PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠାରୁ ଡବ୍ଲ୍ୟୁଇଏଫ୍‌ ବାର୍ଷିକ ବୈଠକ, ଜଳବାୟୁ ପରିବର୍ତ୍ତନ ଉପରେ ହେବ ଆଲୋଚନା: ଏଜେଣ୍ଡାରେ ବିଶ୍ୱ ଆର୍ଥିକ ସୁଧାର
  • ||
  • ଭୁବନେଶ୍ଵର: ରାଜ୍ୟରେ ସାମାନ୍ୟ ବଢ଼ିଲା ଦୈନିକ ସଂକ୍ରମଣ, ୨୪ ଘଣ୍ଟା ମଧ୍ୟରେ ବାହାରିଲେ ୧୫ ଜଣ କରୋନା ପଜିଟିଭ
  • ||
  • ସାଂସଦ ଅପରାଜିତା ଷଢଙ୍ଗୀଙ୍କ ଫେସବୁକ ଆକାଉଣ୍ଟକୁ ହ୍ୟାକ୍‌, କଟକ କ୍ରାଇମବ୍ରାଞ୍ଚ୍‌ରେ ଦେଲେ ଏତଲା
  • ||
  • ବ୍ରହ୍ମଗିରି: ଭାରସାମ୍ୟ ହରାଇ ଗଛରେ ପିଟିହେଲା କାର୍, ଡ୍ରାଇଭର୍ ସମେତ ୨ ମୃତ
  • ||
  • ସରିଲା ଆବେଦନ, ଜୁଲାଇ ୧୭ରେ ନିଟ୍‌ ପ୍ରବେଶିକା ପରୀକ୍ଷା ଦେବେ ୧୨ ଲକ୍ଷ ଛାତ୍ରଛାତ୍ରୀ
  • ||
  • ପୁଣି ବିବାଦରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ, ରାତି ଅଧିଆ ହେଲା ଜିପିଆର୍‌ଏସ୍ ସର୍ଭେ
  • ||
  • ଦେଶବ୍ୟାପୀ ଖାଉଟିଙ୍କୁ ବଡ ଆଶ୍ବସ୍ତି: ପେଟ୍ରୋଲ ୯.୫୦ ଏବଂ ଡିଜେଲ ଲିଟର ପ୍ରତି କମିଲା ୭ଟଙ୍କା
  • ||
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

ରାଜ୍ୟ ମନ୍ତ୍ରୀପରିଷଦର ଅନୁମୋଦନ: ୫୨ହଜାର କୋଟି ଟପିବ କାମଚଳା ବଜେଟ

ଭୁବନେଶ୍ୱର,୨ା୨(ବ୍ୟୁରୋ): ୨୦୧୯-୨୦ ଆର୍ଥିକ ବର୍ଷର ପ୍ରଥମ ୪ମାସର ବଜେଟ୍‌ ବ୍ୟୟ ଅଟକଳ ୫୨ ହଜାର କୋଟି ଟପିବ । ଆଜି କ୍ୟାବିନେଟ୍‌ ଓ ମନ୍ତ୍ରୀପରିଷଦ ଏହି ଚିଠା ବଜେଟକୁ ଅନୁମୋଦନ କରିଛି । ଏଥି ସହିତ କ୍ୟାବିନେଟ୍‌ରେ ଅନ୍ୟ ତିନିଟି ପ୍ରସ୍ତାବ ମଧ୍ୟ ପାରିତ ହୋଇଛି । ଓଡ଼ିଶା ପୁଲିସ ସେବା ଓ ସଶସ୍ତ୍ର ପୁଲିସ ସେବାର ଅଧିକାରୀମାନଙ୍କ ପଦୋନ୍ନତି ପାଇଁ ସରକାର ନୂଆ ପଦୋନ୍ନତି କମିଟି(ଡିପିସି) ଗଢ଼ିଛନ୍ତି । ସଚିବାଳୟ କର୍ମଚାରୀଙ୍କ ନିଯୁକ୍ତି ଓ ସେବା ସର୍ତ୍ତାବଳି ଏବଂ ହ୍ରାଇଭରଙ୍କ ନିଯୁକ୍ତି ସେବା ସର୍ତ୍ତାବଳିରେ ମଧ୍ୟ ସଂଶୋଧନ କରିଛି କ୍ୟାବିନେଟ୍‌ ।
ମନ୍ତ୍ରୀ ପରିଷଦର ଅନୁମୋଦନ ଲାଭ କରିଥିବା ଏହି କାମଚଳା ବଜେଟ୍‌ରେ କୌଣସି ନୂତନଯୋଜନା ଘୋଷଣା କରାଯାଇ ନାହିଁ । ତେବେ ଅଳ୍ପ ଦିନ ତଳେ ଘୋଷଣା କରାଯାଇଥିବା ନୂଆ ଯୋଜନାଗୁଡ଼ିକ ପାଇଁ ବ୍ୟୟ ବରାଦ କରାଯାଇଛି । ଏଥିରେ ମୁଖ୍ୟତଃ ମୁଖ୍ୟମନ୍ତ୍ରୀ ଘୋଷଣା କରିଥିବା ‘କାଳିଆ’ ଯୋଜନା ଓ ଅନ୍ୟ କେତେକ ଯୋଜନା ପାଇଁ ବ୍ୟୟ ବରାଦ କରାଯାଇଛି । ୨୦୧୮-୧୯ ଆର୍ଥିକ ବର୍ଷରେ ରାଜ୍ୟ ବଜେଟ୍‌ ୧ଲକ୍ଷ ୩୨ ହଜାର ୮୧୮ କୋଟି ଟଙ୍କା ଥିଲା । ଯାହା ଜଣାପଡ଼ିଛି ବିଗତ ବର୍ଷ ତୁଳନାରେ ଆଗାମୀ ବର୍ଷ ବଜେଟ୍‌ ବ୍ୟୟ ୧୨ ପ୍ରତିଶତରୁ ଅଧିକ ହେବ । ଆସନ୍ତା ୭ ତାରିଖ ଦିନ ସରକାର ବିଧାନସଭାରେ ଏହି କାମଚଳା ବଜେଟ୍‌ ଉପସ୍ଥାପନ କରିବେ ।
ସଚିବାଳୟରେ କାର୍ଯ୍ୟରତ କର୍ମଚାରୀଙ୍କ ଳାଗି ଉଦ୍ଦିଷ୍ଟ ଓଡ଼ିଶା ସଚିବାଳୟ ନିଯୁକ୍ତି ଓ ସେବା ନିିୟମାବଳିକୁ କ୍ୟାବିନେଟ ସଂଶୋଧନ କରିଛି । ପୂର୍ବରୁ ଥିବା ନିୟମ ଅନୁସାରେ ଜଣେ ଏଏସ୍‌ଓ ପଦୋନ୍ନତି ପାଇ ଏସ୍‌ଓ ପଦବୀକୁ ଯିବାପାଇଁ ୧୨ ବର୍ଷ ଅପେକ୍ଷା କରିବାକୁୁ ପଡ଼ୁଥିଲା । ଯାହାକୁ ହ୍ରାସ କରାଯାଇ ୮ବର୍ଷ କରାଯାଇଛି । ସେହିଭଳି ଅନୁଶାସନସଚିବ ପଦବିରୁ ଉପ ଶାସନ ସଚିବ ପଦବିକୁ ଆସିବା ପାଇଁ ୩ ବର୍ଷର ଅଭିଜ୍ଞତା ହାସଲ କରିବାକୁ ପଡ଼ୁଥିଲା । ଏଥିରେ ମଧ୍ୟ ସଂଶୋଧନ କରାଯାଇ ୧ ବର୍ଷକୁ ହ୍ରାସ କରାଯାଇଛି । ଏହା ସହିତ ଯୁଗ୍ମ ଶାସନ ସଚିବ ପଦବିରୁ ଅତିରିକ୍ତ ଶାସନ ସଚିବ ପଦବିକୁ ଯିବା ପାଇଁ ଥିବା ୩ବର୍ଷର ଅଭିଜ୍ଞତାକୁ ମଧ୍ୟ ସଂଶୋଧିତ ନିୟମାବଳିରେ ଉଚ୍ଛେଦ କରାଯାଇଛି । ଏଣିକି କେବଳ ବରିଷ୍ଠତା ଓ ଯୋଗ୍ୟତା ଭିତ୍ତିରେ ଯୁଗ୍ମ ସଚିବମାନଙ୍କୁ ଅତିରିକ୍ତ ଶାସନ ସଚିବ ପାହ୍ୟାକୁ ପଦୋନ୍ନତି ଦିଆଯିବ । ସରକାରୀ ଡ୍ରାଇଭରଙ୍କ ନିଯୁକ୍ତି ଓ ଚାକିରି ସର୍ତ୍ତାବଳିରେ ମଧ୍ୟ ସଂଶୋଧନ କରିଛି କ୍ୟାବିନେଟ୍‌ । ସରକାରଙ୍କ ବିଭିନ୍ନ ବିଭାଗ, ବିଭାଗୀୟ ମୁଖ୍ୟ ଦପ୍ତର ଓ ଜିଲ୍ଲା ସ୍ତରରେ କାର୍ଯ୍ୟ କରୁଥିବା ହାଲୁକା ମୋଟର ଯାନ ଡ୍ରାଇଭରମାନଙ୍କ କ୍ଷେତ୍ରରେ ଏହା କାର୍ଯ୍ୟକାରୀ ହେବ । ଏଣିକି ଯେଉଁଠି ୪ଜଣ ଡ୍ରାଇଭର କାର୍ଯ୍ୟ କରୁଥିବେ ସେଠି ଅଭିଜ୍ଞତା ଓ ବରିଷ୍ଠତାକୁ ଭିତ୍ତି କରି ଜଣକୁ ହେଡ୍‌ ଡ୍ରାଇଭର କରାଯିବ ।