PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାହାକୁ ଆଧାର କାର୍ଡ ପଠାଇବା ପୂର୍ବରୁ ହୋଇଯାନ୍ତୁ ସାବଧାନ , ନୂଆ ଆଡଭାଇଜରୀ ଜାରି କଲେ ସରକାର , ହୋଟେଲ ଓ ସିନେମା ହଲ୍ ପରି ସଂସ୍ଥାକୁ ଆଧାର କପି ଦିଅନ୍ତୁ ନାହିଁ
  • ||
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

ଚେନ୍ନାଇନ ୨-୦ରେ ଜିତିଲା

ଭୁବନେଶ୍ୱର, ୨୯ ।୩ (ବ୍ୟୁରୋ): କଳିଙ୍ଗ ଷ୍ଟାଡିୟମରେ ଆରମ୍ଭ ହୋଇଛି ଦ୍ୱିତୀୟ ହିରୋ ସୁପର କପ୍‌ । ପ୍ରି-କ୍ୱାର୍ଟର ପର୍ଯ୍ୟାୟର ପ୍ରଥମ ମ୍ୟାଚ୍‌ରେ ଚେନ୍ନାଇନ ୨-୦ ଗୋଲ୍‌ରେ ମୁମ୍ବାଇ ସିଟିକୁ ପରାଜିତ କରିଛି ।
ମ୍ୟାଚ୍‌ଟି ସଂଘର୍ଷପୂର୍ଣ୍ଣ ହୋଇଥିଲା । ମାତ୍ର ପ୍ରଥମାର୍ଦ୍ଧରେ ନିୟମିତ କ୍ରମରେ ଦୁଇଟି ଗୋଲ୍‌ ସ୍କୋର କରି ଚେନ୍ନାଇନ ବିଜୟୀ ହୋଇଥିଲା । ଆରମ୍ଭରୁ ମ୍ୟାଚ୍‌ ବେଶ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ରହିଥିଲା । ଆକ୍ରମଣ ପ୍ରତିଆକ୍ରମଣ ମଧ୍ୟରେ ଖେଳ ରୋମାଞ୍ଚକର ହୋଇଥିଲା । କେହି କାହାକୁ ସୁଯୋଗ ଦେଉ ନଥିଲେ । ୪୧ ମିନିଟ୍‌ ପର୍ଯ୍ୟନ୍ତ ଖେଳ ଏମିତି ରହିଥିଲା । ମାତ୍ର ୪୨ତମ ମିନିଟ୍‌ରେ ଚେନ୍ନାଇନର ସିକେ ଭିନିଥ ଚମତ୍କାର ଗୋଲ୍‌ ସ୍କୋର କରି ଦଳର ଖାତା ଖୋଲିଥିଲା । ପୁଣି ଏହାର ଏକ ମିନିଟ୍‌ ମଧ୍ୟରେ ଦ୍ୱିତୀୟ ଗୋଲ୍‌ ସ୍କୋର କରି ଚେନ୍ନାଇନ ୨-୦ ଗୋଲ୍‌ରେ ଅଗ୍ରଣୀ ହାସଲ କରିଥିଲା । ହଠାତ ମୁମ୍ବାଇ କିଛି ବୁଝିବା ପୂର୍ବରୁ ୨ଟି ଗୋଲ୍‌ ଖାଇଯାଇଥିଲା । ଦ୍ୱିତୀୟ ଗୋଲଟି ଜେଜେ ସ୍କୋର କରିଥିଲେ ।
ଖେଳର ପରବର୍ତ୍ତୀ ୨ ମିନିଟ୍‌ ଏବଂ ଇନଜ୍ୟୁରୀ ଟାଇମିରେ ଆଉ ଗୋଲ୍‌ ସମ୍ଭବ ହୋଇ ନଥିଲା । ପ୍ରଥମାର୍ଦ୍ଧ ଶେଷ ସୁଦ୍ଧା ଚେନ୍ନାଇନ ୨ ଗୋଲ୍‌ରେ ଆଗୁଆ ରହି ସ୍ଥିତି ମଜବୁତ କରିଥିଲା । ଦ୍ୱିତୀୟାର୍ଦ୍ଧ ଖେଳ ପ୍ରବଳ ପ୍ରତିଦ୍ୱନ୍ଦ୍ୱିତାପୂର୍ଣ୍ଣ ରହିଥିଲା । ମ୍ୟାଚ୍‌କୁ ପ୍ରତ୍ୟାବର୍ତ୍ତନ କରିବା ନେଇ ମୁମ୍ବାଇ ବହୁ ପ୍ରୟାସ କରିଥିଲେ । ସେପଟେ ଚେନ୍ନାଇ ମଧ୍ୟ ଅଧିକ ଗୋଲ୍‌ ସ୍କୋର କରିବା ନେଇ ଉଦ୍ୟମ ଜାରି ରଖିଥିଲା । ହେଲେ କେହି କାହାକୁ ସୁଯୋଗ ଦେଉ ନଥିଲେ । ଏମିତିରେ ଦ୍ୱିତୀୟାର୍ଦ୍ଧ ଶେଷ ହୋଇଥିଲା । ଶେଷ ପର୍ଯ୍ୟନ୍ତ ବହୁ ପ୍ରୟାସ ସତ୍ତେ୍ୱ ମୁମ୍ବାଇ ଗୋଲ୍‌ ଖାତା ଖୋଲି ପାରି ନଥିଲା । ୨-୦ ଗୋଲ୍‌ରେ ଅଗ୍ରଣୀ ରହି ଚେନ୍ନାଇନ ମ୍ୟାଚ୍‌ ବିଜୟୀ ହୋଇଥିଲା । ବିଜୟୀ ଦଳର ଅଧିନାୟକ ମେଲସନ ବାରେରିଓ ପ୍ଲେୟାର ଅଫ୍‌ ଦ ମ୍ୟାଚ୍‌ ବିବେଚିତ ହୋଇଥିଲେ ।

ଗୋଆକୁ ଭେଟିବ ଆରୋଜ ଆଜି
ଆସନ୍ତାକାଲି ୨ଟି ମ୍ୟାଚ୍‌ ଖେଳାଯିବାର କାର୍ଯ୍ୟକ୍ରମ ରହିଛି । ପ୍ରଥମ ମ୍ୟାଚ୍‌ ଇଣ୍ଡିଆନ ଆରୋଜ ଓ ଗୋଆ ମଧ୍ୟରେ ଖେଳାଯିବ । ଏହି ମ୍ୟାଚ୍‌ ସନ୍ଧ୍ୟା ୫ଟାରୁ ଆରମ୍ଭ ହେବ । ଦ୍ୱିତୀୟ ମ୍ୟାଚ୍‌ ଦିଲ୍ଲୀ ଡାଇନୋମସ ଓ ଇଷ୍ଟ୍‌ ବେଙ୍ଗଲ ମଧ୍ୟରେ ଖେଳାଯିବ । ପୂର୍ବରୁ ଇଷ୍ଟ୍‌ବେଙ୍ଗଲ ପ୍ରତିଯୋଗିତାରେ ଭାଗ ନେଇ ନାହିଁ ବୋଲି ସ୍ପଷ୍ଟ କରି ଦେଇଛି । ତେଣୁ ଦିଲ୍ଲୀକୁ ୱାକଓଭର ମିଳିପାରେ । ଆରୋଜ ବେଶ କିଛି ଦିନ ଧରି କଳିଙ୍ଗ ଷ୍ଟାଡିୟମରେ ଅଭ୍ୟାସ ଚଳାଇଛି । ଯୁବ ଖେଳାଳିଙ୍କୁ ନେଇ ଗଠିତ ଇଣ୍ଡିଆନ ଆରୋଜ ଶ୍ରେଷ୍ଠ ପ୍ରଦର୍ଶନ ସହ ମ୍ୟାଚ୍‌ ଜିତିବା ଲକ୍ଷ୍ୟରେ ରହିଛି । ଅପରପକ୍ଷରେ ସିଧାସଳଖ ମୁଖ୍ୟ ପର୍ଯ୍ୟାୟକୁ ଉନ୍ନୀତ ହୋଇଥିବା ଆଇଏସ୍‌ଏଲ୍‌ ଦଳ ଗୋଆ ବିଜୟୀ ହୋଇ କ୍ୱାର୍ଟରରେ ପ୍ରବେଶ କରିବା ଟାର୍ଗେଟରେ ଅଛି । ଏହି ମ୍ୟାଚ୍‌ ଚିତାକର୍ଷକ ହେବ ବୋଲି ଆଶା କରାଯାଉଛି ।

ସମ୍ବନ୍ଧିତ ଖବର