PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜୟପୁର: ଜୟପୁର ସବ୍ ଜେଲରେ ରେଡ୍, ଏସ୍‌ପି ଓ ଉପ ଜିଲ୍ଲାପାଳ ସାମିଲ
  • ||
  • ଆଇପିଏଲ-୧୪: ଆଜି ଖେଳାଯିବ ଦୁଇଟି ମ୍ୟାଚ୍, କୋହଲି-ମୋର୍ଗାନ ଓ ରାହୁଲ-ପନ୍ଥ ମଧ୍ୟରେ ଲଢେ଼ଇ
  • ||
  • ଭୁବନେଶ୍ୱର : ବଦଳିଲା ମୋ ବସ୍‌ ଚଳାଚଳ ସମୟ। ଏଣିକି ସକାଳ ୭ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଚଳାଚଳ କରିବ ମୋ ବସ୍
  • ||
  • ଭୁବନେଶ୍ୱର: ରମାଦେବୀ ଛାତ୍ରୀନିବାସରୁ ୪ ଛାତ୍ରୀ କରୋନା ପଜିଟିଭ୍, ୧୯ ତାରଖ ପୂର୍ବରୁ ହଷ୍ଟେଲ ଛାଡ଼ିବାକୁ ନିର୍ଦ୍ଦେଶ ‌
  • ||
  • ରାଜ୍ୟକୁ ପୁଣି ଫେରିବ ତାତି, ସପ୍ତାହେ ପର୍ଯ୍ୟନ୍ତ ଛଟପଟ କରିବ ଗ୍ରୀଷ୍ମ ପ୍ରକୋପ
  • ||

ବଲାଙ୍ଗୀରରେ ଉତ୍ତରପ୍ରଦେଶର ଏଟିଏମ୍‌ ଲୁଟେରା- ଏଟିଏମ୍‌ରୁ ହାଇଟେକ୍‌ ଉପାୟରେ ଟଙ୍କା ଗାୟବ କରୁଥିବା ବେଳେ ହେଲେ ଗିରଫ

ବଲାଙ୍ଗିର: ଓଡିଶାରେ କାନପୁର ଲୁଟେରା । ୟୁପିରୁ ଆସି ଓଡିଶାର ବିଭିନ୍ନ ସ୍ଥାନରେ କରୁଥିଲେ ଲୁଟ୍‌ । ରାଜ୍ୟର ବିଭିନ୍ନ ସ୍ଥାନରେ ଏଟିଏମ୍‌ ଲୁଟ୍‌ କରୁଥିବା ବେଳେ ପୁଲିସ ଗିରଫ କରିଛି । ବଲାଙ୍ଗିର ସହରର ଠିକାଦାରପଡା ଏସବିଆଇ ଏଟିଏମ୍ କାଉଣ୍ଟର୍ ୟରୁ ଟଙ୍କା ଉଠାଉଥିବା ବେଳେ ଦୁଇ ଆନ୍ତଃରାଜ୍ୟ ଠକଙ୍କୁ ଟାଉନ ପୋଲିସ ଗିରଫ କରିଛି । ଗିରଫ ଅଭିଯୁକ୍ତମାନେ ଉତ୍ତରପ୍ରଦେଶ କାନପୁର ଜିଲ୍ଲା ଚକେରୀ ଥାନା ଅନ୍ତର୍ଗତ ଗିରିଜାନଗରର ସତ୍ୟ ସିଂ ପରିହାର ଓ କାନପୁରନଗରର ଅଜୟ କୁମାର ବୋଲି ପୋଲିସ ସୂଚନା ଦେଇଛି । ଗିରଫ ଅଭିଯୁକ୍ତ ମାନଙ୍କୁ ପୋଲିସ ଆଜି କୋର୍ଟ ଚାଲାଣ କରିଛି ।

ସୂଚନାଯୋଗ୍ୟ ଯେ, ସ୍ଥାନୀୟ ଟିକ୍ରାପଡାର ନିର୍ମଲ କୁମାର ସାମଲ ନାମକ ଜଣେ ବ୍ୟକ୍ତି ଭୁବନେଶ୍ବରରେ ଏସବିଆଇ ଏଟିଏମ୍‌ର ସିକ୍ୟୁରିଟି ଅଫିସର୍ ଭାବେ କାମ କରୁଛନ୍ତି । ଗତ କିଛିଦିନ ହେଲା ଭୁବନେଶ୍ବର ସମେତ ରାଜ୍ୟର ବିଭିନ୍ନ ଏଟିଏମ୍ ଓ ବଲାଙ୍ଗିର ସହରର ବିଭିନ୍ନ ଏଟିଏମ୍ କାଉଣ୍ଟର୍ ଗୁଡିକରୁ ଟଙ୍କା ଗାୟବ ହେଉଥିବା ନେଇ ପୋଲିସ ନିକଟରେ ଅଭିଯୋଗ ହୋଇଥିଲା । ନିର୍ମଲ କୁମାର ସାମଲ ଘଟଣା ସଂପର୍କରେ ଗତ ୨୭ ତାରିଖରେ ବଲାଙ୍ଗିର ଟାଉନଥାନାରେ ଲିଖିତ ଅଭିଯୋଗ କରିଥିଲେ ।

ଟାଉନ ପୋଲିସ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ ଆରମ୍ଭ କରିଥିଲା । ଗୁରୁବାର ଭାରତ ବନ୍ଦ ଦିନ ଠିକାଦାରପଡା ଏସବିଆଇ ଏଟିଏମ୍ କାଉଣ୍ଟର୍‌ରୁ ଟଙ୍କା ଉଠାଉଥିବା ବେଳେ ଟାଉନ ପୋଲିସ ୨ ଜଣ ସଂଦିଗ୍ଧ ଯୁବକଙ୍କୁ କାବୁ କରି ପଚରା ଉଚୁରା କରିଥିଲା । ତଦନ୍ତ ପରେ ଅଭିଯୁକ୍ତ ଯୁବକ ମାନଙ୍କ ନିକଟରୁ ନଗଦ ଦେଢ ଲକ୍ଷ ଟଙ୍କା, ବିଭିନ୍ନ ବ୍ୟାଙ୍କର ୨୦ଟି ଏଟିଏମ୍ କାର୍ଡ ସହ ୨ ଟି ମୋବାଇଲ ଫୋନ, ୨ଟି ଆଧାର କାର୍ଡ ଓ ୨ ଟି ପାନ୍ କାର୍ଡ ପୋଲିସ ଜବତ କରିଛି । ଅଭିଯୁକ୍ତମାନେ ଠକେଇ କରି ବିଭିନ୍ନ ଏଟିଏମ୍ କାଉଣ୍ଟର୍ ରୁ ଲକ୍ଷ ଲକ୍ଷ ଟଙ୍କା ଉଠେଇ ନେଉଥିବା ଅଭିଯୋଗରେ ଟାଉନ ପୋଲିସ ୨ଜଣ ଯାକ ଅଭିଯୁକ୍ତଙ୍କୁ ଗିରଫ କରିଛି ।