ସ୍ଥଳଭାଗ ଆଡ଼କୁ ମୁହାଁଉଛି ‘ବୁଲବୁଲ୍’ : ଆଜି ମଧ୍ୟରାତ୍ର ସୁଦ୍ଧା ସୁନ୍ଦରବନରେ କରିବ ଲ୍ୟାଣ୍ଡଫଲ

ଭୁବନେଶ୍ବର ୯।୧୧: ସ୍ଥଳଭାଗ ଆଡ଼କୁ ମୁହାଁଉଛି ସାମୁଦ୍ରିକ ବାତ୍ୟା ବୁଲବୁଲ । ପଶ୍ଚିମବଙ୍ଗ- ବାଂଲାଦେଶ ଉପକୂଳର ମଝିଦେଇ ସ୍ଥଳ ଭାଗକୁ ପ୍ରବେଶ କରିବ । ସୁନ୍ଦରବନର ଡେଲ୍ଟା ଅଞ୍ଚଳରେ ଏହା ସ୍ଥଳ ଭାଗରେ ପ୍ରବେଶ କରିବ ବୋଲି କୁହାଯାଉଛି । ଏହି ସମୟରେ ପବନର ବେଗ ୧୧୦-୧୨୦ ରହିବ ଏବଂ ଗଷ୍ଟିଂ ୱିଣ୍ଡ ସ୍ପିଡ୍ ପ୍ରାୟ ୧୩୫ କିଲୋମିଟର ରହିବ ବୋଲି ପୂର୍ବାନୁମାନ କରାଯାଉଛି । ଏହାର ପ୍ରଭାବରେ ଓଡିଶା, ପଶ୍ଚିମବଙ୍ଗ, ମିଜୋରାମ, ତ୍ରିପୁରା ଆସାମ ଓ ମେଘାଳୟରେ ଦୁଇଦିନ ଧରି ବର୍ଷା ଲାଗି ରହିବ ।

ବାତ୍ୟା ବୁଲବୁଲ ପାରାଦୀପ ଠାରୁ ୧୩୦ କିଲୋମିଟର ଦୂରରେ ରହିଛି । ଆଜି ଦିନ ୧୦ଟାରୁ ୧୧ଟା ମଧ୍ୟରେ ଏହା ପାରାଦୀପ ଅତିକ୍ରମ କରିବ ବୋଲି ପୂର୍ବାନୁମାନ କରାଯାଉଛି । ବାତ୍ୟା ବୁଲବୁଲ୍ ପ୍ରଭାବରେ ବାଲେଶ୍ବର, ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁରରେ ପ୍ରବଳରୁ ଅତି ପ୍ରବଳ ବର୍ଷା ଏବଂ ମୟୁରଭଞ୍ଜ, କଟକ ଓ ଯାଜପୁର ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ବିଶେଷ କରି ୪ଟି ଜିଲ୍ଲା ଜଗତସିଂହପୁର, ବାଲେଶ୍ବର, ଭଦ୍ରକ ଓ କେନ୍ଦ୍ରାପଡ଼ାରେ ବର୍ଷାର ପରିମାଣ ଅଧିକ ରହିବ।  ଘଣ୍ଟା ପ୍ରତି ୭୦ ରୁ ୯୦ କିଲୋମିଟର ବେଗରେ ପବନ ବହିବାର ସମ୍ଭାବନା ରହିଛି ।

ତେବେ ଫନି ଠାରୁ ବାତ୍ୟା ବୁଲବୁଲର ପ୍ରଭାବ କମ୍ ରହିବ ବୋଲି କହିଛି ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି । ସକାଳୁ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ସ୍ଥାନୀୟ ପାଣିପାଗ ବିଜ୍ଞାନ କେନ୍ଦ୍ରରେ ପହଞ୍ଚି ପାଣିପାଗ କେନ୍ଦ୍ରର ମହା ନିର୍ଦେଶକଙ୍କ ସହ ସାମୁଦ୍ରିକ ବାତ୍ୟା ‘ବୁଲ୍‌ବୁଲ୍‌’ର ସ୍ଥିତି ଓ ସେଥିଯୋଗୁଁ ହେଉଥିବା ବୃଷ୍ଟିପାତ ବିଷୟରେ ସମୀକ୍ଷା କରିଛନ୍ତି।

   ସମ୍ବନ୍ଧିତ ଖବର


ମୋବାଇଲ୍ ଝାମ୍ପି ହଟହଟା, ଲୁଟେରାକୁ ଛେଚିଲେ ଲୋକେ

ଖେଳୁଥିବା ବେଳେ କୂଅରେ ପଡି ୫ ବର୍ଷର ଶିଶୁ ପୁତ୍ର ମୃତ

ରାଜ୍ୟରେ ରେକର୍ଡ ସଂଖ୍ୟକ ୬୦୯ ସୁସ୍ଥ

ଆସନ୍ତାକାଲି ଠାରୁ ରାଜ୍ୟରେ ପ୍ଲାଜମା ଥେରାପୀ ଆରମ୍ଭ -ବୃଦ୍ଧି ହେବ କୋଭିଡ ହସ୍ପିଟାଲର ଶଯ୍ୟା, ଆମ୍ବୁଲାନ୍ସ ଏବଂ ଆଇସିୟୁ

ମହାକାଳପଡା ନୂଆଁ ଗାଁରେ ଭୌତିକ କାଣ୍ଡ!ଶୂନ୍ୟରେ ନିଆଁ- ଆପେ ଘର ଜିନିଷରେ ଲାଗିଯାଉଛି ନିଆଁ

ରାଜଧାନୀରୁ ପୁଣି ୫୧ ପଜିଟିଭ ଚିହ୍ନଟ