PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ଭାରତୀୟ ମହିଳା ହକି ଟିମ୍‌ ଜର୍ମାନୀ ଠାରୁ ୨-୦ରେ ହାରିଲା
  • ||
  • ଆନନ୍ଦପୁର : ଗାଧୋଇବା ବେଳେ ଅଘଟଣ, କେନାଲରେ ବୁଡ଼ି ଯୁବକ ମୃତ
  • ||
  • ଭୁବନେଶ୍ଵର : ରାଜଧାନୀରେ ପୁଣି ଆତଙ୍କରାଜ, ୨ ଯୁବକଙ୍କୁ ବିଚ୍ ରାସ୍ତାରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ନୂଆଦିଲ୍ଲୀ: ମୀରାବାଈ ଚାନୁଙ୍କୁ ମିଳିପାରେ ସ୍ବର୍ଣ୍ଣ ପଦକ, ଝିହୁଇ ହୋଙ୍କର ହେବ ଆଣ୍ଟି ଡୋପିଂ ଟେଷ୍ଟ
  • ||
  • କୋରାପୁଟ: ଭ୍ୟାନରୁ ୧.୮ଲକ୍ଷ ଟଙ୍କା ସହ କୋଟିଏ ଟଙ୍କାର ଗଞ୍ଜେଇ ଜବତ କଲା ଜୟପୁର ସଦର ପୋଲିସ, ଜଣେ ଗିରଫ
  • ||
  • ସମ୍ବଲପୁର: ବଲାଙ୍ଗୀର ଏନ୍‌ଏଚ୍‌ ଲୁଟ ଘଟଣା, ୬ କୁଖ୍ୟାତ୍ ଟ୍ରକ୍ ଲୁଟେରାଙ୍କୁ ଗିରଫ କଲା ପୋଲିସର ସ୍ବତନ୍ତ୍ର ସ୍କ୍ବାର୍ଡ
  • ||
  • ସମ୍ବଲପୁର: ପୁଣି ଖୋଲିଲା ହୀରାକୁଦ ଡ୍ୟାମ୍‌ର ୨ ଗେଟ୍‌, ମୋଟ ୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବେଙ୍ଗାଲୁରୁ : କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ୟେଦିୟୁରପ୍ପା
  • ||
  • ଭୁବନେଶ୍ୱର : ତୃତୀୟ ଲହରୀ ଆସିବାର ଏପର୍ଯ୍ୟନ୍ତ କୌଣସି ଲକ୍ଷଣ ନାହିଁ, ସ୍ଥିତି ଦେଖି ଅନ୍‌ଲକ୍‌ ନିଷ୍ପତ୍ତି : ଡିଏମ୍‌ଇଟି
  • ||
  • ନୂଆଦିଲ୍ଲୀ: ମହାରାଷ୍ଟ୍ର ସଦନରେ ଅଗ୍ନିକାଣ୍ଡ, ନିଆଁଲିଭା କାର୍ଯ୍ୟରେ ୪ଟି ଦମକଳ ଗାଡ଼ ନିୟୋଜିତ
  • ||
  • ସାଲେପୁର: ବାଇକ୍‌କୁ ଧକ୍କା ଦେଲା ଟ୍ରକ୍, ସ୍ଵାମୀ-ସ୍ତ୍ରୀ ଗୁରୁତର
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ୧୬୩୭ ଜଣ କରୋନା ପଜିଟିଭ ଚିହ୍ନଟ
  • ||
  • ଭୁବନେଶ୍ୱର: ଖୋଲିଲା ସ୍କୁଲ, ପାଠପଢ଼ା ଆରମ୍ଭ କଲେ ଦଶମ ଓ ଦ୍ବାଦଶ ଛାତ୍ରଛାତ୍ରୀ
  • ||
  • ଭୋଗରାଇ : ନଦୀ ଘାଟକୁ ପାଣି ଆଣିବାକୁ ଯାଇ ଭାସିଗଲା ନାବାଳକ, ଉଦ୍ଧାର କାର୍ଯ୍ୟ ଜାରି
  • ||
  • କାର୍ଗିଲ ବିଜୟ ଦିବସ : ପାକିସ୍ତାନକୁ ଧୂଳି ଚଟାଇ କାର୍ଗିଲ ଶିଖରରେ ତ୍ରିରଙ୍ଗା ଉଡ଼ାଇଥିଲେ ଭାରତର ବୀର ଯବାନ
  • ||
  • ଭୁବନେଶ୍ୱର : ଆଜି ବାଲେଶ୍ୱରକୁ ଛାଡ଼ି ସବୁଠି ଟିକାକରଣ, ରାଜ୍ୟର ୧୩୦୨ କେନ୍ଦ୍ରରେ ଦିଆଯିବ ଟିକା
  • ||
  • ଆଠଗଡ଼ : ଶ୍ରାବଣ ମାସର ପ୍ରଥମ ସୋମବାର, ଭକ୍ତଶୂନ୍ୟ ବାବା ଧବଳେଶ୍ଵରଙ୍କ ପୀଠ
  • ||
  • ଅନଗୁଳ : ବିଳମ୍ବିତ ରାତିରେ ଘର ପୋଡ଼ିଦେଲେ ଦୁର୍ବୃତ୍ତ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୫୭୪କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କମୁଛି ସଂକ୍ରମଣ, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୬୩୭ ଜଣ କରୋନା ପଜିଟିଭ୍
  • ||

ଗୋଆରୁ ନାବାଳିକା ଉଦ୍ଧାର

ଢେଙ୍କାନାଳ,13।1(ଆପ୍ର): ଢେଙ୍କାନାଳ ଜିଲ୍ଲା ଗଁଦିଆ ଥାନା ଅଞ୍ଚଳରେ ଜନୈକା ନାବାଳିକାକୁ ବିକ୍ରି ଗୋଆରେ ବିକ୍ରି କରାଯାଇଥିବା ଅଭିଯୋଗ ପରେ ପୁଲିସ ପକ୍ଷରୁ ବିଧିବଦ୍ଧ ଭାବେ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଥିଲା। ନାବାଳିକାକୁ ଠାବ କରିବା ପାଇଁ ପୁଲିସ ପକ୍ଷରୁ ଏକ ଟିମ୍ ଗୋଆ ଯାଇ ରବିବାର ନାବାଳିକାକୁ ସାଙ୍ଗରେ ଧରି ଢେଙ୍କାନାଳ ଫେରିଛି।
ଗଁଦିଆ ଥାନା ଅନ୍ତର୍ଗତ ବିଧାରପୁର ପଞ୍ଚାୟତ ଅଞ୍ଚଳର ଜଣେ ଆଦିବାସୀ ବ୍ୟକ୍ତି ତାଙ୍କ ପତ୍ନୀଙ୍କୁ ହତ୍ୟା କରି ଦେଢ଼ ବର୍ଷ ଧରି ଜେଲ୍ରେ ସଜ୍ଜା କାଟୁଛନ୍ତି। ମା’ର ମୃତ୍ୟୁ ଓ ବାପା ଜେଲ୍ ଯିବା ପରେ ତାଙ୍କର ନାବାଳକ ଦୁଇ ପୁଅ ଏବଂ ଦୁଇ ଝିଅ ଜେଜେବାପାଙ୍କ ପାଖରେ ଆଶ୍ରୟ ନେଇଥିଲେ। ଜେଜେବାପା ଢେଙ୍କାନାଳ ସଦର ଥାନା ଅନ୍ତର୍ଗତ ଦାମୋଦରନାଳି ଅଞ୍ଚଳର ଏକ ଫାର୍ମହାଉସ୍ରେ ମାଳି ଭାବେ କାମ କରନ୍ତି। 10 ବର୍ଷିୟା ନାବାଳିକା ନାତୁଣୀକୁ ଜେଜେବାପା ଗୋଆରେ ବିକ୍ରି କରି ଦେଇଥିବା ଅଭିଯୋଗ ଉଠିଥିଲା। ଡିସେମ୍ବର 28 ତାରିଖରେ ଶିଶୁ ମଙ୍ଗଳ କମିଟିରେ ଅଭିଯୋଗ ହେବା ପରେ ଘଟଣା ପଦାକୁ ଆସିଥିଲା। ବାବୁଲି ସ୍ବାଇଁ ଓ ବୁନୁ ମହାରଣା ନାମକ ଦୁଇ ଜଣ ବ୍ୟକ୍ତି ଏଥିରେ ସଂପୃକ୍ତ ଥିବା ଜଣାପଡ଼ିଥିଲା। ପୁଲିସ ମାମଲା ରୁଜୁ କରିବା ପରେ ଘଟଣାର ଗୁରୁତ୍ବକୁ ଉପଲବ୍ଧି କରି ଜିଲ୍ଲାପାଳ ନିଖିଲ ପବନ କଲ୍ୟାଣ ନାବାଳିକା ଶିଶୁକନ୍ୟାକୁ ଉଦ୍ଧାର ପାଇଁ ନିର୍ଦ୍ଦଶେ ଦେଇଥିଲେ।
ଗତ 7 ତାରିଖରେ ଗଁଦିଆ ଥାନା ଅଧିକାରୀ ନିରୁପମା ଜେନାଙ୍କ ନେତୃତ୍ବରେ ଏକ ଟିମ୍ ଗୋଆ ଯାଇଥିଲେ। ଗୋଆର ମାଡ଼ଗାଓଁ ଜିଲ୍ଲା କୋହ୍ଲୁଆ ଥାନା ପୁଲିସ ସହାୟତାରେ ଗଁଦିଆ ପୁଲିସ ଫାଟରେଡ୍ ଅଞ୍ଚଳରୁ ବାବୁଲି ସ୍ବାଇଁଙ୍କୁ ଠାବ କରିଥିଲା। ଯାଜପୁର ଜିଲ୍ଲା ଚଣ୍ଡିଖୋଲ ତୋରଙ୍ଗ ଅଞ୍ଚଳର ବାବୁଲି ସ୍ବାଇଁ ସେଠାରେ ଏକ ହୋଟେଲ କରି ବ୍ୟବସାୟ କରୁଥିଲେ। ସେ ଭଡାରେ ରହୁଥିବା ଘର ମାଲିକ ନିଃସନ୍ତାନ ଥିବାରୁ ତାଙ୍କର ଏକ ପିଲା ଆବଶ୍ୟକ ବୋଲି ବାବୁଲିଙ୍କ ଆଗରେ କହିଥିଲେ। ବାବୁଲି ବେଲଟିକିରି ଅଞ୍ଚଳର ବୁନୁ ମହାରଣାଙ୍କ ସହାୟତାରେ ନାବାଳିକାଙ୍କ ଜେଜେବାପାଙ୍କ ସହ ସଂପର୍କ କରି ତାଙ୍କର 10 ବର୍ଷର ନାତୁଣୀକୁ ଗୋଆ ନେଇଯିବାକୁ ସକ୍ଷମ ହୋଇଥିଲା। 2017 ଲକ୍ଷ୍ମୀପୂଜା ସମୟରେ ନାବାଳିକା ଜଣକ ଜେଜେବାପାଙ୍କ ନିକଟରୁ ଯାଇଥିବା ବେଳେ ପରବର୍ତ୍ତୀ ସମୟରେ ତାଙ୍କ ସହ ଯୋଗାଯୋଗ ସମ୍ପର୍କ ନହେବାରୁ ନାତୁଣୀକୁ ବିକ୍ରି କରାଯାଇଥିବା ସନ୍ଦେହ କରି ଗତ ଡିସେମ୍ବର 28ରେ ଶିଶୁ ମଙ୍ଗଳ କମିଟି ନିକଟରେ ଅଭିଯୋଗ କରିଥିଲେ। ଶିଶୁ ମଙ୍ଗଳ କମିଟି ପ୍ରାଥମିକ ତଦନ୍ତ କରି ଘଟଣାରେ ସତ୍ୟତା ଥିବା ଅନୁଭବ କରିବା ପରେ କମିଟିର ଅଧ୍ୟକ୍ଷ ପ୍ରତାପ ଆଚାର୍ଯ୍ୟ ଢେଙ୍କାନାଳ ଏସ୍ପିଙ୍କ ନିକଟରେ ଲିଖିତ ଅଭିଯୋଗ କରି କାର୍ଯ୍ୟ।ନୁଷ୍ଠାନ ପାଇଁ ଦାବି କରିଥିଲେ। ଏସପି ସନ୍ତୋଷ ନାୟକଙ୍କ ନିର୍ଦ୍ଦଶେକ୍ରମେ ଗଁଦିଆ ଥାନାରେ ମାମଲା ରୁଜୁ କରାଯାଇ ତଦନ୍ତ ଆରମ୍ଭ କରାଯାଇଥିଲା। ପୁଲିସ୍ର ଏକ ଟିମ୍ ଗୋଆରୁ ନାବାଳିକାକୁ ଉଦ୍ଧାର କରିବା ପରେ ରବିବାର ଅପରାହ୍ନ 4ଟାରେ ଢେଙ୍କାନାଳ ଶିଶୁମଙ୍ଗଳ କମିଟିରେ ହାଜର କରାଇଥିଲା। ଶିଶୁ ମଙ୍ଗଳ କମିଟିର ସଦସ୍ୟମାନେ ନାବାଳିକାକୁ ମହର୍ଷି ଦୟାନନ୍ଦ ସର୍ଭିସ୍ ମିଶନ ଦ୍ବାରା ପରିଚାଳିତ ଓପନ୍ ସେଲଟର ହୋମ୍କୁ ପଠାଇ ଦେଇଛନ୍ତି।
ଏ ସଂପର୍କରେ ଥାନାଧିକାରୀ ନିରୁପମା ଜେନା କହିଛନ୍ତି, ନାବାଳିକା ଜଣକ ଗୋଆର ମାଡଗାଓଁ ଜିଲ୍ଲା କୋହ୍ଲୁଆ ଥାନା ଅନ୍ତର୍ଗତ ଫାଟରେଡ୍ ଅଞ୍ଚଳ ମିଙ୍ଗିଲ୍ ଲୁଇସ୍ ଓ ତାଙ୍କପତ୍ନୀ ଆଇତି ଲୁଇସ୍ଙ୍କ ପାଖରେ ଥିଲା। ସେଠାରେ ସେ ରହି ହୋଲିକ୍ରସ୍ ଇନ୍ଷ୍ଟିଚ୍ୟୁଟ୍ରେ ଷ୍ଟାଣ୍ଡାଣ୍ଡ୍-3ରେ ପଢୁଥିଲା। ଏଥିରେ କୌଣସି ଦଲାଲ ସଂପୃକ୍ତି କିମ୍ବା ଟଙ୍କା କାରବାର ହୋଇନଥିବା ସେ ସ୍ପଷ୍ଟ କରିଥିଲେ। କୋର୍ଟ ଖୋଲିଲେ ନାବାଳିକାଙ୍କ ବୟାନ ରେକର୍ଡ କରାଯିବ। ପ୍ରଥମେ ଟଙ୍କା କାରବାର ନେଇ ଅଭିଯୋଗ କରିଥିବା ନାବାଳିକାଙ୍କ ଜେଜେବାପା ଆଜି କଥା ବଦଳାଇଛନ୍ତି। ଗାଁ ଲୋକେ ମୋତେ ତୋ ନାତୁଣୀକୁ ବିକ୍ରି କରାଯାଇଥିବା ନେଇ ସବୁବେଳେ କହିବାରୁ ମୋର ସନ୍ଦେହ ହୋଇଥିଲା। ତେଣୁ ମୁଁ ନାତୁଣୀକୁ ଉଦ୍ଧାର କରିବା ପାଇଁ ତାଙ୍କୁ ବିକ୍ରି କରିଦେଇଛନ୍ତି ବୋଲି ଅଭିଯୋଗ କରିଥିଲି। ନାତୁଣୀ ଫେରିଆସିବା ପରେ ପୂର୍ବ ଅଭିଯୋଗର କୌଣସି ମାନେ ନାହିଁ ବୋଲି କହିଛନ୍ତି।

ସମ୍ବନ୍ଧିତ ଖବର