PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିରେ ମିଶିଲେ ସୁନୀଲ ଜାଖଡ, କଂଗ୍ରେସ ସହ ୫୦ ବର୍ଷର ସମ୍ପର୍କରେ ପୂର୍ଣ୍ଣଛେଦ
  • ||
  • ୟାସିନ ମଲ୍ଲିକ ଦୋଷୀ ସାବ୍ୟସ୍ତ, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ବାନ୍ଧିଥିଲା ଏନ୍‌ଆଇଏ
  • ||
  • ପୁରୀ : ଏଥର ଭକ୍ତ ଦେଖିବେ ସ୍ନାନଯାତ୍ରା, ହେଲେ ସ୍ନାନ ବେଦିରେ ଶ୍ରୀବିଗ୍ରହଙ୍କୁ କରିପାରିବେନି ସ୍ପର୍ଶ
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍,୨୪ ଘଣ୍ଟା ମଧ୍ୟରେ ବାହାରିଲେ ୧୨ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ଆଜି-କାଲି ବର୍ଷା ଆଶଙ୍କା, ତିନି ଦିନ ପରେ ପୁଣି ତାତି
  • ||
  • ପୁରୀ: ରଥଖଳା ହାଲ୍‌ଚାଲ୍‌… ଅଖ ଅନୁକୂଳ, ନାହାକା ଚକରେ ପଇତା ଓ ୧୫ ଚକ ପ୍ରସ୍ତୁତ
  • ||
  • ମୋହନା: ରାସ୍ତା କଡ଼ରୁ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର
  • ||
  • କୁତ୍ରା: ୧୨ ବର୍ଷର ନାବାଳିକା ୭ ମାସର ଗର୍ଭବତୀ, ଥାନାରେ ଏତଲା ଦେଲେ ପରିବାରଲୋକ
  • ||
  • ବାରଙ୍ଗ: ପ୍ରେମ ସମ୍ପର୍କକୁ ନେଇ ଜଘନ୍ୟ ହତ୍ୟାକାଣ୍ଡ : ପ୍ରେମିକକୁ ହତ୍ୟା କଲେ ପ୍ରେମିକା ପରିବାର, ଇନ୍‌ଫୋସିଟି ଥାନା ନିକଟରୁ ଯୁବକଙ୍କ ମୃତଦେହ ଉଦ୍ଧାର
  • ||
  • ଭାରତ ସୀମାରେ ଅନୁପ୍ରବେଶ ଉଦ୍ୟମ କରୁଛନ୍ତି ୧୭୦ ଆତଙ୍କବାଦୀ, ତାଲିମ ଦେଉଛି ପାକିସ୍ତାନୀ ସେନା ଏବଂ ISI
  • ||

ଭାଲେଣ୍ଟାଇନ୍‌ ସପ୍ତାହରେ ପ୍ରେମିକଙ୍କ କାରନାମା: ପ୍ରେମିକାଙ୍କ ଫଟୋ ଭାଇରାଲ କରି ଗିରଫ

source:reviewonline.co.za

ଭୁବନେଶ୍ୱର,୧୪ା୨(ବ୍ୟୁରୋ): ଚାଲିଛି ଭାଲେଣ୍ଟାଇନ୍‌ ସପ୍ତାହ । ପ୍ରେମୀଯୁଗଳ ସପ୍ତାହ ପାଳିବାରେ ମସ୍‌ଗୁଲ । ଆଶା ଓ ପ୍ରତିଶ୍ରୁତି ଦେଇ ପରସ୍ପରର ହୃଦୟ ଜିଣିବାରେ ବ୍ୟସ୍ତ । ହେଲେ, ଏମିତି ଜଣେ ପ୍ରେମିକ ଧରାପଡିଛି, ଯିଏ ପ୍ରେମିକାର ଇଜ୍ଜତ ବିକିବାକୁ ପଛେଇନି । ପ୍ରେମିକାର ଅନ୍ତରଙ୍ଗ ମୁହୂର୍ତ୍ତର ଫଟୋ ସୋସିଆଲ ମିଡିଆରେ ଭାଇରାଲ କରି ପୁଲିସ ହାବୁଡ଼ରେ ପଡିଛି । ସେ ହେଲେ ତମାଣ୍ଡୋ କଳିଙ୍ଗ ନଗର ଅଭିଷେକ ପଣ୍ଡା । ସହିଦନଗର ଥାନା ପୁଲିସ ତାକୁ ଗିରଫ କରି ଆଜି କୋର୍ଟ ଚାଲଣ କରିଛି ।
ପୁଲିସ କହିବା ମୁତାବକ, ସହିଦନଗରରେ ରହୁଥିବା ପ୍ରୀତି (ଛଦ୍ମନାମ)ଙ୍କ ସହ ଅଭିଷେକଙ୍କ ୫ ବର୍ଷର ପ୍ରେମ ସମ୍ପର୍କ ଥିଲା । ଉଭୟଙ୍କ ମଧ୍ୟରେ ଫେସବୁକ୍‌ ଓ ଅନ୍ୟ ସୋସିଆଲ ମିଡିଆ ପ୍ଲାଟଫର୍ମର ପାସୱାର୍ଡ ମଧ୍ୟ ଦିଆନିଆ ହୋଇଥିଲା । ପ୍ରୀତି ଜଟଣୀ ସ୍ଥିତ ଏକ ସରକାରୀ ସଂସ୍ଥାରେ ଚାକିରି ପାଇଗଲେ । ତେବେ ଦୀର୍ଘ ଦିନ ପରେ ବି ଅଭିଷେକଙ୍କୁ ଚାକିରି ନ ମିଳିବାରୁ ଉଭୟଙ୍କ ମଧ୍ୟରେ ମନୋମାଳିନ୍ୟ ଆରମ୍ଭ ହେଲା । ସେପଟେ ପ୍ରୀତିଙ୍କ ପରିବାର ଲୋକ ମଧ୍ୟ ଅନ୍ୟ ଆଡ଼େ ବାହାଘର ଠିକ୍‌ କରିଥିଲେ ।
ଭାଲେନ୍‌ଟାଇନ୍‌ ସପ୍ତାହର ପ୍ରଥମ ଦିନରେ ଅଭିଷେକ ଏକ ଗୋଲାପ ନେଇ ପ୍ରୀତିଙ୍କୁ ଉପହାର ଦେବାକୁ ଯାଇଥିଲେ । ସେଠାରେ ପ୍ରୀତିଙ୍କ ଠାରୁ ବାହାଘର ଖବର ଶୁଣିବା ପରେ ଅଭିଷେକଙ୍କ ପାଦ ତଳୁ ମାଟି ଖସି ଯାଇଥିଲା । ଉକ୍ତ ଦିନ ଏହାକୁ ନେଇ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ପରେ ଅଭିଷେକ ରାଗରେ ପ୍ରୀତିଙ୍କ ଫେସବୁକ ଆକାଉଣ୍ଟ ଖୋଲି ଉଭୟଙ୍କ ଅନ୍ତରଙ୍ଗ ମୂହୁର୍ତ୍ତର ଫଟୋ ପୋଷ୍ଟ କରିଥିଲେ । ଏହାସହ କିଛି ଅଶ୍ଳୀଳ କମେଣ୍ଟ୍‌ମାନ ମଧ୍ୟ ଲେଖିଥିଲେ । ଏ ଖବର ଜାଣିବା ପରେ ପ୍ରୀତି ଗତକାଲି ସହିଦନଗର ଥାନାରେ ଅଭିଯୋଗ କରିଥିଲେ । ପୁଲିସ ୬୬ ଆଇଟି ଆକ୍ଟ ବଳରେ ଅଭିଯୁକ୍ତ ପ୍ରେମିକ ଅଭିଷେକକୁ ଗିରଫ କରିଛି ।

ସମ୍ବନ୍ଧିତ ଖବର