PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ ପୋଲିସ ପକ୍ଷରୁ ଖଜୁରୀପଡା ଛକ ନିକଟରୁ ପିକପ ଭ୍ୟାନ ସହ ଚାରି କୁଣ୍ଟାଲ ଗଞ୍ଜେଇ ଜବତ ୨ ଗିରଫ
  • ||
  • ଭୁବନେଶ୍ଵର : ଛୋଟ ଛୁଆଙ୍କୁ କୋଭିଡ୍ ସଂକ୍ରମଣ ଆଶଙ୍କା କମ୍, ଛୋଟ ପିଲାଙ୍କ ମଧ୍ୟରେ ରହିଛି ୫୦ରୁ ୬୦ % ଆଣ୍ଟିବଡି – ନିରୋଜ ମିଶ୍ର
  • ||
  • ସୁନ୍ଦରଗଡ଼: ୧୫ ଗ୍ରାମର ବ୍ରାଉନସୁଗାର ଜବତ, ୫ ଗିରଫ
  • ||
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

କାର୍‌ ଧକ୍କାରେ ଚାଲିଗଲା ମା’, ଆହା ପଦେ କହିବାକୁ କେହି ନାହାନ୍ତି ପାଖରେ…

ଖଲ୍ଲିକୋଟ, ୧୯।୮: ସଡ଼କ ଦୁର୍ଘଟଣାରେ ମାଆ ମୃତ । ସାଇକେଲ୍‌ରେ ବସି ଆସୁଥିବା ଜଣେ ମହିଳାଙ୍କୁ ବାଲୁଗାଁ ନିକଟରେ ଧକ୍କା ଦେଲା ଦ୍ରୁତ ଗତିରେ ଚଳାଇ ଆସୁଥିବା କାର୍‌ । ମୃତକ ଖଲିକୋଟ ଥାନା ଅନ୍ତର୍ଗତ ଶ୍ରୀକୃଷ୍ଣ ଶରଣପୁର ଗ୍ରାମର ଉମା ଦାସ । ମାଆଙ୍କ ମୃତ୍ୟୁ ପରେ ବେସାହାରା ହୋଇ ଗଲେ ୪ ନାବାଳିକା ଝିଅ । ଖଲିକୋଟ ପୁଲିସ ଦୁର୍ଘଟଣା ଘଟାଇଥିବା କାର୍‌ ଜବତ କରିବା ସହ ଡ୍ରାଇଭରକୁ ଗିରଫ କରି କୋର୍ଟ ଚାଲାଣ କରାଯାଇଥିବା ନୋଭାଲ ଫାଣ୍ଡି ଅଧିକାରୀ ଗୋବିନ୍ଦ ଗୌଡ଼ ସୂଚନା ଦେଇଛନ୍ତି । ଏ ସମ୍ପର୍କରେ ନୋଭାଲ ଫାଣ୍ଡି କେସ ୧୪୫/୨୦୨୦ରେ ମାମଲା ରୁଜୁ ହୋଇଛି । ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି ଖଲ୍ଲିକୋଟ ଥାନା ଅନ୍ତର୍ଗତ ଶ୍ରୀକୃଷ୍ଣ ଶରଣପୁର ଗ୍ରାମରେ ।

ମିଳିଥିବା ସୂଚନା ଅନୁସାରେ ଗତ ରବିବାର ଉମା ଦାସ ଭୁବନେଶ୍ୱରରୁ କାମଧନ୍ଦା ସାରି କୌଣସି ମତେ ବାଲୁଗାଁ ଠାରେ ପହଞ୍ଚି ଥିଲେ । ସେଠାରୁ ତାଙ୍କ ପୁତୁରା ସହ ଏକ ସାଇକେଲରେ ବସି ନିଜ ଗାଁକୁ ଫେରୁଥଲେ । ଏହି ସମୟରେ ନୋଭାଲ ଛକ ନିକଟରେ ଏକ କାର୍‌ ଧକ୍କା ଦେଇଥିଲା । ଉଭୟେ ସାଇକେଲ ଚାଳକ ଓ ମହିଳା ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକଙ୍କ ସହାୟତାରେ ସେମାନଙ୍କୁ ଚିକିତ୍ସା ପାଇଁ ବାଲୁଗାଁ ମେଡ଼ିକାଲରେ ଭର୍ତ୍ତି କରାଯାଇଥିଲା । ତେବେ ଉମାଙ୍କ ମୁଣ୍ଡରେ ଗଭୀର ଆଘାତ ଲାଗି ଅଚେତ ଅବସ୍ଥାରେ ରହିଥିବାରୁ ତାଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଉଥିବା ବେଳେ ରାସ୍ତାରେ ତାଙ୍କର ମୃତ୍ୟୁ ହୋଇଥିଲା । ଶବ ବ୍ୟବଚ୍ଛେଦ ପରେ ଗତକାଲି ଗାଁକୁ ମୃତଦେହ ଅଣାଯାଇ ସତ୍କାର କରାଯାଇଥିଲା ।

ଶ୍ରୀକୃଷ୍ଣ ଶରଣପୁର ଗ୍ରାମର ଉମା ଦାସ ପୋଲସରା ଢୁଙ୍କାପଡା ଗ୍ରାମର ଅମର ଦାସଙ୍କୁ ବିବାହ କରିଥିଲେ । ଅମର ଦାସଙ୍କ ଗତ ୧୧ ବର୍ଷ ତଳେ ମୃତ୍ୟୁ ହୋଇଥିଲା । ପରେ ସେ ୪ ଝିଅଙ୍କୁ ଧରି ଶାଶୂ ଘର ଛାଡ଼ି ବାପା ଘରକୁ ଚାଲି ଯାଇଥିଲେ । ଶ୍ରୀକୃଷ୍ଣ ଶରଣପୁର ଗ୍ରାମରେ ଏକ ଭଡ଼ା ଘରେ ରହୁଥିଲେ । ଦିନ ମଜୁରିଆ ଭାବେ କାମ କରି ପାଞ୍ଚ ପ୍ରାଣୀ କୁଟୁମ୍ବ ଦୁଃଖ କଷ୍ଟରେ ଚଳି ଯାଉଥିଲେ । କେତେକ ସମୟରେ ଚେନ୍ନାଇ ମଧ୍ୟ କାମଧନ୍ଦା କରିବା ପାଇଁ ଯାଉଥିଲେ । ଉମାଙ୍କ ମୃତ୍ୟୁ ପରେ ତାଙ୍କ ୪ ଝିଅ ଏବେ ବେସାହାରା ହୋଇଛନ୍ତି । ବଡ଼ ଝିଅ ମମତା ଦାସ ମାଟ୍ରିକ ପରେ ପାଠରେ ଡୋରି ବାନ୍ଧି ଥିଲେ । ଦ୍ୱିତୀୟ ଝିଅ ସସ୍ମିତା ଦଶମ ଶ୍ରେଣୀରେ ପଢୁଛି । ତୃତୀୟ ଝିଅ ସୁଜାତା ଅଷ୍ଟମ ଓ ସାନ ଝିଅ ରୀତା ପଞ୍ଚମ ଶ୍ରେଣୀରେ ପାଠ ପଢୁଛନ୍ତି । ମାଆ ରୋଜଗାର କରି ଆଣିଲେ ଏମାନେ ଚଳୁଥିଲେ । ଏବେ ମାଆର ମୃତ୍ୟୁ ପରେ ଚାରି ଭଉଣୀଙ୍କ ଭବିଷ୍ୟତ ଅନ୍ଧକାର ମଧ୍ୟକୁ ଠେଲି ହୋଇଯାଇଛି । ଏବେ ସେମାନେ ନିଜର ଅର୍ଦ୍ଧ ନିର୍ମିତ ଘରେ ରହୁଛନ୍ତି । ପାଖରେ ଥିବା ଆଈ ମଝିରେ ମଝିରେ ଆସି ଭଲମନ୍ଦ ବୁଝି ଯାଉଛନ୍ତି । ଏ ସମ୍ପର୍କରେ ସରପଞ୍ଚ ରବୀନ୍ଦ୍ର ସେଠୀ ଘଟଣାରେ ଦୁଃଖ ପ୍ରକାଶ କରିବା ସହ ଯାହା ସରକାରୀ ସହାୟତା ମିଳି ପାରିବ ସେ ବିଷୟରେ ବିଡିଓଙ୍କ ସହ ଆଲୋଚନା କରି ନିଶ୍ଚିତ କରିବେ ବୋଲି ପ୍ରତିଶ୍ରୁତି ଦେଇଛନ୍ତି ।