PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ଖେଳ ହେଲା କାଳ: ଛାତ୍ରଙ୍କ ଛାତିରେ ପଶିଲା ଲୁହାଛଡ

କେନ୍ଦୁଝର,୧୩ା୧(ଆପ୍ର): ରବିବାର ସ୍କୁଲ ଛୁଟି ଥିବାରୁ ସାଙ୍ଗମାନଙ୍କ ସହ ଗାଁ ପଡ଼ିଆରେ ଖେଳିବା ଜଣେ ଛାତ୍ର ପାଇଁ କାଳ ହୋଇଛି । ଏକ ଲୁହାଛଡ଼ରେ ଖେଳୁଥିବା ସମୟରେ କୌଣସି କାରଣରୁ ଭାରସାମ୍ୟ ହରାଇ ତଳେ ପଡ଼ିଯିବା ପରେ ଉକ୍ତ ଲୁହାଛଡ଼ଟି ଛାତ୍ରଙ୍କ ଛାତିରେ ପଶି ଯାଇଛି । ପ୍ରବଳ ରକ୍ତସ୍ରାବ ହେବା ଫଳରେ ଛଡ଼କୁ ବାହାର କରିବା ପାଇଁ ତାଙ୍କୁ କେନ୍ଦୁଝର ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର ଏଠାରେ ଅସ୍ତ୍ରୋପଚାର ସୁବିଧା ନଥିବାରୁ ଛାତ୍ରକୁ କଟକ ସ୍ଥାନାନ୍ତର କରାଯାଇଛି ।
କେନ୍ଦୁଝର ସଦର ବ୍ଲକର ଡିମ୍ବୋ ଗ୍ରାମର ନନ୍ଦକିଶୋର ମହାକୁଡ଼ଙ୍କ ପୁଅ ଚନ୍ଦନ ସ୍ଥାନୀୟ ସରକାରୀ ବିଦ୍ୟାଳୟରେ ୪ର୍ଥ ଶ୍ରେଣୀର ଛାତ୍ର । ରବିବାର ଅପରାହ୍ନରେ ଏକ ଲୁହାଛଡ଼ ଧରି ସାଙ୍ଗମାନଙ୍କ ସହ ଗାଁ ପଡ଼ିଆକୁ ଯାଇଥିଲେ । ଖେଳୁଥିବା ସମୟରେ ତଳେ କଚାଡ଼ି ହୋଇ ପଡ଼ିଯିବା ସମୟରେ ହାତରେ ଧରିଥିବା ଲୁହାଛଡ଼ ଚନ୍ଦନଙ୍କ ଛାତିରେ ପଶି ଯାଇଥିଲା । ପ୍ରବଳ ରକ୍ତସ୍ରାବ ସତ୍ତେ୍ୱ ଲୁହାଛଡ଼କୁ ବାହାର କରିବାକୁ ଚନ୍ଦନ ଚେଷ୍ଟା କରିଥିଲେ । ଅନ୍ୟମାନଙ୍କ ଠାରୁ ସୂଚନା ପାଇଁ ଘର ଲୋକେ ପହଞ୍ଚି ଛାତ୍ରକୁ କେନ୍ଦୁଝର ଡାକ୍ତରଖାନାକୁ ଆଣିଥିଲେ । ପ୍ରବଳ ଯନ୍ତ୍ରଣା ସତ୍ତେ୍ୱ ଚନ୍ଦନ ସାହାସର ସହ ପରିସ୍ଥିତିକୁ ମୁକାବିଲା କରି ଚାଲିଥିଲା । ଡାକ୍ତରମାନେ ମଧ୍ୟ ପାରିପାଶ୍ୱିର୍କ ଅବସ୍ଥାକୁ ଦେଖିବା ପରେ ଅସ୍ତ୍ରୋପଚାର କରିବା ପାଇଁ ନିଷ୍ପତ୍ତି ନେଇଥିଲେ । ମାତ୍ର ଛଡ଼ ବାହାରିବା ପରର ସ୍ଥିତି ମୁକାବିଲା କରିବା ନେଇ ଦ୍ୱନ୍ଦ୍ୱ ଉପୁଜିବାରୁ ସନ୍ଧ୍ୟାରେ ଚନ୍ଦନକୁ କଟକ ସ୍ଥାନାନ୍ତର କରାଯାଇଛି । କେନ୍ଦୁଝରରେ ପ୍ରାଥମିକ ଚିକିତ୍ସା କରାଯିବା ପରେ ୧୦୮ ଆମ୍ବୁଲାନ୍ସରେ କଟକ ନିଆଯାଇଛି ।