ଜାଣନ୍ତୁ ଆଇଏନଏକ୍ସ ମିଡିଆ ମାମଲା କ’ଣ? ଯେଉଁ କାରଣରୁ ଜେଲ୍ ଗଲେ ଚିଦାମ୍ବରମ

ନୂଆଦିଲ୍ଲୀ,୨୨।୮: ଆଇଏନ୍ସଏକ୍ସ ମିଡିଆ ଦୁର୍ନୀତି ମାମଲରେ ପୂର୍ବତନ ଅର୍ଥମନ୍ତ୍ରୀ ଓ କଂଗ୍ରେସ ନେତା ପି.ଚିଦାମ୍ବରମଙ୍କୁ ଗତକାଲି ନାକଟକୀୟ ଘଟଣାକ୍ରମ ପରେ ସିବିଆଇ ଗିରଫ କରିଛି। ଏହି ମାମଲାରେ ଦିଲ୍ଳୀ ହାଇକୋର୍ଟଙ୍କ ଦ୍ବାରା ଅଗ୍ରୀମ ଜାମିନ୍ ଆବେଦନ ଖାରଜ ହେବାପରେ ସୁପ୍ରିମକୋର୍ଟଙ୍କ ଦ୍ବାରସ୍ତ ହୋଇଥିଲେ ଚିଦାମ୍ବରମ। କିନ୍ତୁ ଏହି ମାମଲାରେ ଆଇଏନଏକ୍ସ ମିଡିଆ ପ୍ରମୋଟର ଇନ୍ଦ୍ରାଣୀ ମୁଖାର୍ଜୀଙ୍କ ସରକାରୀ ସାକ୍ଷୀ ହେବାପରେ ଚିଦମ୍ବରମଙ୍କ ସମସ୍ୟା ଲଗାତାର ଭାବରେ ବଢିବାରେ ଲାଗିଥିଲା ଓ ପରେ ତାଙ୍କୁ ଗିରଫ କରିବାକୁ ପଡିଥିଲା।

ତେବେ ଏହି ଆଇଏନ୍ଏକ୍ସ ମିଡିଆ ଦୁର୍ନୀତି କ‘ଣ ? ଯେଉଁଥିରେ କଂଗ୍ରେସର ଏହି ବରିଷ୍ଠ ନେତା ଓ ପୂର୍ବତନ ଅର୍ଥମନ୍ତ୍ରୀ ଛନ୍ଦି ହୋଇ ଏବେ ଯାଇଛନ୍ତି ଜେଲ୍। ତଦନ୍ତକାରୀ ଏଜେନ୍ସିର ସୂଚନା ଅନୁସାରେ, ୨୦୦୭ରେ ଯେତେବେଳେ ଚିଦାମ୍ବରମ ଅର୍ଥମନ୍ତ୍ରୀ ଥିଣେ ସେତେବେଳେ ପିଟର ମୁଖାର୍ଜୀ ଓ ଇନ୍ଦ୍ରାଣୀ ମୁଖାର୍ଜୀଙ୍କ ଆଇଏନଏକ୍ସ ମିଡିଆକୁ ମଞ୍ଜୁରୀ ପ୍ରଦାନ କରିଥିଲେ। ଏହି କମ୍ପାନୀର ମାଲିିକ ପିଟର ମୁଖାର୍ଜୀ ହୋଇଥିବା ବେଳେ ତାଙ୍କ ପତ୍ନୀ ଇନ୍ଦ୍ରାଣୀ ମୁଖାର୍ଜୀ ଥିଲେ ଏହାର ସିଇଓ। ଇନଏକ୍ସ ମିଡିଆ କମ୍ପାନୀରେ ୩୦୫ କୋଟି ଟଙ୍କାର ବିଦେଶୀ ପୁଞ୍ଜି ଆସିଥିଲା, ତେବେ ମାତ୍ର ୫ କୋଟି ଟଙ୍କାର ନିବେଶର ଅନୁମତି ମିଳିଥିଲା। କିନ୍ତୁ ଆଇଏନଏକ୍ସ ମିଡିଆରେ ୩୦୦  କୋଟିରୁ ଅଧିକ ପୁଞ୍ଜିନିବେଶ କରାଯାଇଥିଲା। ନିଜକୁ ବଞ୍ଚାଇବା ପାଇଁ ଆଇଏନଏକ୍ସ ମିଡିଆ କାର୍ତ୍ତି ଚିଦାମ୍ବରମଙ୍କ ସହ ମିଶି ଷଡଯନ୍ତ୍ର କରିଥିଲା ଓ ସରକାରୀ ଅଫିସରଙ୍କୁ ପ୍ରଭାବିତ କରିବାକୁ ଚେଷ୍ଟା କରିଥିଲା। ଏଥିପାଇଁ ଚିଦାମ୍ବରମଙ୍କ ପୁଅ କାର୍ତ୍ତି ଚିଦାମ୍ବରମ ମଧ୍ୟ ଲାଞ୍ଚ ନେଇଥିଲେ।

ସିବିଆଇର ଅଭିଯୋଗ ଅନୁସାରେ ଏକ ଘରୋଇ କମ୍ପାନୀ, ଯାହା ଉପରେ କାର୍ତ୍ତି ଚିଦାମ୍ବରମଙ୍କ କନଟ୍ରୋଲ ଥିଲା, ଇନ୍ଦ୍ରାଣୀ ଓ ପିଟର ମୁଖର୍ଜୀଙ୍କ ମିଡିଆ ହାଉସରୁ ଫଣ୍ଡ ଟ୍ରାନ୍ସଫର ହୋଇଥିଲା। ସିବିଆଇର ଅଭିଯୋଗ ଅନୁସାରେ କାର୍ତ୍ତି ନିଜର କ୍ଷମତାକୁ ବ୍ୟବହାର କରି ଆଇଏନଏକ୍ସକୁ ଫରେନ୍ ଡାଇରେକ୍ଟ ଇନଭେଷ୍ଟମେଣ୍ଟ କ୍ଲିୟରାନ୍ସ ହାସଲ କରିବାକୁ ସାହାର୍ଯ୍ୟ କରିଥିଲେ। ଆଇଏନଏକ୍ସ ମିଡିଆ ମାମଲାରେ ସିବିଆଇ ୧୫ ମଇ ୨୦୧୫ରେ ପ୍ରାଥମିକ ମାମଲା ରୁଜୁ କରିଥିଲା ଏହାପ​‌ରେ ଇଡି ଗତ ବର୍ଷ ଏସମ୍ପର୍କରେ ମନି ଲଣ୍ଡରିଂ ମାମଲା ରୁଜୁ କରିଥିଲା।

ଏଭଳି ଖୋଲିଥିଲା ପୁରା ମାମଲା:

ବିଦେଶୀ ପୁଞ୍ଜି ନିବେଶ ଆଳରେ ଏଫଆଇପିବିରେ ଚାଲୁଥିବା ଖେଳର ଖୁଲାସା ଟୁ-ଜି ସ୍ପେକ୍ଟ୍ରମ ଦୁର୍ନୀତି ମାମଲାର ତଦନ୍ତ ବେଳେ ଏୟାରସେଲ-ମାକ୍ସିସ ଡିଲ୍ ଯାଞ୍ଚରୁ ହୋଇଥିଲା। ଏହି ଡିଲରେ ମନି ଲଣ୍ଡରିଂ ମାମଲାର ତଦନ୍ତ କରୁଥିବା ଇଡି ଟିମର ଧ୍ୟାନ ମ୍ୟାକ୍ସିସ୍ ସମ୍ପର୍କିତ କମ୍ପାନୀରୁ ତତ୍କାଳୀନ ଅର୍ଥମନ୍ତ୍ରୀ ଚିଦମ୍ବରମଙ୍କ ପୁଅ କାର୍ତ୍ତି ଚିଦାମ୍ବରମଙ୍କ  ସହିତ ଜଡିତ କମ୍ପାନୀରେ ଟଙ୍କା ଆସିବା ନେଇ କରାଯାଇଥିଲା। ଯେତେବେଳେ ଇଡି ଏହି ମାମଲା ଅନୁସାରେ ତାଙ୍କ ନିକଟରେ ପହଁଞ୍ଚିଥିଲା ​ସେତେବେଳେ ଗୋଟିଏ ପରେ ଗୋଟିଏ ଦୁର୍ନୀତିର ଖୁଲାସା ହୋଇଥିଲା। ଚିଦାମ୍ବରମ ଅର୍ଥମନ୍ତ୍ରୀ ଥିବା ବେଳେ ଓ ପିଟର ଏବଂ ଇନ୍ଦ୍ରାଣୀଙ୍କୁ ସାହାର୍ଯ୍ୟ କରିବାର ପ୍ରତିଶୃତି ହୋଇଥିଲେ। କିନ୍ତୁ ଏହା ବଦଳରେ ଦୁହିଁଙ୍କୁ କହିଥିଲେ ତାଙ୍କର ପୁଅ କାର୍ତ୍ତି ଚିଦାମ୍ବରମଙ୍କୁ ସାହାର୍ଯ୍ୟ କରିବାକୁ।ଇନ୍ଦ୍ରାଣୀ ଓ ପିଟିର ଦୁହେଁ ଇଡିକୁ କହିଥିଲେ ଯେ, ଏଫଆଇପିବିରୁ ମଞ୍ଜୁରୀ ଦେବା ସମ୍ପର୍କରେ ସେ ଚିଦମ୍ବରମଙ୍କ ପୁଅ କାର୍ତ୍ତି ଚିଦାମ୍ବରଙ୍କୁ ଦିଲ୍ଲୀର ଏକ ହୋଟେଲରେ ସାକ୍ଷାତ କରିଥିଲେ। କାର୍ତ୍ତିଙ୍କୁ ସାକ୍ଷାତ କରିବା ପରେ ତାଙ୍କୁ ୧୦ ଲକ୍ଷ ଟଙ୍କାର ଲାଞ୍ଚ ଦେଇଥିଲେ।

   ସମ୍ବନ୍ଧିତ ଖବର


ପୁରୁଣା ମାନଚିତ୍ର ସେୟାର କରି ଦଶହରାର ଶୁଭେଚ୍ଛା ଜଣାଇଲେ ପିଏମ୍‌ ଓଲି, ନେପାଳବାସୀ କହିଲେ..

୬୫ ବର୍ଷ ବୟସରେ ଦ୍ବିତୀୟ ବିବାହ କରିବେ ଜଣାଶୁଣା ଓକିଲ ହରିଶ ସାଲଭେ, କାହାକୁ ବାହା ହେବେ ଜାଣନ୍ତୁ

ଡ୍ରଗ୍ସ କିଣୁଥିବା ବେଳେ ଏନ୍‌ସିବି ହାତରେ ଧରାପଡ଼ିଲେ ଅଭିନେତ୍ରୀ

ପ୍ରଧାନମନ୍ତ୍ରୀ ପାକିସ୍ତାନ ଓ ଚୀନ୍‌ ସହ ଯୁଦ୍ଧ ତାରିଖ ସ୍ଥିର କରି ସାରିଛନ୍ତି – ୟୁପି ବିଜେପି ଅଧ୍ୟକ୍ଷଙ୍କ ବିବାଦିତ ବୟାନ

ଯୁଦ୍ଧ ପାଇଁ ପ୍ରସ୍ତୁତ ହେଉଛି ଜିନପିଙ୍ଗ୍‌ ସେନା, ୧୦୦ ଯବାନ ଆକାଶରେ କଲେ ସମାରାଭ୍ୟାସ

RBI ଗଭର୍ଣ୍ଣରଙ୍କୁ କରୋନା