PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋଭିଡ୍ ନିୟମରେ ପରିବର୍ତ୍ତନ; କରୋନା ପଜିଟିଭ୍ ରିପୋର୍ଟ ନଥିଲେ ବି ଡାକ୍ତରଖାନାରେ ମିଳିବ ଆଡ୍‌ମିଶନ
  • ||
  • ବିହାର : JDU ନେତା ତଥା MLC ତନଭୀର ଅଖତରଙ୍କ ମୃତ୍ୟୁ , କରୋନାରେ ପୀଡ଼ିତ ଥିଲେ
  • ||
  • ଦାଦନ ଖଟିବାକୁ ଯାଇ ତେଲେଙ୍ଗାନାରେ ସାପ କାମୁଡ଼ାରେ ପ୍ରାଣହରାଇଲେ ଶ୍ରମିକ
  • ||
  • ଜଳେଶ୍ୱର: ଘରୋଇ କ୍ଲିନିକରେ ପୁଣି ପ୍ରସବ ପରେ ମହିଳାଙ୍କ ମୃତ୍ୟୁ
  • ||
  • ବିରମହାରାଜପୁର : ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ସହରର ସାମ୍ବାଦିକ ଭବନ ନିକଟରେ ଅଳିଆ ଗଦାରୁ ନିଆଁ ଲାଗି ପୋଡିଗଲା ସେଲୁନ
  • ||
  • ବ୍ରହ୍ମପୁର : ବ୍ରହ୍ମପୁରରେ ପୁଲିସ ଡିଜି, ସୁରକ୍ଷା ବ୍ୟବସ୍ଥା ସମୀକ୍ଷା କରିବା ପରେ ଗିରିସଲା ସୀମାକୁ ଯିବେ
  • ||
  • ପାରାଦୀପ : ଥାନାରେ ପଶି ଧମକ ଦେବା ଅଭିଯୋଗରେ ୨ ନକଲି ସାମ୍ବାଦିକ ଗିରଫ, ଡ୍ରାଇଭର ସମେତ ୩ ଦାମୀ କାର ଜବତ
  • ||
  • ନୂଆଦିଲ୍ଲୀ : ଗତ ୨୪ ଘଣ୍ଟାରେ ଦେଶରେ ୪ ଲକ୍ଷ ୧ ହଜାର ୭୮ ନୂଆ କରୋନା ଆକ୍ରାନ୍ତ ଚିହ୍ନଟ, ୪ ହଜାର ୧୮୭ ଜଣଙ୍କ ମୁଣ୍ଡ ନେଲା କରୋନା
  • ||
  • କଟକ: ଶୁକ୍ରବାର ରାତିରୁ ଏସସିବି କାଜୁଆଲଟିରେ ପଡି ରହିଛି କୋଭିଡ ସଂକ୍ରମିତଙ୍କ ମୃତଦେହ, ଏନେଇ ଅସନ୍ତୋଷ ବ୍ୟକ୍ତ କଲେ ଡାକ୍ତର ଓ କର୍ମଚାରୀ
  • ||
  • ଗାଙ୍ଗପୁର ଥାନା ଅନ୍ତର୍ଗତ ଷଢଙ୍ଗିପଲ୍ଲୀ ନିକଟରେ ଓଲଟିଲା ସ୍ପିରିଟ ବୋଝେଇ ଟ୍ରକ, ୨ ଆହାତ
  • ||
  • ସାଲେପୁର : ସାଲେପୁର ସବ୍-ଜେଲରୁ ଆଉ ୯ଜଣ କଏଦୀ କରୋନା ପଜିଟିଭ୍‌ ଚିହ୍ନଟ
  • ||
  • କୋରାପୁଟ:ହଳଦୀକୁଣ୍ଡ ପଞ୍ଚାୟତର ପୁରୁଣାପାଣି ଗାଁରେ ଘଟିଲା ଆଘଟଣ, ପୋଖରୀରେ ବୁଡି ଆଖିବୁଜିଲେ ମା’- ଝିଅ
  • ||
  • ଗଞ୍ଜାମ: ପୁଇଁତୋଳା ଛକରେ ଅଟୋ ପିଟିଲା ଟ୍ରକ, ଅଟୋ ଡ୍ରାଇଭର ମୃତ ,୩ ଆହତ
  • ||
  • ଭୁବନେଶ୍ଵର : ଆଇଗିଣିଆ ଛକରେ ମର୍ମନ୍ତୁଦ ଦୁର୍ଘଟଣା, କଣ୍ଟେନର ଖସି ଟ୍ରଲର ଡ୍ରାଇଭର ମୃତ, ହେଲପର ଗୁରୁତର
  • ||
  • ଭୁବନେଶ୍ୱର : ଓଡ଼ିଶାରେ କରୋନା ନେଲା ଆଉ ୨୧ ଜଣଙ୍କ ମୁଣ୍ଡ, ମୃତ୍ୟୁ ସଂଖ୍ୟା ୨୧୬୧କୁ ବୃଦ୍ଧି
  • ||
  • ରାଞ୍ଚି : ଝାରଖଣ୍ଡର ରାଞ୍ଚିର ସଦର ହସ୍ପିଟାଲରେ ଅକ୍ସିଜେନ୍ ସପ୍ଲାଇ ବନ୍ଦ ହେବା କାରଣରୁ ୫ ରୋଗୀ ମୃତ, ଯାଞ୍ଚ୍ ନିର୍ଦ୍ଦେଶ ଦେଲେ ସ୍ଵାସ୍ଥ୍ୟମନ୍ତ୍ରୀ
  • ||
  • ଭୁବନେଶ୍ଵର : ଓଡ଼ିଶାରେ କରୋନା ବିସ୍ଫୋରଣ, ଦିନକରେ ଚିହ୍ନଟ ହେଲେ ୧୧ ହଜାର ୮୦୭ ପଜିଟିଭ ଆକ୍ରାନ୍ତ
  • ||
  • ଭୁବନେଶ୍ଵର : ଆଜି ଅଧା ଓଡ଼ିଶାରେ କାଳବୈଶାଖୀ, ୩ ଜିଲ୍ଲାରେ କୁଆପଥର ବର୍ଷିବା ନେଇ ସତର୍କ ସୂଚନା ଜାରି କଲେ ସ୍ୱତନ୍ତ୍ର ରିଲିଫ୍‌ କମିଶନର, ୧୧ରୁ ବଢ଼ିବ ତାତି
  • ||

ସୁପ୍ରିମକୋର୍ଟଙ୍କୁ ଜଣାଇଲା କେନ୍ଦ୍ର, ଚୋରି ହୋଇଛି ରାଫେଲ ଦସ୍ତାବିଜ

source:www.indiatoday.in

ନୂଆଦିଲ୍ଲୀ,୬ ।୩(ଏଜେନ୍ସି): ରାଫେଲ ଯୁଦ୍ଧ ବିମାନ କିଣାଯିବା ସଂକ୍ରାନ୍ତ ରାଜିନାମାର କିଛି ଗୁରୁତ୍ୱପୂର୍ଣ୍ଣ ଦସ୍ତାବିଜ ପ୍ରତିରକ୍ଷା ମନ୍ତ୍ରଣାଳୟରୁ ଚୋରି ହୋଇଯାଇଛି । ଏହି ସବୁ ଦସ୍ତାବିଜ ଖବରକାଗଜରେ ଛପାଯାଇଛି । ସରକାର ଏହାର ଆଭ୍ୟନ୍ତରୀଣ ତଦନ୍ତ କରୁଛନ୍ତି । ସୁପ୍ରିମକୋର୍ଟରେ ଆଜି ରାଫେଲ ମାମଲାର ଶୁଣାଣି ବେଳେ କେନ୍ଦ୍ର ସରକାରଙ୍କ ପକ୍ଷରୁ ଏହା ଅବଗତ କରାଯାଇଛି । ଏଥିସହ ଚୋରି ଦସ୍ତାବିଜ ଆଧାରରେ ପୁନର୍ବିଚାର ଆବେଦନ ଦାଖଲ କରାଯାଇଥିବାରୁ ତାକୁ ଖାରଜ କରିବା ଲାଗି ସରକାର ନିବେଦନ ମଧ୍ୟ କରିଛନ୍ତି । ପ୍ରଧାନ ବିଚାରପତି ରଞ୍ଜନ ଗୋଗୋଇ, ବିଚାରପତି ଏସ୍‌.କେ କୌଲ ଓ ବିଚାରପତି କେ.ଏମ୍‌ ଯୋଶେଫଙ୍କୁ ନେଇ ଗଠିତ ଖଣ୍ଡପୀଠ ମାମଲାର ଶୁଣାଣି ଖୋଲା କୋର୍ଟରେ କରୁଛନ୍ତି । ରାଫେଲ ରାଜିନାମାରେ ବଡ ଦୁର୍ନୀତି ହୋଇଛି ଓ ସରକାର ଅନେକ ତଥ୍ୟ ଲୁଚାଇଛନ୍ତି ବୋଲି ଅଭିଯୋଗ କରି ପୂର୍ବତନ କେନ୍ଦ୍ରମନ୍ତ୍ରୀ ଯଶୱନ୍ତ ସିହ୍ନା, ଅରୁଣ ସୌରୀ, ଆଡଭୋକେଟ ପ୍ରଶାନ୍ତ ଭୂଷଣ ଓ ଏମ୍‌. ଏଲ୍‌ ଶର୍ମା ଏବଂ ଆପ୍‌ ନେତା ସଞ୍ଜୟ ସିଂହଙ୍କ ପକ୍ଷରୁ ପିଟିସନ ଦାଖଲ କରାଯାଇଛି । ଇଂରାଜି ଖବରକାଗଜ ‘ଦି ହିନ୍ଦୁ’ରେ ପ୍ରକାଶିତ ରାଫେଲ ରାଜିନାମା ସଂକ୍ରାନ୍ତ କେତେକ ତଥ୍ୟ ଆଡଭୋକେଟ ଭୂଷଣ କୋର୍ଟଙ୍କ ଦୃଷ୍ଟି ଆକର୍ଷଣ କରିଥିଲେ । ମାତ୍ର ତାକୁ ସରକାରଙ୍କ ପକ୍ଷରୁ ଆଟର୍ଣ୍ଣି ଜେନେରାଲ (ଏଜି) କେ.କେ. ବେଣୁଗୋପାଳ ବିରୋଧ କରିଥିଲେ । କହିଥିଲେ ଚୋରି ଦସ୍ତାବିଜର ତଥ୍ୟ ଖବରକାଗଜ ପ୍ରକାଶ ପାଇଛି । ସେହି ଖବରକାଗଜରେ ଫେବ୍ରୁଆରୀ ୮ରେ ତଥ୍ୟ ପ୍ରକାଶ ପାଇଥିଲା । ଆଜିର ପୁଣିଥରେ କିଛି ତଥ୍ୟ ପ୍ରକାଶ ପାଇଛି । ଏସବୁ ତଥ୍ୟ ଗୋପନ ହୋଇଥିଲା ବେଳେ ତାକୁ ସୂଚନା ଅଧିକାର (ଆର୍‌ଟିଆଇ) ଆଇନରୁ ବାଦ୍‌ ଦିଆଯାଇଛି । କିନ୍ତୁ ଖବରକାଗଜରେ ତାହା ସାର୍ବଜନୀନ କରାଯାଇଛି । ଏହା ସରକାରୀ ଗୋପନୀୟତା ଆଇନର ଉଲ୍ଲଂଘନ । ଏସବୁ ବିଚାର ପ୍ରକ୍ରିୟାକୁ ପ୍ରଭାବିତ କରିବା ପାଇଁ ଉଦ୍ଦିଷ୍ଟ । ଏହା ଅଦାଲତ ଅବମାନନା ।
ତେବେ ଚୋରି ସଂକ୍ରାନ୍ତରେ ସରକାର ସତ୍ୟପାଠ କରି ଜଣାଇବେ କି ବୋଲି କୋର୍ଟ ପ୍ରଶ୍ନ କରିବାରୁ ଏଜି ଆସନ୍ତାକାଲି (ଗୁରୁବାର) ତାହା ଦାଖଲ କରିବାକୁ କହିଛନ୍ତି । ସେ ଆହୁରି ମଧ୍ୟ ଦର୍ଶାଇଥିଲେ କି କୋର୍ଟଙ୍କ ବୟାନକୁ ନେଇ ବିରୋଧୀ ଦଳ ରାଜନୀତି କରିବେ । ତେଣୁ କୋର୍ଟ ଏହି ମାମଲାରେ ସଂଯମ ଆଚରଣ କରିବା ଉଚିତ ହେବ । ପ୍ରତିରକ୍ଷା ସାମଗ୍ରୀ କ୍ରୟ ମାମଲାରେ ନ୍ୟାୟିକ ଯାଞ୍ଚ ହୋଇପାରିବ ନାହିଁ । ଯଦି ଏହାର ସିବିଆଇ ତଦନ୍ତ ହେବ ତେବେ ଦେଶର ବହୁତ ବଡ କ୍ଷତି ହେବ । ଭବିଷ୍ୟତରେ ପ୍ରତିରକ୍ଷା ସାମଗ୍ରୀ କିଣା ଉପରେ ତାହାର ପ୍ରଭାବ ପଡିବ । ଭାରତ ସହ ରାଜିନାମା କରିବା ପୂର୍ବରୁ ବିଦେଶୀ କମ୍ପାନିଙ୍କୁ ଭାବିବାକୁ ପଡିବ । ଏଜିଙ୍କ ଏହି ବୟାନ ଉପରେ ଜବାବ ରଖି ଆଡଭୋକେଟ ଭୂଷଣ କହିଲେ କି ସରକାର କୋର୍ଟଙ୍କୁ ବିଭ୍ରାନ୍ତ କରିବାକୁ ଚାହୁଁଛନ୍ତି । ଚୋରି ଦସ୍ତାବିଜକୁ ସମସ୍ତେ ଦେଖିବା ଓ ପଢ଼ିବା ପରେ ସରକାର କହୁଛନ୍ତି କୋର୍ଟ ତାକୁ ଦେଖିପାରିବେ ନାହିଁ । ବିଚାର ସମୟରେ ପ୍ରଧାନ ବିଚାରପତି ଜଷ୍ଟିସ୍‌ ଗୋଗୋଇ କହିଲେ କି ଯଦି ଆପଣଙ୍କ କହିବାନୁସାରେ ରାଫେଲ ଦସ୍ତାବିଜ ଚୋରି ହୋଇଛି ଓ ଚୋରି ଦସ୍ତାବିଜ ଖବରକାଗଜରେ ଛପାଯାଇଛି ତେବେ ସରକାର କାହିଁକି କାର୍ଯ୍ୟାନୁଷ୍ଠାନ ଗ୍ରହଣ କରୁନାହାନ୍ତି । ସେହିଭଳି ଜଷ୍ଟିସ ଯୋଶେଫ ମଧ୍ୟ କଡା ଟିପ୍ପଣୀ ଦେଇଛନ୍ତି । ଆଟର୍ଣ୍ଣି ଜେନେରାଲଙ୍କୁ ପଚାରିଛନ୍ତି ଆପଣ କହୁଛନ୍ତି ଦୁର୍ନୀତି ଅଭିଯୋଗର ଆଧାର ବେଆଇନ ସୂତ୍ରରୁ ହୋଇଥିବାରୁ ଯାଞ୍ଚ ହେବନାହିଁ । ଆମେ ତାକୁ ଯାଞ୍ଚ କରିବାକୁ ପଡିବ । ଚୋରି ହୋଇଥିବା ଦସ୍ତାବିଜ ବେଶ ଗୁରୁତ୍ୱପୂର୍ଣ୍ଣ । ପ୍ରମାଣ ଯଦି ଠିକ୍‌ ଓ ଦୁର୍ନୀତି ଯଦି ହୋଇଛି ତେବେ ତଦନ୍ତ ହେବା ନିହାତି ଦରକାର । ମାମଲାର ପରବର୍ତ୍ତୀ ଶୁଣାଣି ଆସନ୍ତା ୧୪ରେ ହେବ । ଆଜିର ଶୁଣାଣି ବେଳେ ଆପ୍‌ ନେତା ସଞ୍ଜୟ ସିଂହଙ୍କ ଓକିଲ କୋର୍ଟରେ ପିଟିସନ ଦାଖଲ କରିବାକୁ ଚାହିଁଥିଲେ । ମାତ୍ର ସିଂହ ଅଦାଲତ ବିରୋଧରେ କଡ୍ଡା ଟିପ୍ପଣୀ ଦେଇଥିବାରୁ କୋର୍ଟ ତାଙ୍କ ଆବେଦନ ଗ୍ରହଣ କରିନଥିଲେ ଏବଂ ତାଙ୍କୁ ଅଦାଲତ ଅବମାନନା ମାମଲାରେ ହାଜର ହେବାକୁ କହିଥିଲେ । ସୂଚନାଯୋଗ୍ୟ ଯେ ଫ୍ରାନ୍ସରୁ ୩୬ଟି ରାଫେଲ ଯୁଦ୍ଧ ବିମାନ କିଣିବା ପାଇଁ କେନ୍ଦ୍ର ସରକାର କରିଥିବା ଚୁକ୍ତିରେ ଅନିୟମିତତା ହୋଇଛି ବୋଲି ଅଭିଯୋଗ କରି ତାହାର ସିବିଆଇ ତଦନ୍ତ ଲାଗି ସୁପ୍ରିମକୋର୍ଟରେ ପିଟିସନ ଦାଖଲ କରାଯାଇଥିଲା । ତେବେ ୨୦୧୮ ଡିସେମ୍ବର ୧୩ରେ ସୁପ୍ରିମକୋର୍ଟ ମାମଲାର ବିଚାର କରି ରାଫେଲ ରାଜିନାମାରେ ଅନିୟମିତତା ହୋଇନାହିଁ ବୋଲି ରାୟ ଦେବା ସହିତ ଏ ସଂକ୍ରାନ୍ତରେ ଆଗତ ସବୁ ରାଜିନାମାକୁ ଖାରଜ କରିଦେଇଥିଲେ । ମାତ୍ର ଆବେଦନକାରୀମାନେ ନୂଆ ଦସ୍ତାବିଜ ଦାଖଲ କରିବା ସହ କେନ୍ଦ୍ର ସରକାର ରାଜିନାମା ବେଳେ ପ୍ରାଇସ, ପ୍ରୋସେଡ୍ୟୁର ଓ ପାର୍ଟନର ଚୟନରେ ନିୟମ ପାଳନ କରିନାହାନ୍ତି ବୋଲି ଦର୍ଶାଇ ରାୟର ପୁନର୍ବିଚାର କରିବାକୁ ପିଟିସନ ଦାଖଲ କରିଥିଲେ । ଗତ ଫେବ୍ରୁଆରୀ ୨୬ରେ ସର୍ବୋଚ୍ଚ ଅଦାଲତ ଏହାକୁ ବିଚାର ପାଇଁ ଗ୍ରହଣ କରିଥିଲେ ।

ସମ୍ବନ୍ଧିତ ଖବର