PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ଘରୋଇ ବସ୍‌ ଜାଳିଦେଲେ ମାଓବାଦୀ

ମାଥିଲି/ଗୋବିନ୍ଦପାଲ୍ଲି,୨୯ା୧(ଆପ୍ର): ଭାରତ ବନ୍ଦ ଡାକରାର ଚତୁର୍ଥ ଦିନରେ ମାଲକାନଗିରି ଜିଲ୍ଲାରେ ହିଂସାକାଣ୍ଡ ଘଟାଇଛନ୍ତି ମାଓବାଦୀ । ଛତିଶଗଡ଼ ସୀମାନ୍ତ ମାଥିଲି ବ୍ଲକ୍‌ କମାରପାଲ୍ଲି ପଞ୍ଚାୟତର ମୁଣ୍ଡାଗୁଡ଼ା ଗାଁରେ ଜାଳି ଦେଇଛନ୍ତି ଏକ ଘରୋଇ ବସ୍‌ । ଡ୍ରାଇଭର ଓ କଣ୍ଡକ୍ଟରଙ୍କୁ ନିସ୍ତୁକ ମାଡ଼ ମାରିଛନ୍ତି । ସୋମବାର ବିଳମ୍ବିତ ରାତିରେ ଘଟିଛି ଏହି ଲଙ୍କାକାଣ୍ଡ । ଆଜି ସକାଳେ ପୁଲିସ୍‌ ଏବଂ ବିଏସ୍‌ଏଫ୍‌ ଯବାନମାନେ ପହଞ୍ଚି ଆଖପାଖ ଅଞ୍ଚଳରେ କମ୍ବିଂ ଅପରେସନକୁ ଜୋରଦାର କରିଛନ୍ତି । ପରିତାପର ବିଷୟ ହେଲା, ମାଓବାଦୀମାନେ ଯେଉଁଠି ଏହି କାଣ୍ଡ ଘଟାଇଛନ୍ତି ସେଠାରୁ ମାତ୍ର ୫ କିମି ଦୂର କିଆଙ୍ଗଠାରେ ରହିଛି ବିଏସ୍‌ଏଫ୍‌ ବାଟାଲିୟନ୍‌ । ସେହିପରି ୧୨ କିମି ଦୂର ସାଲିମିଠାରେ ବି ବିଏସ୍‌ଏସ୍‌ କ୍ୟାମ୍ପ ରହିଛି । ମାତ୍ର ୧୦ କିମି ଭିତରେ ଦୁଇଟି ବିଏସ୍‌ଏଫ୍‌ କ୍ୟାମ୍ପ ରହିଥିବା ବେଳେ ମାଓବାଦୀମାନେ ଖୋଲା ଚ୍ୟାଲେଞ୍ଜ ଦେଇ ଏଭଳି ହିଂସାକାଣ୍ଡ ଘଟାଇବାରେ ସଫଳ ହୋଇଛନ୍ତି ।
ସୋମବାର ରାତିରେ ଯାତ୍ରୀଙ୍କୁ ଧରି ଘରୋଇ ବସ୍‌ ‘ନଋିଆରାଣୀ’ ମୋଟୁ, ମାଲକାନଗିରି ଭାୟା ମାଥିଲି ଦେଇ କମାରପାଲ୍ଲି ଯାଉଥିଲା । ରାତି ପ୍ରାୟ ୭ଟାରେ ବସ୍‌ଟି ପହଞ୍ଚିଥିଲା ମୁଣ୍ଡାଗୁଡାରେ । ସେଠାରେ ଗାଡ଼ିରେ ରୋଷେଇ କରି ଡ୍ରାଇଭର୍‌, ହେଲପର୍‌ ଓ କଣ୍ଡକ୍ଟର ଖାଉଥିବା ବେଳେ ପ୍ରାୟ ୩୦ ଜଣ ସଶସ୍ତ୍ର ମାଓବାଦୀ ପହଞ୍ଚିଥିଲେ । ଭାରତ ବନ୍ଦ ଡାକରା ସମୟରେ କାହିଁକି ବସ୍‌ ଚଳାଇଲ ବୋଲି କହି ଡ୍ରାଇଭର୍‌ ଓ କଣ୍ଡକ୍ଟରଙ୍କୁ ନିସ୍ତୁକ ମାଡ଼ ମାରିଥିଲେ । ଏକ ଟାଙ୍ଗିଆରେ ବସ୍‌ର ଡିଜେଲ୍‌ ଟାଙ୍କି ଭାଙ୍ଗିଥିଲେ । ପରେ ବସ୍‌ ଉପରେ ଡିଜେଲ୍‌ ଢାଳି ନିଆଁ ଲଗାଇ ଦେଇଥିଲେ । ବସ୍‌ଟି ସଂପୂର୍ଣ୍ଣ ଜଳିଯାଇଛି । ଆଜି ସକାଳେ ମାଥିଲି ପୁଲିସ୍‌ ଏବଂ ବିଏସ୍‌ଏଫ୍‌ ଯବାନମାନେ ସୀମା ସିଲ୍‌ କରିବା ସହ ପାଟ୍ରୋଲିଂ ଓ କମ୍ବିଂ ଅପରେସନ୍‌କୁ ଜୋର୍‌ଦାର କରିଥିଲେ। ହିଂସାକାଣ୍ଡ ପଛରେ ସୀମାନ୍ତ ଛତିଶଗଡ଼ ଦରଭା ଡିଭିଜନ୍‌ ମାଓବାଦୀଙ୍କ ହାତ ଥିବା କହିଛନ୍ତି ଏସ୍‌ପି ଜଗମୋହନ ମୀନା ।