ସିମେଣ୍ଟ ଟ୍ରକ୍‌ରୁ କୋଟିଏ ଟଙ୍କାର ଗଞ୍ଜେଇ ଜବତ:୨ ମାଫିଆଙ୍କୁ ଗିରଫ

ମାଲକାନଗିରି ୧୬/୧୦: ସିମେଣ୍ଟ ଟ୍ରକ୍‌ରେ ଚାଲାଣ ହେଉଥିଲା ଗଞ୍ଜେଇ । ଆନ୍ଧ୍ରରୁ ଯାଉଥିଲା ଅନୁଗୁଳ । ଏହି ସମୟରେ ଚିତ୍ରକୋଣ୍ଡା ପୁଲିସ୍‌ ଚଢଉ କରି ଜବତ କରିଛି ୧୫ କୁଇଣ୍ଟାଲ ଗଞ୍ଜେଇ । ଜବତ ଗଞ୍ଜେଇର ମୂଲ୍ୟ ପ୍ରାୟ କୋଟିଏ ଟଙ୍କା ହେବ ବୋଲି ଆକଳନ କରିଛି ପୁଲିସ୍‌ । ଅତି ଚତୁରତା ସହ ସିମେଣ୍ଟ ବ୍ୟାଗ୍‌ ଭିତରେ ଏହି ଗଞ୍ଜେଇ ଚାଲାଣ କରାଯାଉଥିଲା । ଏହି କାରବାରରେ ୨ ମାଫିଆଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ସେମାନେ ହେଲେ ଅନୁଗୁଳ ଜିଲ୍ଲାର ବିଶ୍ୱଜିତ ଭଦ୍ରି(୨୬) ଓ ସିନୁ ସାମଲ(୨୨) ।

ଏସ୍‌ପି ରିଷିକେଶ ଖିଲାରିଙ୍କ ସୂଚନା ଅନୁଯାୟୀ, ସୋମବାର ବିଳମ୍ବିତ ରାତିରେ ଚିତ୍ରକୋଣ୍ଡା ଥାନା ଇନ୍ସପେକ୍ଟର ଯୁଗଳ କିଶୋର ଶବରଙ୍କ ନେତୃତ୍ୱରେ ପୁଲିସର ଏକ ଟିମ୍‌ ଦୋରାଗୁଡା ଏସ୍‌ଆର କମ୍ପାନି ଛକ ରାସ୍ତାରେ ପାଟ୍ରୋଲିଂ କରୁଥିଲା । ସେହି ସମୟରେ ଆନ୍ଧ୍ରପଟରୁ ଏକ ସିମେଣ୍ଟ ଟ୍ରକ୍‌ ଦ୍ରୁତଗତିରେ ଆସୁଥିଲା । ପୁଲିସ ଏହାକୁ ଅଟକାଇବାକୁ ଚେଷ୍ଟା କରିଥିଲେ ମଧ୍ୟ ଅଟକି ନଥିଲା । ପୁଲିସ ଟ୍ରକ୍‌ର ପିଛା କରିଥିଲା ।

ଏହାଦେଖି ଟ୍ରକ୍‌ରେ ବସିଥିବା ୨ଜଣ ଓହ୍ଲାଇ ଜଙ୍ଗଲକୁ ଦୌଡ଼ି ପଳାଉଥିବା ବେଳେ ପୁଲିସ୍‌ ସେମାନଙ୍କୁ ଧରିଥିଲା । ଯାଞ୍ଚ ବେଳେ ଟ୍ରକ୍‌ରେ ପ୍ଲାଷ୍ଟିକ ବସ୍ତାରେ ଗଞ୍ଜେଇ ଓ ସିମେଣ୍ଟ ବୋଝେଇ ହୋଇ ରହିଥିଲା । ଚିତ୍ରକୋଣ୍ଡା ଥାନାରେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଜବତ ଗଞ୍ଜେଇ ଓଜନ କରାଯାଇଥିଲା । ମୋଟ ୧୫୦୦ କେଜି ଗଞ୍ଜେଇ ଓ ୨୦ ଟନ୍‌ ସିମେଣ୍ଟ ରହିଥିଲା । ଆନ୍ଧ୍ରପ୍ରଦେଶ ଦାରାକୋଣ୍ଡାରୁ ସିମେଣ୍ଟ ସହ ଗଞ୍ଜେଇ ବୋଝେଇ ହୋଇ ଅନୁଗୁଳ ଅଞ୍ଚଳକୁ ଚାଲାଣ କରାଯାଉଥିଲା ବୋଲି ଗିରଫ ମାଫିଆମାନେ ସ୍ୱୀକାର କରିଥିବା ଏସ୍‌ପି କହିଛନ୍ତି ।

   ସମ୍ବନ୍ଧିତ ଖବର


ଘରେ ଏକା ଥିବା ସମୟରେ କଲେଜ ଛାତ୍ରୀଙ୍କୁ ହତ୍ୟା

ବେଲଣାରେ ପିଟିପିଟି ସ୍ୱାମୀକୁ ହତ୍ୟା କଲା ସ୍ତ୍ରୀ – ସ୍ୱାମୀ ମଦ ପିଇ ଅତ୍ୟାଚାର କରୁଥିବା ଅଭିଯୋଗ

ମରିବା ପୂର୍ବରୁ ହାତରେ ଲେଖିଦେଇଥିଲେ ହତ୍ୟାକାରୀର ଗାଡି ନମ୍ବର, ଏଭଳି ଧରିଲା ପୋଲିସ

ଅପରାଧୀକୁ ପାସ୍‌ପୋର୍ଟ ! ହୋଇଛି ମୋଟା ଅଙ୍କର କାରବାର, ତନାଘନା ଆରମ୍ଭ

ମଣିଷ ଚେହେରାରେ ରାକ୍ଷାସ ପ୍ରବୃତ୍ତି: କୁମ୍ଭୀରକୁ ଗଛରେ ଟାଙ୍ଗୀ ମାରିଲେ, ସେଲ୍‌ଫି ନେବା ପରେ ମାଂସ ଖାଇଲେ

ସରକାରୀ ଜାଗାକୁ ନେଇ ବିବାଦ: ଗାଁ ଦାଣ୍ଡରେ ବୃଦ୍ଧଙ୍କୁ ପିଟିପିଟି ହତ୍ୟା