PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • ଭୁବନେଶ୍ୱର: ଆଜି ଇଣ୍ଡିଆନ ଗ୍ରାଁପ୍ରି-୩: ଅମିୟ ଓ ଶ୍ରାବଣୀ ଦୌଡ଼ିବେ, ପ୍ରତିଯୋଗିତାରେ ସାମିଲ ହେବେନି ଦୂତି
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

ୟୁପିଏସସି ପାଇଁ ପ୍ରସ୍ତୁତ ହେଉଥିବା ଛାତ୍ରଛାତ୍ରୀଙ୍କୁ କୋଚିଂ ଦେଉଛନ୍ତି ୧୩ ବର୍ଷର ବାଳକ

source:yourstory.com

ଆଜିକାଲି ପରୀକ୍ଷାର୍ଥୀଙ୍କୁ ପ୍ରସ୍ତୁତ ହେବାରେ ଇଣ୍ଟରନେଟ୍ ଅନେକ ସାହାଯ୍ୟ କରୁଛି । ୟୁଟ୍ୟୁବରେ ଏମିତି ଅନେକ ଚ୍ୟାନେଲ୍ସ ମିଳିଯିବ ଯେଉଁଠି ଅଲଗା ଅଲଗା ବିଷୟ ଉପରେ ଅଧ୍ୟାପକମାନଙ୍କ ଲେକ୍ଚର ମିଳିଯାଉଛି । ତେବେ ଆଜି ଆମେ ଆପଣଙ୍କୁ ଯେଉଁ ଅଧ୍ୟାପକଙ୍କ ସମ୍ପର୍କରେ କହିବାକୁ ଯାଉଛୁ ସେ ମାତ୍ର ୧୩ ବର୍ଷ ବୟସରେ ୟୁପିଏସସି ପାଇଁ ପ୍ରସ୍ତୁତ ହେଉଥିବା ଛାତ୍ରଙ୍କୁ କୋଚିଂ ଦେଉଛନ୍ତି ।

ତେଲେଙ୍ଗାନାର ଏକ ଛୋଟ ବସ୍ତିରେ ରହୁଥିବା ଅମର ସାତ୍ତ୍ୱିକ୍ ତୋଗିଟ୍ଟି ୟୁଟ୍ୟୁବରେ ଲର୍ଣ୍ଣ ୱିଥ୍ ଅମର  (Learn with Amar) ନାମକ ଏକ ଚ୍ୟାନେଲ ଚଲାନ୍ତି ଏବଂ ସେଠାରେ ସେ ସିଭିଲ୍ ସର୍ଭିସ୍ ଏକ୍ସାମ କୋଚି ଦେଇଥାନ୍ତି । ୧୩ ବର୍ଷର ଅମର ଆଜକୁ ୩ ବର୍ଷ ତଳେ ୨୦୧୬ରେ ଏହି ଚ୍ୟାନେଲ୍ ଆରମ୍ଭ କରିଥିଲେ । ଆଜି ତାଙ୍କ ଚ୍ୟାନେଲରେ ୨ ଲକ୍ଷରୁ ଅଧିକ ସବସ୍କ୍ରାଇବର ଅଛନ୍ତି ।

ଅମରଙ୍କ ପିତା ମଧ୍ୟ ଜଣେ ଶିକ୍ଷକ ଏବଂ ସେ ସରକାରୀ ସ୍କୁଲରେ ପଢାନ୍ତି । ୯ମ ଶ୍ରେଣୀରେ ପଢୁଥିବା ଅମର ନିଜ ପିତାଙ୍କଠୁ ଏହି ସବୁ ଟ୍ରିକ୍ ଶିଖିଛନ୍ତି ।ଇଣ୍ଡିଆନ୍ ଏକ୍ସପ୍ରେସ ସହିତ ସାକ୍ଷାତ ସମୟରେ ଅମର କହିଥିଲେ, ‘ଯେତେବେଳେ ମୁଁ ୫ମ ଶ୍ରେଣୀରେ ଥିଲି ସେବେଠାରୁ ମୋତେ ଆଟଲାସର ଖେଳିବାକୁ ମଜା ଲାଗୁଥିଲା । ପାପା ମୋ ଆଗ୍ରହ ଦେଖି ମୋତେ ଭୂଗୋଳ ପଢାଇବା ଆରମ୍ବ କରିଦେଲେ । ଥରେ ମୁଁ ଭୂଗୋଳ ବୁଝିବାକୁ ଚେଷ୍ଟା କରୁଥିଲି ଏବଂ ମୋ ମା ସେହି ସମୟରେ ଏକ ଭିଡିଓ ରେକର୍ଡ କରି ତାକୁ ୟୁଟ୍ୟୁବରେ ଅପଲୋଡ କରିଦେଲେ । ସେହି ଭିଡିଓକୁ ଭଲ ରେସପନ୍ସ ମିଳିଥିଲା । ବାସ୍ ତା ପରଠାରୁ ଆମେ ଲଗାତାର ଭିଡିଓ ପ୍ରସ୍ତୁତ କରିବା ଆରମ୍ବ କରିଦେଲୁ ।’

ଅମର ଭୂଗୋଳ ସମ୍ପର୍କରେ କିଛି ଭିଡିଓ ପ୍ରସ୍ତୁତ କରିବା ଆରମ୍ଭ କରିଦେଲେ ଯେଉଁଥିରେ ଦେଶ, ନଦୀ ଓ ପାହାଡର ନାଁ ସବୁ ମନେ ରଖିବା ପାଇଁ ଟ୍ରିକ୍ ବୁଝାଉଥିଲେ । ଏବେ ସେ ଅର୍ଥଶାସ୍ତ୍ର ଓ ରାଜନୀତି ବିଜ୍ଞାନ ଭଳି ବିଷୟ ଉପରେ ଭିଡିଓ ପ୍ରସ୍ତୁତ କରିବାପାଇଁ ଚିନ୍ତା କରୁଛନ୍ତି । ଅମର କହୁନ୍ତି ଯେ କୌଣସି ଜିନିଷକୁ ବୁଝିବା ଓ ତା ଉପରେ ରିସର୍ଚ୍ଚ କରିବାପାଇଁ ୨ ସପ୍ତାହ ଲାଗିଯାଏ ଏବଂ ଏହାପରେ ପ୍ରାକ୍ଟିସ୍ କରିବା ପରେ ଏହାକୁ ସୁଟ୍ କରନ୍ତି । ଅମର ଆଗକୁ ୟୁପିଏସସିର ପରୀକ୍ଷାରେ ପାସ୍ କରିବାକୁ ଚାହୁଁଛନ୍ତି ଏବଂ ଦେଶକୁ ଭ୍ରଷ୍ଟାଚାର ମୁକ୍ତ କରିବା ପାଇଁ ଚାହୁଁଛନ୍ତି ।

ସମ୍ବନ୍ଧିତ ଖବର