PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠାରୁ ଡବ୍ଲ୍ୟୁଇଏଫ୍‌ ବାର୍ଷିକ ବୈଠକ, ଜଳବାୟୁ ପରିବର୍ତ୍ତନ ଉପରେ ହେବ ଆଲୋଚନା: ଏଜେଣ୍ଡାରେ ବିଶ୍ୱ ଆର୍ଥିକ ସୁଧାର
  • ||
  • ଭୁବନେଶ୍ଵର: ରାଜ୍ୟରେ ସାମାନ୍ୟ ବଢ଼ିଲା ଦୈନିକ ସଂକ୍ରମଣ, ୨୪ ଘଣ୍ଟା ମଧ୍ୟରେ ବାହାରିଲେ ୧୫ ଜଣ କରୋନା ପଜିଟିଭ
  • ||
  • ସାଂସଦ ଅପରାଜିତା ଷଢଙ୍ଗୀଙ୍କ ଫେସବୁକ ଆକାଉଣ୍ଟକୁ ହ୍ୟାକ୍‌, କଟକ କ୍ରାଇମବ୍ରାଞ୍ଚ୍‌ରେ ଦେଲେ ଏତଲା
  • ||
  • ବ୍ରହ୍ମଗିରି: ଭାରସାମ୍ୟ ହରାଇ ଗଛରେ ପିଟିହେଲା କାର୍, ଡ୍ରାଇଭର୍ ସମେତ ୨ ମୃତ
  • ||
  • ସରିଲା ଆବେଦନ, ଜୁଲାଇ ୧୭ରେ ନିଟ୍‌ ପ୍ରବେଶିକା ପରୀକ୍ଷା ଦେବେ ୧୨ ଲକ୍ଷ ଛାତ୍ରଛାତ୍ରୀ
  • ||
  • ପୁଣି ବିବାଦରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ, ରାତି ଅଧିଆ ହେଲା ଜିପିଆର୍‌ଏସ୍ ସର୍ଭେ
  • ||
  • ଦେଶବ୍ୟାପୀ ଖାଉଟିଙ୍କୁ ବଡ ଆଶ୍ବସ୍ତି: ପେଟ୍ରୋଲ ୯.୫୦ ଏବଂ ଡିଜେଲ ଲିଟର ପ୍ରତି କମିଲା ୭ଟଙ୍କା
  • ||
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

କାଳିଆ ଯୋଜନାକୁ ଟକ୍କର ଦେବ ‘କିଷାନ ସମ୍ମାନ ନିଧି ଯୋଜନା’

ଭୁବନେଶ୍ୱର ୧/୨: ୨୦୧୯ ଅନ୍ତରୀଣ ବଜେଟ୍ ମୋଦି ସରକାର ଚାଷୀଙ୍କୁ ବଡ ଉପହାର ଦେଇଛନ୍ତି। ଯାହା କି ରାଜ୍ୟ ସରକାରଙ୍କ ‘କାଳିଆ ଯୋଜନା’ ଏବଂ ତେଲେଙ୍ଗାନା ସରକାରଙ୍କ ‘ରୟତବନ୍ଧୁ ଯୋଜନା’କୁ ବଡ ଝଟକା ଲାଗିଛି। ସାଧାରଣ ନିର୍ବାଚନ ପୂର୍ବରୁ ଓଡ଼ିଶା ସରକାର କାଳିଆ ଯୋଜନା କରିଥିଲେ। ସେହିଭଳି ରାଜ୍ୟର ବିଧାନସଭା ନିର୍ବାଚନ ପୂର୍ବରୁ ତେଲେଙ୍ଗାନା ସରକାର ରୟତବନ୍ଧୁ ଯୋଜନା କରି ଭୋଟରଙ୍କର ଆସ୍ଥାଭାଜନ ହୋଇପାରିଥିଲେ।। କେବଳ ସେତିକି ନୁହେଁ ଛତିଶଗଡ, ମଧ୍ୟ ପ୍ରଦେଶ ଓ ରାଜସ୍ଥାନରେ କୃଷିଋଣ ଛାଡ ନାରା ଦେଇ କଂଗ୍ରେସ କ୍ଷମତାକୁ ଆସିବାରେ ସକ୍ଷମ ହୋଇଛି। ତେଣୁ ଆଗାମି ନିର୍ବାଚନରେ ଚାଷୀମାନେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ। ଏହାକୁ ଆଖି ଆଗରେ ରଖି ବଜେଟ୍ରେ ‘କିଷାନ ସମ୍ମାନ ନିଧି ଯୋଜନା’ର ଶୁଭାରମ୍ଭ କରିଛନ୍ତି ଏନ୍ଡିଏ ସରକାର। ଏହି ଯୋଜନା ସିଧାସଳଖ ଓଡିଶାର କାଳିଆ ଯୋଜନା ସହିତ ଟକ୍କର ଦେବ। ଉଭୟ ଯୋଜନାକୁ ତୁଳନା କରିଲେ କାଳିଆ ଯୋଜନାରେ ଚାଷୀ ଅଧିକ ଅର୍ଥ ନିଶ୍ଚୟ ପାଇବେ।

ତେବେ କୃଷକମାନଙ୍କ ପାଇଁ ୬ହଜାର ଟଙ୍କାର ସହାୟତା ବ୍ୟତୀତ ବଜେଟ୍ରେ ଆହୁରି ଅନେକ ସୁବିଧା ପ୍ରଦାନ କରାଯାଇଛି। ଯେମିତିକି ତିନିଟି କିସ୍ତିରେ ଏହି ରାଶି ଚାଷୀଙ୍କୁ ପ୍ରଦାନ କରାଯିବ। ଦୁଇ ହେକ୍ଟର ଜମି ଥିବା ଚାଷୀଙ୍କୁ ଏହି ସୁବିଧା ମିଳିବ। ଏଥିରେ ଦେଶର ୧୨କୋଟି ଚାଷୀ ଉପକୃତ ହେବେ। ଫଳରେ କେନ୍ଦ୍ର ସରକାରଙ୍କ ଉପରେ ୭୫ହଜାର କୋଟି ଟଙ୍କାର ଆର୍ଥିକ ବୋଝ ପଡିବ ବୋଲି ଆକଳନ କରାଯାଇଛି। ଏଥିସହିତ ପ୍ରାକୃତିକ ବିପର‌୍ୟ୍ୟର ସମ୍ମୁଖିନ ହେଉଥିବା ଚାଷୀଙ୍କୁ ୫ ପ୍ରତିଶତ ସୁଧ ହାରରେ ଆର୍ଥିକ ସହାୟତା ଯୋଗାଇ ଦିଆଯିବ। ସେହିଭଳି ମତ୍ସ୍ୟ ଓ ପଶୁପାଳନ କ୍ଷେତ୍ରରେ ଥିବା ଚାଷୀଙ୍କୁ ୨ ପ୍ରତିଶତ ସୁଧ ହାରରେ ଆର୍ଥିକ ସହାୟତା ଯୋଗାଇ ଦିଆଯିବ। ସର୍ବୋପରି ସମସ୍ତ ୨୨ଟି ଯାକ ଶସ୍ୟ ପାଇଁ ସର୍ବନିମ୍ନ ସହାୟକ ମୂଲ୍ୟ ୧.୫ ଗୁଣ ବୃଦ୍ଧି ପାଇଁ ଯୋଜନାର ଅର୍ନ୍ତଭୁକ୍ତ ହୋଇଛି ବୋଲି ଘୋଷଣା କରିଛନ୍ତି ଅଥର୍ମନ୍ତ୍ରୀ ଶ୍ରୀ ଗୋୟଲ ।

ସମ୍ବନ୍ଧିତ ଖବର