PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖପ୍ରାଖୋଲ:ଗମ୍ଭାରି ଛକ ନିକଟରେ ଏକ କାରରୁ ୬ ପେଟି କଫସିରଫ ଜବତ, ୨ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୁଲିସ
  • ||
  • କୋଭିଡ଼ ପରିଚାଳନା ପାଇଁ ୩ ଜିଲ୍ଲାକୁ ୭.୬୨ କୋଟି ମଂଜୁର କଲେ ମୁଖ୍ୟମନ୍ତ୍ରୀ, ପୁରୀ ପାଇଁ ୨ କୋଟି, ସୁବର୍ଣ୍ଣପୁର ପାଇଁ ୧ କୋଟି ଟଙ୍କା ଓ ସମ୍ବଲପୁର ଜିଲ୍ଲା ପାଇଁ ୪ କୋଟି ୬୨ ଲକ୍ଷ ମଂଜୁର କଲେ ନବୀନ
  • ||
  • ଭୁବନେଶ୍ୱର: ସାଢ଼େ ୪ଟାରେ ଘୋଷଣା କରିବେ ଅତିରିକ୍ତ ମୁଖ୍ୟ ଶାସନ ସଚିବ ଓ ଡିଜିପି
  • ||
  • ଜୁନ ପହିଲାରେ କେରଳ ଛୁଇଁବ ମୌସୁମୀ ବାୟୁ, ଭାରତୀୟ ପାଣିପାଗ କେନ୍ଦ୍ରର ସୂଚନା
  • ||
  • ଲାଞ୍ଜିଗଡ଼ରେ ଅଞ୍ଚଳରେ ହାତୀ ଉପଦ୍ରବ, ଆମ୍ବ ଗଛ ଭାଙ୍ଗିଲେ, ନର୍ସରିକୁ ନଷ୍ଟ କଲେ
  • ||
  • କଳାହାଣ୍ଡି: ବିଲ ମଝିରୁ ନାବାଳକର ମୃତଦେହ ଉଦ୍ଧାର ,ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ପଶ୍ଚିମ ବଙ୍ଗ ଯାଉଥିବା ଟ୍ରେନ୍ ପାସେଞ୍ଜରମାନଙ୍କ ପାଇଁ RTPCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • ରାଉରକେଲା: ୩୦ଟି ଗୋଦାମ ଉପରେ ପୋଲିସ ଓ ଯୋଗାଣ ବିଭାଗର ମିଳିତ ଚଡାଉ, ଖସିଲା ଆଳୁ ଓ ପିଆଜ ଦର
  • ||
  • ସୁନ୍ଦରଗଡ: ତଲସରା ଥାନା ଅନ୍ତର୍ଗତ ବଘିଆବେରନା ଗ୍ରାମ ଜଙ୍ଗଲରୁ ମହିଳାଙ୍କ ଅର୍ଦ୍ଧ ଦଗ୍ଧ ମୃତଦେହ ଉଦ୍ଧାର
  • ||
  • କରୋନାରେ ଆଖିବୁଜିଲେ ବିଶିଷ୍ଟ ନାଟ୍ୟ ପ୍ରତିଭା ନାଟ୍ୟଶ୍ରୀ ଡ. ପଞ୍ଚାନନ ମିଶ୍ର
  • ||
  • ଜଳେଶ୍ଵର : ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ଅସ୍ପଷ୍ଟ
  • ||
  • ରାଜ୍ୟ: କରୋନାରେ ଆଖିବୁଜିଲେ ୧୭ ଜଣ ସଂକ୍ରମିତ, ମୃତକଙ୍କ ସଂଖ୍ୟା ୨୧୨୧କୁ ଛୁଇଁଲା
  • ||
  • ଓଡ଼ିଶାରେ ୫ ଲକ୍ଷ ଟପିଲା କରୋନା ସଂକ୍ରମିତଙ୍କ ସଂଖ୍ୟା, ୨୪ ଘଣ୍ଟାରେ ଚିହ୍ନଟ ହେଲେ ୧୦୫୨୧ ଜଣ ଆକ୍ରାନ୍ତ
  • ||
  • ଜାମ୍ମୁ କାଶ୍ମୀର : ସୁରକ୍ଷାବାହିନୀକୁ ବଡ଼ ସଫଳତା, ୩ ଆତଙ୍କୀ ନିପାତ, ଭୟରେ ଜଣେ ଆତଙ୍କବାଦୀ କଲା ଆତ୍ମସମର୍ପଣ
  • ||
  • ଭୁବନେଶ୍ଵର : ତାତିରୁ ମିଳିଛି ସାମାନ୍ୟ ଆଶ୍ଵସ୍ତି, ଖସିଛି ପାରଦ, ୯ ଯାଏଁ କାଳବୈଶାଖୀ ସମ୍ଭାବନା
  • ||
  • ତାଳଚେର : ଅନୁଗୁଳ ତଳଗଡ଼ ଗ୍ରାମରେ ହାତୀ ଆକ୍ରମଣରେ ଜଣେ ମହିଳା ମୃତ
  • ||

ଚନ୍ଦା କୋଚ୍ଚର ବହିଷ୍କୃତ, ଭିଡିଓକନ୍‌ ଋଣ ମାମଲାରେ ଚନ୍ଦା ସମ୍ପୂର୍ଣ୍ଣ ଦୋଷୀ

source:www.livelaw.in

ନୂଆଦିଲ୍ଲୀ,୩୦ା୧(ଏଜେନ୍ସି):ଆଇସିଆଇସିଆଇ ବ୍ୟାଙ୍କର ପୂର୍ବତନ ସିଇଓ ଚନ୍ଦା କୋଚ୍ଚର ଭିଡିଓକନ୍‌ ଋଣ ମାମଲାରେ ସମ୍ପୂର୍ଣ୍ଣ ଦୋଷୀ । ବ୍ୟାଙ୍କ ଆଚରଣବିଧ ଅବମାନନା କରି ସେ ଋଣ ମଞ୍ଜୁର କରିଛନ୍ତି । ଏହାସହିତ ବ୍ୟାଙ୍କର ତ୍ରୁଟିପୂର୍ଣ୍ଣ ବାର୍ଷିକ ବିବରଣୀ ଦେଇଛନ୍ତି । ଏଭଳି ରିପୋର୍ଟ ପ୍ରଦାନ କରିଛି ମାମଲାର ତଦନ୍ତ କରୁଥିବା ଶ୍ରୀକ୍ରିଷ୍ଣା କମିଟି । ଏହି ରିପୋର୍ଟ ଆସିବା ପରେ ଆଇସିଆଇସିଆଇ ବ୍ୟାଙ୍କ ପକ୍ଷରୁ ତାଙ୍କର ଇସ୍ତଫାକୁ ବହିଷ୍କାରର ରୂପ ଦିଆଯାଇଛି । ବର୍ତ୍ତମାନ ଚନ୍ଦା ବ୍ୟାଙ୍କରୁ ଗ୍ରହଣ କରିଥିବା ସମସ୍ତ ବୋନସ୍‌କୁ ସୁଧ ସହ ଫେରାଇବେ । ବ୍ୟାଙ୍କ ଉପରେ ରହିଥିବା ତାଙ୍କର ବକେୟା ରାଶି, ବର୍ଦ୍ଧିତ ଦରମା, ବୋନସ୍‌ ଏବଂ ମେଡିକାଲ ସୁବିଧା କିଛି ମିଳିବ ନାହିଁ ।
୨୦୧୨ରେ ଭିଡିଓକନ୍‌ ଗ୍ରୁପ୍‌କୁ ଆଇସିଆଇସିଆଇ ବ୍ୟାଙ୍କ ପକ୍ଷରୁ ପ୍ରଦାନ କରାଯାଇଥିବା ୩,୨୫୦ କୋଟି ଟଙ୍କାର ଋଣ ମଞ୍ଜୁରୀରେ ଚନ୍ଦାଙ୍କ ଅନୁଗ୍ରହ ଜଡିତ ଥିଲା । ନିଜ ତଥା ନିଜ ପରିବାରର ସ୍ୱାର୍ଥ ସକାଶେ ସେ ଏହି ଋଣ ମଞ୍ଜୁର କରିଥିଲେ । ବ୍ୟାଙ୍କର ଆଦର୍ଶକୁ ଅବମାନନା କରି ଚନ୍ଦା ଭିଡିଓକନ୍‌ ଗ୍ରୁପ୍‌ ପାଇଁ ଅନୁଗ୍ରହ ଦେଖାଇଥିବାରୁ ତାଙ୍କର ଇସ୍ତଫାକୁ ଏବେ ବହିଷ୍କାର ଭାବେ ଗ୍ରହଣ କରାଯିବ ବୋଲି ବ୍ୟାଙ୍କ ଏହାର ବିବୃତିରେ ପ୍ରକାଶ କରିଛି । ୨୦୦୯ ଏପ୍ରିଲରୁ ୨୦୧୮ ମାର୍ଚ୍ଚ ଯାଏ ସେ ପାଇଥିବା ସମସ୍ତ ବୋନସ୍‌କୁ ସୁଧ ସହ ଅସୁଲ କରାଯିବ । ସୂଚନାଯୋଗ୍ୟ, ବିବାଦ ବଳବତ୍ତର ହେବା ପରେ ଚନ୍ଦା ଅକ୍ଟୋବର ୪ରେ ଆଗୁଆ ଇସ୍ତଫା ଦେଇଥିଲେ ।
ଆଇସିଆଇସିଆଇ ବ୍ୟାଙ୍କରୁ ୩,୨୫୦ କୋଟି ଟଙ୍କାର ଋଣ ପାଇବାର ମାତ୍ର କିଛି ମାସ ପରେ ଭିଡିଓକନ୍‌ ଗ୍ରୁପ୍‌ ମାଲିକ ବେଣୁଗୋପାଳ ଧୂତ ଚନ୍ଦାଙ୍କ ସ୍ୱାମୀ ଦୀପକ କୋଚ୍ଚରଙ୍କ କମ୍ପାନି ନ୍ୟୁପାୱାର ରିନ୍ୱେବଲ୍ସକୁ କୋଟି କୋଟି ଟଙ୍କା ସ୍ଥାନାନ୍ତର କରିଥିଲେ । ରିପୋର୍ଟ ଅନୁସାରେ ଦୀପକଙ୍କ କମ୍ପାନିରେ ନିବେଶ ପ୍ରତିବଦଳରେ ଚନ୍ଦା ଭିଡିଓକନ୍‌ ଗ୍ରୁପ୍‌କୁ ଋଣ ମଞ୍ଜୁର କରିଥିଲେ ।
ଭିଡିଓକନ୍‌-ଆଇସିଆଇସିଆଇ ବ୍ୟାଙ୍କ ଋଣ ମାମଲାକୁ ଜଣେ ହ୍ୱିସିଲ୍‌ବ୍ଲୋୟର ଲୋକଲୋଚନକୁ ଆଣିଥିଲେ । ଏହି ଖବର ଉକ୍ତ ସମୟରେ ଏତେ ଚର୍ଚ୍ଚିତ ହୋଇ ନ ଥିଲା । କିନ୍ତୁ ପରବର୍ତ୍ତୀ ସମୟରେ ଏହାକୁ ନେଇ ଚର୍ଚ୍ଚା ଜୋର ଧରିଥିଲା । ବ୍ୟାଙ୍କର ଅଡିଟ୍‌ କମିଟି ୨୦୧୮ ଜୁନ୍‌ ୬ରେ ମାମଲାର ତଦନ୍ତ ପାଇଁ ସୁପ୍ରିମ୍‌କୋର୍ଟର ଅବସରପ୍ରାପ୍ତ ବିଚାରପତି ବି. ଏନ୍‌. ଶ୍ରୀକ୍ରିଷ୍ଣାଙ୍କ ଅଧ୍ୟକ୍ଷତାରେ କମିଟି ଗଠନ କରିଥିଲା । ଶ୍ରୀକ୍ରିଷ୍ଣା କମିଟିର ରିପୋର୍ଟ ପାଇବା ପରେ ବ୍ୟାଙ୍କ ବୁଧବାର ବୋର୍ଡ ବୈଠକରେ ଏହାକୁ ଉପସ୍ଥାପନ କରିଛି ।
ଶ୍ରୀମତି କୋଚ୍ଚରଙ୍କୁ ଦୋଷୀ ବିବେଚନା କରାଯାଇଛି । ଆଇନର ଉଲ୍ଲଂଘନ କରି ସେ ଆତ୍ମସ୍ୱାର୍ଥକୁ ଦୃଷ୍ଟିରେ ରଖି ଭିଡିଓକନ୍‌ ଗ୍ରୁପ୍‌କୁ ଋଣ ମଞ୍ଜୁର କରିଥିବା ବ୍ୟାଙ୍କ ପ୍ରକାଶ କରିଛି । ବର୍ତ୍ତମାନ ୩,୨୫୦ କୋଟି ଟଙ୍କାର ଉକ୍ତ ଋଣ ଏନ୍‌ପିଏରେ ପରିବର୍ତ୍ତନ ହୋଇଛି । ଏସବୁ ମଧ୍ୟରେ ବ୍ୟାଙ୍କିଙ୍ଗ୍‌ ଜଗତରେ ଶିଖରରେ ପହଞ୍ଚିଥିବା ସେଲିବ୍ରିଟି ବ୍ୟାଙ୍କର ଚନ୍ଦା କୋଚ୍ଚରଙ୍କ ଏକ ପ୍ରକାର ପତନ ଘଟିଛି ।