ସର୍ବକନିଷ୍ଠ ଲୋକସଭା ପ୍ରାର୍ଥୀ ଚନ୍ଦ୍ରାଣୀ ମୁର୍ମୁ, ଦେଖନ୍ତୁ ବିଜେଡିର ୨୧ ଲୋକସଭା ପାଇଁ ପ୍ରାର୍ଥୀ ତାଲିକା

ଭୁବନେଶ୍ୱର ୨/୪: ଅଷ୍ଟମ ପର୍ଯ୍ଯାୟ ପ୍ରାର୍ଥୀ ତାଲିକା ଘୋଷଣା ସହିତ ବିଜେଡିର ୨୧ ଲୋକସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା ସମାପ୍ତ ହୋଇଛି । ଢେଙ୍କାନାଳରୁ ମହେଶ ସାହୁ ଏବଂ କେନ୍ଦୁଝରରୁ ଚନ୍ଦ୍ରାଣୀ ମୁର୍ମୁଙ୍କୁ ପ୍ରାର୍ଥୀ କରିଛି ଦଳ । ପୂର୍ବରୁ ୧୯ ଲୋକସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିସାରିଛି ଦଳ ।

ଅନେକ ଲୋକସଭା ଓ ବିଧାନସଭା ଆସନ ପାଇଁ ଦଳ ନୂଆ ମୁହଁକୁ ସୁଯୋଗ ଦେଇଛି । ତେବେ କେନ୍ଦୁଝରରୁ ପ୍ରାର୍ଥୀ ହୋଇଥିବା ଚନ୍ଦ୍ରାଣୀ ହେଉଛନ୍ତି ସର୍ବକନିଷ୍ଠ ଲୋକସଭା ପ୍ରାର୍ଥୀ । ଚନ୍ଦ୍ରାଣୀ ମୁର୍ମୁ ଗତକାଲି ବିଜେଡିରେ ଯୋଗଦେଇଥିଲେ । ଚନ୍ଦ୍ରାଣୀ ହେଉଛନ୍ତି କେନ୍ଦୁଝରର ପୂର୍ବତନ କଂଗ୍ରେସ ସାଂସଦ ହରିହର ସୋରେନଙ୍କ ନାତୁଣୀ । ତେବେ ଚନ୍ଦ୍ରାଣୀ ରାଜନୀତିରେ ସମ୍ପୂର୍ଣ୍ଣ ନୂଆ ।

ପୂର୍ବରୁ ୩୩ ପ୍ରତିଶତ ମହିଳାଙ୍କୁ ଟିକେଟ ଦିଆଯିବ ବୋଲି ପ୍ରତିଶୃତି ଦେଇଥିଲେ ନବୀନ । ଏବେ କେନ୍ଦୁଝରରୁ ଲଢିବେ ଯୁବନେତ୍ରୀ ଚନ୍ଦ୍ରାଣୀ । ଅବଶ୍ଯ ତାଙ୍କୁ ନୂଆ ମୁହଁ କହିବା ଠିକ୍ ହେବନି । ସିଧାସଳଖ ଭାବେ ଜଡିତ ନଥିଲେ ମଧ୍ଯ ରାଜନୀତି ତାଙ୍କ ରକ୍ତରେ ରହିଛି । ସେ ହେଉଛନ୍ତି କେନ୍ଦୁଝରର ପୂର୍ବତନ କଂଗ୍ରେସ ସାଂସଦ ହରିହର ସୋରେନଙ୍କ ନାତୁଣୀ । ତେବେ ଚନ୍ଦ୍ରାଣୀ ରାଜନୀତିରେ କେମିତି ଗୋଟି ଚଳାଉଛନ୍ତି ଦେଖିବା ବାକି ରହିଲା । ଅନ୍ଯପଟେ ଚନ୍ଦ୍ରାଣୀଙ୍କୁ ପ୍ରାର୍ଥୀ କରିବା ଫଳରେ କେନ୍ଦୁଝର ସାଂସଦ ଶକୁନ୍ତଳା ଲାଗୁରୀଙ୍କ ଟିକେଟ କଟିଛି । ଟିକେଟ ନମିଳିବା ଯୋଗୁଁ ଶକୁନ୍ତଳା ବିଜେଡି ଛାଡିବେ ବୋଲି ଚର୍ଚ୍ଚା ଜୋର୍ ଧରିଛି ।  

ବିଜେଡିର ୨୧ ଲୋକସଭା ଆସନ ପ୍ରାର୍ଥୀ ତାଲିକା

ବ୍ରହ୍ମପୁର –  ଚନ୍ଦ୍ରଶେଖର ସାହୁ
ନବରଙ୍ଗପୁର – ରମେଶ ମାଝୀ
କୋରାପୁଟ – କୌଶଲ୍ୟା ହିକକ୍କା
କଳାହାଣ୍ଡି – ପୁଷ୍ପେନ୍ଦ୍ର ସିଂଦେଓ
ବରଗଡ- ପ୍ରସନ୍ନ ଆଚାର୍ଯ୍ୟ
ସୁନ୍ଦରଗଡ- ସୁନୀତା ବିଶ୍ବାଳ
ବଲାଙ୍ଗିର- କଳିକେଶ ସିଂଦେଓ
କନ୍ଧମାଳ- ଅଚ୍ୟୁତ ସାମନ୍ତ
ଆସ୍କା- ପ୍ରମିଳା ବିଶୋୟୀ
ଭୁବନେଶ୍ବର- ଅରୁପ ପଟ୍ଟନାୟକ
ସମ୍ବଲପୁର- ନଳୀନକାନ୍ତ ପ୍ରଧାନ
ପୁରୀ- ପିନାକୀ ମିଶ୍ର
କେନ୍ଦ୍ରାପଡା- ଅନୁଭବ ମହାନ୍ତି
ଜଗତସିଂହପୁର- ରାଜଶ୍ରୀ ମଲ୍ଲିକ
ଯାଜପୁର- ସସ୍ମିତା ସେଠୀ
ବାଲେଶ୍ବର- ରବୀନ୍ଦ୍ର ଜେନା
ଭଦ୍ରକ- ମଞ୍ଜୁଲତା ମଣ୍ଡଳ
ମୟୁରଭଞ୍ଜ- ଦେବାଶିଷ ମାରାଣ୍ଡି
କଟକ- ଭର୍ତ୍ତୃହରି ମହତାବ
କେନ୍ଦୁଝର- ଚନ୍ଦ୍ରାଣୀ ମୁର୍ମୁ
ଢେଙ୍କାନାଳ- ମହେଶ ସାହୁ

ଅଧିକ ପଢନ୍ତୁ ୨ ଲୋକସଭା ଓ ୭ ବିଧାନସଭା ପାଇଁ ପ୍ରାର୍ଥୀ ତାଲିକା ଘୋଷଣା କଲା ବିଜେଡି