PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ସରକାରୀ ଦରମାରେ ଘରୋଇ ସଂସ୍ଥା ପାଇଁ ଡାୟଲିସିସ୍‌: ଅଦୃଶ୍ୟ ଚାପରେ କ୍ୟାପିଟାଲ ହସ୍ପିଟାଲ କର୍ତ୍ତୃପକ୍ଷ

ଭୁବନେଶ୍ୱର,୩ ।୨(ବ୍ୟୁରୋ): କ୍ୟାପିଟାଲ ହସ୍ପିଟାଲ ଡାୟାଲିସିସ୍‌ ପାଇଁ ମାନବ ସମ୍ବଳ ଦେବ ବୋଲି ବୁଝାମଣାପତ୍ର (ଏମ୍‌ଓୟୁ) ସ୍ୱାକ୍ଷର କରିଥିଲା ‘ରାହି କେୟାର’ । ହେଲେ ମାନବସମ୍ବଳ ଦେବ କ’ଣ ଓଲଟା ହସ୍ପିଟାଲରେ ଥିବା ସରକାରୀ ଡାକ୍ତରଙ୍କୁ ନେଇ ଡାୟଲିସିସ୍‌ କରୁଛି । ଏ ନେଇ ଖବର ପ୍ରକାଶ ପାଇବା ପରେ ବି ହସ୍ପିଟାଲ କର୍ତ୍ତୃପକ୍ଷଙ୍କ ‘ରାହି କେୟାର’ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦମ୍‌ ପାଉନି । ଏମିତି ଯେଉଁ ୨ ଜଣ ଡାକ୍ତର ଘରୋଇ ସଂସ୍ଥା ପାଇଁ କାମ କରୁଥିଲେ । ଏବେ ବି ଆଗଭଳି ଡ୍ୟୁଟି କରୁଛନ୍ତି ।
ଏମ୍‌ଓୟୁ ଅନୁସାରେ, ସରକାର ପିପିପି ମୋଡ୍‌ରେ ‘ସହାୟ’ ଯୋଜନାରେ ଯେଉଁ ଡାୟଲିସିସ୍‌ ହେଉଛି, ତା’ର ପରିଚାଳନା ଦାୟିତ୍ୱ ‘ରାହି କେୟାର’ କରିବା କଥା । ମାନବସମ୍ବଳଠୁ ଆରମ୍ଭ କରି ସବୁ ଖର୍ଚ୍ଚ ଘରୋଇ ସଂସ୍ଥା କରିବ ବୋଲି ବୁଝାମଣାପତ୍ରରେ ମଧ୍ୟ ସ୍ୱାକ୍ଷର କରିଛି । ହେଲେ ସବୁ ସର୍ତ୍ତକୁ ଖିଲାପ କରି ସଂସ୍ଥା ଆବଶ୍ୟକ ମାନବସମ୍ବଳ ନିଯୁକ୍ତ ଦେଇନି । ସଂସ୍ଥା କ୍ୟାପିଟାଲ ହସ୍ପିଟାଲର ଡାକ୍ତରଙ୍କୁ ନେଇ ଡାୟଲିସିସ୍‌ କାମରେ ଲଗାଇଛି । ଘରୋଇ ସଂସ୍ଥା ପାଇଁ କାମ କରିବାରୁ ରୋକିବାର କ୍ଷମତା ମଧ୍ୟ ହସ୍ପିଟାଲ କର୍ତ୍ତୃପକ୍ଷଙ୍କ ପାଖରେ ନାହିଁ ।
କ୍ୟାପିଟାଲ ହସ୍ପିଟାଲର ଡାକ୍ତର ପ୍ରତାପ କୁମାର ଦାସ ସବୁଦିନ ଡାୟଲେସିସ୍‌ ୟୁନିଟ୍‌ରେ ବସୁଛନ୍ତି । ତାଙ୍କର ନିଯୁକ୍ତି ମେଡିସିନ୍‌ ବିଭାଗରେ ହୋଇଥିଲା । ସ୍ପେସିଆଲିଷ୍ଟ ସହ ସେ ନେଫ୍ରୋଲୋଜିର ସ୍ୱତନ୍ତ୍ର ତାଲିମ ନେଇଛନ୍ତି । ତାଙ୍କର ନିଯୁକ୍ତି ହସ୍ପିଟାଲର ଆଇସିୟୁ ପାଇଁ ହୋଇଛି । ତେବେ ହସ୍ପିଟାଲ ନିର୍ଦ୍ଦେଶକ ତାଙ୍କୁ ମେଡିସିନ୍‌ ଓପିଡିରେ ଡ୍ୟୁଟି କରିବାକୁ ଲିଖିତ ନିର୍ଦ୍ଦେଶ ଦେଇଛନ୍ତି । ଡାକ୍ତର ଦାସ ମେଡିସିନ୍‌ ୱାର୍ଡକୁ ନଯାଇ ଏବେ ଡାୟଲିସିସ୍‌ ୟୁନିଟ୍‌ରେ ଡ୍ୟୁଟି କରୁଛନ୍ତି । ସରକାରୀ ଡ୍ୟୁଟି କରି ଘରୋଇ ସଂସ୍ଥାର ଦାୟିତ୍ୱରେ ଥିବା କାମକୁ କରୁଛନ୍ତି ଡା.ଦାସ ।
ଆଉ ଜଣେ ଡାକ୍ତର ବି ବି ରାଉତରାୟ କ୍ୟାପିଟାଲ ହସ୍ପିଟାଲ ଶିଶୁ ବିଭାଗ ପାଇଁ ଡେପୁଟେସନ୍‌ରେ ଆସିଛନ୍ତି । ନେଫ୍ରୋଲୋଜିର ସ୍ୱତନ୍ତ୍ର ତାଲିମ ନେଇଥିବାରୁ ସେ ମଧ୍ୟ ଡାୟଲିସିସ୍‌ ୟୁନିଟ୍‌ରେ ବସୁଛନ୍ତି । ଦୁଇ ଡାକ୍ତର ବର୍ଷକ ମଧ୍ୟରେ ସରକାରୀ କାମ ନକରି ପାଖାପାଖି ୧୨ ଲକ୍ଷ ଟଙ୍କା ଦରମା ନେଲେଣି ।
ସରକାର ମାନବସମ୍ବଳ ପାଇଁ ‘ରାହି କେୟାର’କୁ ଟଙ୍କା ଦେଉଥିବା ବେଳେ ଏ ପଟେ ଦୁଇ ଡାକ୍ତର ସରକାରୀ ତହବିଲ୍‌ରୁ ମଧ୍ୟ ଦରମା ପାଉଛନ୍ତି । ତେବେ ସରକାର ପିପିପି ନାମରେ ଯୋଜନା କରି ମେସିନ୍‌ ଆଉ ମାନବସମ୍ବଳ ଯୋଗାଉଥିବାରୁ ପିପିପିର ମାନେ ଆଉ କ’ଣ ରହିଲା? ଖୋଦ୍‌ ସରକାରୀ ହସ୍ପିଟାଲ ଭିତରେ ଦୁଇ ଡାକ୍ତର ଘରୋଇ ସଂସ୍ଥା ପାଇଁ କାମ କରୁଥିବା ବେଳେ କାର୍ଯ୍ୟାନୁଷ୍ଠାନ କାହିଁକି ହେଉନି? ଦୁଇ ଡାକ୍ତରଙ୍କ ଉପରେ କାର୍ଯ୍ୟାନୁଷ୍ଠାନ ନନେବାକୁ କେଉଁ ଅଦୃଶ୍ୟ ଚାପ କାମ କରୁଛି? ଏ ସବୁକୁ ନେଇ ପ୍ରଶ୍ନବାଚୀ ସୃଷ୍ଟି ହେଲାଣି ।
ଏ ନେଇ ହସ୍ପିଟାଲ ଭାରପ୍ରାପ୍ତ ନିର୍ଦ୍ଦେଶକ ଡାକ୍ତର ଅଶୋକ ପଟ୍ଟନାୟକ କହିଛନ୍ତି, ସେ ଏବେ ବାହାରେ ରହିଛନ୍ତି । ଆସିଲେ ଏ ନେଇ ପଦକ୍ଷେପ ନେବେ ବୋଲି କହିଛନ୍ତି । ତେବେ ହସ୍ପିଟାଲର ଦୁଇ ଜଣ ଡାକ୍ତର ରାହି କେୟାରରେ କାମ କରୁଥିବା କଥା ସେ ଜାଣିଥିବା ଡାକ୍ତର ପଟ୍ଟନାୟକ ସ୍ୱୀକାର କରିଛନ୍ତି ।