ବେଜିଂ – ପୁଣି ଦୁନିଆକୁ ଚୀନ୍ ଦେଖେଇଲା ନିଜର କରିସ୍ମା । ପୁରା ଦୁନିଆକୁ ନାଲି ଆଖି ଦେଖେଇବାକୁ ପ୍ରାଣପଣେ ଉଦ୍ୟମ ଜାରି ରଖିଥିବା ଚୀନ୍ ଏବେ ଆଉ ଏକ କାମ କରିଛି । ପ୍ରସ୍ତୁତ କରିଛି ମହାବିନାଶକ ଆତ୍ମଘାତୀ ଡ୍ରୋନ୍ । ନିକଟରେ ଚୀନ୍ ଏହି ଡ୍ରୋନ୍ ବିମାନର ସଫଳ ପରୀକ୍ଷଣ କରିଛି । ମେନ୍ଲ୍ୟାଣ୍ଡ ନ୍ୟୁଜ୍ ରିପୋର୍ଟରୁ ଏହି ସୂଚନା ମିଳିଛି ।
ଏହି ଆତ୍ମଘାତୀ ଡ୍ରୋନ୍ କେତେ ପ୍ରଭାବଶାଳୀ , ଏହାର ଉଦାହରଣ ଆର୍ମିନିଆରେ ପରୀକ୍ଷଣ ପରେ ଦେଖିବାକୁ ମିଳିଛି , ଯେଉଁଠି ଇସ୍ରାଇଲ୍ ଆତ୍ମଘାତୀ ଡ୍ରୋନ୍ ଅଜରବୈଜାନ୍ ପକ୍ଷରୁ ବିନାଶର ସୂଚନା ଦେଇଛି ।
ଆମେରିକା , ଭାରତ , ତାଇୱାନ , ଅଷ୍ଟ୍ରେଲିଆ ସମେତ ବିଶ୍ୱର ଅନେକ ଦେଶ ଗୁଡ଼ିକ ସହ ଯୁଦ୍ଧର ପର୍ବ ପାଳୁଥିବା ଚୀନ୍ ବଡ଼ ବିସ୍ଫୋରଣ ଜନିତ ଆତ୍ମଘାତୀ ଡ୍ରୋନ୍ ବିମାନକୁ ପ୍ରସ୍ତୁତ କରିଛି । ଏହି ଡ୍ରୋନ୍ ସେନା ଏକ ଟ୍ୟୁବଲର ଲଞ୍ଚର ଭିତରେ ଥାଏ । ଯାହା ନିର୍ଦ୍ଦେଶ ପାଇବା କ୍ଷଣି ନିଜର ଶତ୍ରୁଙ୍କ ଉପରେ ଆକ୍ରମଣ କରିବାରେ ସକ୍ଷମ ହୁଏ । ଏହି ଲଞ୍ଚରକୁ ଏକ ହାଲକା ବାହନ (ଟ୍ରକ୍ ଆଦି) ଓ ହେଲିକପ୍ଟର ଉପରେ ରଖା ଯାଇପାରିବ । ଚୀନ୍ର ଡ୍ରୋନ୍ ସେନା ସାମନାକୁ ପରେ ଏବେ ସାରା ବିଶ୍ୱର ସେନାଙ୍କର ଭବିଷ୍ୟତ ଯୁଦ୍ଧକୁ ନେଇ ବିପଦ ବଢ଼ିଯାଇଛି ।
ଚୀନ୍ର ଇଲେକ୍ଟ୍ରନିକ୍ ଏକାଡେମୀ ଏହି ଡ୍ରୋନ୍ ବିମାନକୁ ପ୍ରସ୍ତୁତ କରିଛି ଏବଂ ଗତ ମାସରେ ଏହାର ସଫଳ ପରୀକ୍ଷଣ ହୋଇଥିଲା । ଏହା ପୂର୍ବରୁ ଚୀନ୍ ୨୦୧୭ମସିହାରେ ୧୨୦ ଟି ଛୋଟ ଛୋଟ ଡ୍ରୋନ୍କୁ ଏକ ସମୟରେ ଉଡ଼ାଇ ବଡ଼ ସଫଳତା ହାସଲ କରିଥିଲା । ପରେ ଚୀନ୍ ୨୦୦ଟି ଡ୍ରୋନ୍କୁ ଏକା ସାଥିରେ ଉଡ଼ାଇ ବଡ଼ କାରନାମ କରି ଦେଖାଇଛି।
ଚୀନ୍ର ଏହି ଆତଘାତୀ ଡ୍ରୋନ୍ର ନାମ ସିଏଚ୍-୯୦୧ ବୋଲି କୁହାଯାଉଛି । ଏହି ଡ୍ରୋନ୍ର ଆଗରେ ଓ ପଛରେ ଡେଣା ଲାଗିଛି ଏବଂ ଲକ୍ଷ୍ୟକୁ ଚିହ୍ନିବା ପାଇଁ ସେନ୍ସର ମଧ୍ୟ ଲାଗିଛି । ଯାହାକୁ ଶ୍ତରୁକୁ ଠାବ କରିବାରେ ସକ୍ଷମ ହେଇପାରିବ ।