ବ୍ରାଉନସୁଗର ହୋମ୍‌ ଡେଲିଭରି, ଧରାପଡ଼ିଲେ ଦୁଇ ବେପାରୀ

ଭୁବନେଶ୍ୱର,୪ ।୨(ବ୍ୟୁରୋ): ଏଣିକି ଘରେ ବସି ପାଇ ପାରିବେ ବ୍ରାଉନ୍‌ସୁଗର(ଧଳା ଜହର) । ଆଉ ଆପଣଙ୍କୁ ବେପାରୀଙ୍କ ପାଖକୁ ଯିବାକୁ ପଡ଼ିବନି । କାରଣ ଧଳା ଜହର ବେପାରୀମାନେ ଏବେ ହୋମ୍‌ ଡେଲିଭରି କରୁଛନ୍ତି । ଫୋନ୍‌ କଲାମାତ୍ରେ ପାଖରେ ପହଞ୍ଚାଇ ଦେଉଛନ୍ତି । ଏଭଳି ହୋମ୍‌ ଡେଲିଭରି କରୁଥିବା ଦୁଇ ବ୍ରାଉନ୍‌ସୁଗର ବେପାରୀଙ୍କୁ ଗିରଫ କରିଛି ଭୁବନେଶ୍ୱର ଅବକାରୀ ବିଭାଗ । ସେମାନେ ହେଲେ ଖଣ୍ଡଗିରି ଥାନା ଅଧୀନ ପାତ୍ରପଡ଼ାର ମୁନା ସେଠୀ(୨୬) ଓ ଘାଟିକିଆର ରାଘବ ଦାସ(୩୦) । ଦୁଇ ଜଣଙ୍କ ଠାରୁ ୧୫ ଗ୍ରାମ ବ୍ରାଉନ୍‌ସୁଗର ଓ ଏକ ବାଇକ୍‌ ଜବତ ହୋଇଛି ।
ଅବକାରୀ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ, ମୁନା ଓ ରାଘବ ଆଜି ବ୍ରାଉନ୍‌ସୁଗର ହୋମ୍‌ ଡେଲିଭରି ଦେବା ପାଇଁ ଯାଉଥିବା ବେଳେ ନାକାଗେଟ୍‌ ନିକଟରେ ଅବକାରୀ ଟିମ୍‌ ଚଢ଼ଉ କରି ସେମାନଙ୍କୁ ଧରିଥିଲେ । ଉଭୟଙ୍କ ଠାରୁ ୧୫ ଗ୍ରାମ ବ୍ରାଉନ୍‌ସୁଗର ଓ ଏକ ବାଇକ୍‌ (ଓଡି୩୩କେ-୭୦୩୫) ଜବତ କରିଥିଲେ । ଜବତ ବ୍ରାଉନ୍‌ସୁଗରର ମୂଲ୍ୟ ଦେଢ଼ ଲକ୍ଷ ଟଙ୍କା ହେବ । ବ୍ରାଉନ୍‌ସୁଗର କାରବାର ଅଭିଯୋଗରେ ମୁନା ପୂର୍ବରୁ ମଧ୍ୟ ଗିରଫ ହୋଇ ଜେଲ୍‌ ଯାଇଥିଲା ବୋଲି ଅବକାରୀ ବିଭାଗ କହିଛି । ଭୁବନେଶ୍ୱର ଅବକାରୀ ବିଭାଗ ଆଇଆଇସି ପ୍ରଭାତ କୁମାର ସେଠୀଙ୍କ ନେତୃତ୍ୱରେ ଏସ୍‌ଆଇ ସୁଜିତ ମୁଦୁଲି, ହୃଦୟାନନ୍ଦ ସାମନ୍ତ ଓ ଅନ୍ୟ କର୍ମଚାରୀମାନେ ଚଢ଼ଉରେ ସାମିଲ୍‌ ଥିଲେ ।

   ସମ୍ବନ୍ଧିତ ଖବର


୭ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା : ୧୦ ଜିଳ୍ଲାକୁ ୟଲୋ ଓ୍ବାର୍ଣ୍ଣିଂ, ୭ ଜିଳ୍ଲାକୁ ଅରେଞ୍ଜ ଓ୍ବାର୍ଣ୍ଣିଂ ଜାରି

ମହିଳା IICଙ୍କୁ ନିର୍ଯାତନା : ସ୍ବାମୀଙ୍କ ବିରୋଧରେ ଆଣିଲେ ସଙ୍ଗିନ ଅଭିଯୋଗ, ଥାନାରେ ଏତଲା

ବିଜେଡି ପ୍ରାର୍ଥୀ ହେବେ ଓଡିଆ ସିନେଷ୍ଟାର ଅରିନ୍ଦମ୍ !

ବିବାହ ବିଛେଦ ମାମଲା : ସୁପ୍ରିମକୋର୍ଟ ଗଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ

ଖବର କାଗଜ ଉଦ୍ୟୋଗି ବିଜୟ କୁମାର ପଟ୍ଟନାୟକଙ୍କ ପରଲୋକ

ରାଜ୍ୟରେ ଆଜି ଚିହ୍ନଟ ହେଲେ ୪୨୦୯ କରୋନା ସଂକ୍ରମିତ, ଆକ୍ରାନ୍ତଙ୍କ ସଂଖ୍ୟା ୧୭୫୫୫୦କୁ ବୃଦ୍ଧି