ଭୁବନେଶ୍ୱର,୧୯/୦୫: କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ)ର ସପ୍ଲିମେଣ୍ଟାରୀ ପରୀକ୍ଷା ଜୁଲାଇ ୧୫ରୁ ଆରମ୍ଭ ହେବ । ଏନେଇ ସିବିଏସ୍ଇ ପକ୍ଷରୁ ଆସନ୍ତା ସପ୍ତାହରେ ପରୀକ୍ଷା କାର୍ଯ୍ୟସୂଚୀ ଘୋଷଣା କରାଯିବ ।
ସୂଚନାଯୋଗ୍ୟ, ଗତ ସୋମବାର ସିବିଏସ୍ଇ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇଛି । ଏହି ପରୀକ୍ଷାରେ ଗୋଟିଏ କିମ୍ବା ୨ଟି ବିଷୟରେ ଫେଲ୍ ହୋଇଥିବା ପିଲାମାନେ ସପ୍ଲିମେଣ୍ଟାରୀ ପରୀକ୍ଷା ଦେଇପାରିବେ। ସେମାନଙ୍କୁ ସୁଯୋଗ ମିଳିବ। ତେବେ ଜୁଲାଇ୧୫ରୁ ପରୀକ୍ଷା ଆରମ୍ଭ ହେବ ବୋଲି ସୂଚନା ରହିଛି । ଏ ସଂପର୍କିତ ସମସ୍ତ ବିବରଣୀ ଆସନ୍ତା ସପ୍ତାହରେ ପ୍ରକାଶ ପାଇବ। ଚଳିତବର୍ଷ ଦଶମରେ ୯୩.୬୦ ପ୍ରତିଶତ ଓ ଦ୍ୱାଦଶ ଶ୍ରେଣୀରେ ୮୭.୯୮ ପ୍ରତିଶତ ରେଜଲ୍ଟ ହୋଇଛି ।
ଦଶମରେ ୧ ଲକ୍ଷ ୩୨ ହଜାର ଏବଂ ଦ୍ୱାଦଶରେ ୧ ଲକ୍ଷ ୨୨ ହଜାରରୁ ଅଧିକ ପିଲା କମ୍ପାଟମେଣ୍ଟ ତଥା ସପ୍ଲିମେଣ୍ଟାରୀ ପରୀକ୍ଷା ଦେବେ। ଯେଉଁମାନେ ଗୋଟିଏ କିମ୍ବା ୨ଟି ବିଷୟରେ ଫେଲ ହୋଇଛନ୍ତି । ଏହି ପରୀକ୍ଷା ଦେବା ପାଇଁ ସିବିଏସ୍ଇ ୱେବ୍ସାଇଟ୍ cbse.gov.in ରେ ସମସ୍ତ ସୂଚନା ରହିଛି ।