଗ- ଆମଦୀନୀ ହେଉଥିବା ମଦ ଉପରେ ବସାଇଲା ଦୁଇ ଶହ ପ୍ରତିଶତ ଟ୍ୟାକ୍ସ

ନିଖୋଜ ନେଭି କମାଣ୍ଡରଙ୍କର ଚିଠି ଭାଇରାଲ : କାହିଁକି ସେ ଲେଖିଲେ – ମୁଁ ବୋମା ପକାଇବାକୁ ଚାହୁଁଛି