ମୁମ୍ବାଇ, ୧୯ /୫ : ବର୍ତ୍ତମାନ ଜାରି ରହିଛି କାନ୍ସ ଫିଲ୍ମ ଫେଷ୍ଟିଭାଲ। ବଲିଉଡର ଅନେକ ଅଭିନେତ୍ରୀ ଉର୍ବଶୀ ରୌତେଲା, ଐଶ୍ୱର୍ଯ୍ୟା ରାୟ ଚଳିତ ଥର କାନ୍ସରେ ନିଜର ଜଲୱା ଜାରି ରଖିଥିବା ବେଳେ ବର୍ତ୍ତମାନ କିଆରା ଆଡଭାନୀ ଡେବ୍ୟୁ କରିଛନ୍ତି । ଅଭିନେତ୍ରୀ କାନ୍ସର ରେଡ ସି ଫିଲ୍ମ ଫାଉଣ୍ଡେସନର ୱିମେନ ଇନ ସିନେମା ଗାଲା ଡିନରରେ ଭାରତକୁ ପ୍ରତିନିଧିତ୍ୱ କରିଛନ୍ତି । ଏହି ସମୟରେ କିଆରା ନିଜ ଦମଦାର ଲୁକ ସହ ଇଭେଣ୍ଟରେ ଚାରଚାନ୍ଦ ଲଗାଇଛନ୍ତି । ଇଭେଣ୍ଟରୁ କିଆରା ନିଜ ଲୁକ ଫଟୋ ସୋସିଆଲ ମିଡିଆରେ ସେୟାର କରିଥିବା ବେଳେ ଫ୍ୟାନ୍ସ ଏହାକୁ ପସନ୍ଦ କରିବା ସହ ତାଙ୍କର ବେଶ ପ୍ରଶଂସା କରିଛନ୍ତି । ତେବେ ଏପ୍ରିଲ ୧୭ରେ କିଆରା ଆଡଭାନୀ କାନ୍ସରେ ଡେବ୍ୟୁ କରିଥିଲେ । ପ୍ରଥମ ଦିନରେ ସେ ରେଡ କାର୍ପେଟରେ ଏକ ହ୍ୱାଇଟ ରଙ୍ଗର ଗାଉନରେ ନଜର ଆସି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ।
ନିଜ ଇନଷ୍ଟାଗ୍ରାମରେ ସେ ନିଜ କାନ୍ସ ଲୁକର ଫଟୋ ଏବଂ ଭିଡିଓ ଫ୍ୟାନ୍ସଙ୍କ ସହ ସେୟାର କରିଛନ୍ତି । ତେବେ ତାଙ୍କର ଫଟୋ ସୋସିଆଲ ମିଡିଆରେ ଖୁବ ଭାଇରାଲ ହେଉଥିବା ବେଳେ ଫ୍ୟାନ୍ସ ଏହାକୁ ଲାଇକ କରିବା ସହ କମେଣ୍ଟ ବର୍ଷା କରୁଛନ୍ତି ।ଦ୍ୱିତୀୟ ଦିନରେ ମଧ୍ୟ କିଆରା ନିଜ କାତିଲାନା ଅନ୍ଦାଜ ସହ ଲାଇମଲାଇଟରେ ରହିଛନ୍ତି । କିଆରା ଆଡଭାନୀ ରେଡ ସି ଫିଲ୍ମ ଫାଉଣ୍ଡେସନର ୱିମେନ ଇନ ସିନେମା ଗାଲା ଡିନରରେ ଯୋଗ ଦେଇଥିଲେ । ଏହି ସମୟରେ ସେ ଏକ ପିଙ୍କ ଏବଂ ବ୍ଲାକ ରଙ୍ଗର ଗାଉନରେ ବାର୍ବି ଲୁକରେ ନଜର ଆସିଥିଲେ ।