ଚୀନରେ ନିୟନ୍ତ୍ରଣ ବାହାରେ କରୋନା ଭାଇରସ: ରୋଗୀଙ୍କୁ କରାଯାଉଛି ପଶୁ ଭଳି ବ୍ୟବହାର, ଦେଖନ୍ତୁ ଭିଡିଓ

ବେଜିଂ, ୧୪|୦୨: ଚୀନରେ କରେନା ଭାଇରସ ମହାମାରୀ ଭଳି ବ୍ୟାପିବାରେ ଲାଗିଛି। ଏବେସୁଧା ସେଠାରେ ୧୫୦୦ରୁ ଅଧିକ ଜଣ ପ୍ରାଣ ହରାଇସାରିଲେଣି। ଆହୁରିମଧ୍ୟ ପ୍ରାୟ ୬୪ହଜାର ଲୋକ ଏହି ଭାଇରସ ଦ୍ୱାରା ସଂକ୍ରମିତ ହୋଇ ଚିକିତ୍ସିତ ହେଉଛନ୍ତି। ପରିସ୍ଥିତି ଏତେ ମାତ୍ରାରେ ସଙ୍ଗୀନ ରହିଛି ଯେ, କେତେକ ସ୍ଥାନରେ ରୋଗୀଙ୍କୁ ପଶୁତୁଲ୍ୟ ବ୍ୟବହାର କରାଯାଉଛି।

ଚୀନ ସରକାର ଉହାନ ପ୍ରଶାସନକୁ ସମସ୍ତ ରୋଗୀ ଓ ସନ୍ଦିଗ୍ଧ ଆକ୍ରାନ୍ତଙ୍କୁ ନିଜ ସମ୍ପର୍କୀୟଙ୍କ ସହ ଆଇସୋଲେସନ୍ କ୍ୟାମ୍ପ ନେବାକୁ ନିର୍ଦ୍ଦେଶ ଦେଇଛନ୍ତି। ଯଦି ରୋଗୀ ନିଜ ଇଚ୍ଛାରେ ଯାଉ ନାହାଁନ୍ତି ତେବେ ସେମାନଙ୍କୁ ଜବରଦସ୍ତି ସେଠାକୁ ନେବାକୁ କୁହାଯାଉଛି।

କିଛି ରୋଗୀଙ୍କୁ ରାସ୍ତାରେ ପଶୁ ଭଳି ଘୋଷାଡି ଘୋଷାଡି ନିଆଯାଉଛି। ଆଉ କେତେକ ରୋଗୀଙ୍କୁ ଆକ୍ରମଣ ମଧ୍ୟ କରାଯାଉଛି। ମାସ୍କ ପିନ୍ଧିଥିବା ବା ସାମାନ୍ୟ ଥଣ୍ଡା ହୋଇଥିବା ଲୋକଙ୍କୁ ପୋଲିସ ସଙ୍ଗେସଙ୍ଗେ ଧରିନେଉଛି। ଏଠାରେ ଲୋକମାନେ ଜଣେ ଅନ୍ୟ ଜଣଙ୍କର ଶତ୍ରୁ ହୋଇଗଲେଣି। ଚୀନରେ କରୋନାକୁ ନେଇ ଭୟର ବାତାବରଣ ଲାଗି ରହିଛି।

ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ମହିଳା ଓ ପୁରୁଷଙ୍କୁ ଜବରଦସ୍ତି ଟାଣିକରି ପୋଲିସ ନେଇଯାଉଛି। ଏହା ପୂର୍ବ ଚୀନର ଶୁଜୋଉ ଅଞ୍ଚଳରେ ଘଟିଛି। ସ୍ଥାନୀୟ ଗଣମାଧ୍ୟମର କହିବାନୁସାରେ, ଏହି ମହିଳା ଓ ପୁରୁଷ ୨ ସପ୍ତାହ ପୂର୍ବରୁ ଉହାନ ଆସିଥିଲେ ଓ ଉଭୟ ଆଇସୋଲେସନ କ୍ୟାମ୍ପ୍ ଯିବାକୁ ରାଜି ମଧ୍ୟ ଥିଲେ। ଏକ ଭିଡିଓରେ ଜଣେ ବୃଦ୍ଧା ଚୀନ ସେନା ସହ ପାଟିତୁଣ୍ଡ ଲାଗୁଥିବା ଦେଖିବାକୁ ମିଳିଛି। ସୈନିକମାନେ ତାଙ୍କୁ ଧରିବା ପାଇଁ ଆସୁଥିବା ବେଳେ ବୃଦ୍ଧାଜଣଙ୍କ ତାଙ୍କୁ ଏକ ଠେଙ୍ଗାରେ ମାଡ ମାରିବା ପାଇଁ ଚେଷ୍ଟା କରୁଛନ୍ତି।  

   ସମ୍ବନ୍ଧିତ ଖବର


ଅନ୍ନଦାତା ମେଣ୍ଟାଇଲେ କ୍ଷୁଧା: ଆନ୍ଦୋଳନକାରୀ କୃଷକ ପୋଲିସକୁ ପିଆଇଲେ ପାଣି, ସୋସିଆଲ ମିଡିଆରେ ଭିଡିଓ ଭାଇରାଲ

ଲୋମଟାଙ୍କୁରା ଦୃଶ୍ୟ : ଷ୍ଟ୍ରେଚରରେ ରଖାଯାଇଥିବା ଶିଶୁର ମୃତଦେହକୁ ଖାଉଛି କୁକୁର, ସୋସିଆଲ ମିଡ଼ିଆରେ ଭାଇରାଲ୍ ହେଉଛି ଏହି ‌ଭିଡ଼ିଓ

କଙ୍ଗନା ମାମଲାରେ ଉଦ୍ଧବ ସରକାରଙ୍କୁ ବମ୍ବେ ହାଇକୋର୍ଟଙ୍କ କଡ଼ା ସମାଲୋଚନା, ଅଫିସ ଭାଙ୍ଗିବା ପାଇଁ ବିଏମସିକୁ ଦେବାକୁ ପଡିବ କ୍ଷତିପୂରଣ…

ହ୍ବାଟସଆପ୍ ମେସେଜରେ ଆସୁଥିବା ଏହି ଲିଙ୍କ୍ ଉପରେ ଭୁଲରେ ବି କରନ୍ତୁନି କ୍ଲିକ୍, ସରକାର ଜାରି କଲେ ଚେତାବନୀ

ଶେଷରେ ହ୍ବାଇଟ ହାଉସ ଛାଡିବାକୁ ରାଜି ହେଲେ ଡୋନାଲ୍ଡ ଟ୍ରମ୍ପ, ହେଲେ ରଖିଛନ୍ତି ଏମିତି ସର୍ତ୍ତ…

କରୋନା ଟିକା ପ୍ରସ୍ତୁତି ଦେଖିବେ ମୋଦି: ଶନିବାର ଦିନ ହାଇଦ୍ରାବାଦ, ପୁନେ ଓ ଅହମ୍ମଦାବାଦ ଯିବେ ପ୍ରଧାନମନ୍ତ୍ରୀ