PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ନୋଟିସ, ଘୁଞ୍ଚିଲା +୨ ପରୀକ୍ଷା
  • ||
  • ମହାରାଷ୍ଟ୍ରରେ ମର୍ମନ୍ତୁଦ ଦୁର୍ଘଟଣା: କାଠ ବୋଝେଇ ଟ୍ରକକୁ ଧକ୍କା ଦେବାପରେ ଡିଜେଲ ଟ୍ୟାଙ୍କରରେ ଲାଗିଲା ନିଆଁ, ୯ ଜଣ ଜୀବନ୍ତ ଦଗ୍ଧ
  • ||
  • ସରେଣ୍ଡର୍ କଲେ କଂଗ୍ରେସ ନେତା ନବଜୋତ ସିଂହ ସିଦ୍ଧୁ, ୩୪ ବର୍ଷ ପୂର୍ବ ରୋଡ୍‌ ରେଜ୍‌ ମାମଲାରେ ହୋଇଛି ବର୍ଷେ ସଶ୍ରମ କାରାଦଣ୍ଡ
  • ||
  • ଭୁବନେଶ୍ଵର : ରାସନ ସାମଗ୍ରୀ ବଣ୍ଟନରେ ଅନିୟମିତତା ଅଭିଯୋଗ, ସ୍ଥିତି ସମୀକ୍ଷା କଲେ ବିଏମ୍ସି ମେୟର ସୁଲୋଚନା ଦାସ
  • ||
  • ଭୁବନେଶ୍ଵର : ରାଜଧାନୀରେ ଚାଞ୍ଚଲ୍ୟ, ଜଗନ୍ନାଥ ନଗରରେ ବୋମା ମାଡ଼
  • ||
  • ନୂଆଦିଲ୍ଲୀ : ୨୭ ମାସ ପରେ ଜେଲ୍‌ରୁ ମୁକୁଳିଲେ ଆଜମ ଖାନ, ସ୍ଵାଗତ କଲେ ଶିବପାଳ ଯାଦବ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୧୦ ପଜିଟିଭ୍ ଚିହ୍ନଟ
  • ||
  • ସିବିଆଇ ପଞ୍ଝାରେ ପୁଣି ଲାଲୁ ପ୍ରସାଦ : ରେଲୱେ ନିଯୁକ୍ତିରେ ଦୁର୍ନୀତି ଅଭିଯୋଗ, ୧୭ଟି ଠିକଣାରେ ଚାଲିଛି ରେଡ୍
  • ||

ଷ୍ଟେସନରୁ ହଟିବ ସେମାଫୋର ସାଙ୍କେତିକ ପ୍ରଣାଳୀ, ଆଜି ତୁରେଇକେଲା ରୋଡ ଷ୍ଟେସନ୍‌ରୁ ହଟିବ, ପ୍ରଚଳିତ ହେବ ରଙ୍ଗୀନ ଆଲୋକ ସାଙ୍କେତିକ ପ୍ରଣାଳୀ

ଭୁବନେଶ୍ୱର, ୩୦ା୧(ବ୍ୟୁରୋ): ରେଳ ବିଭାଗରେ ଆଉ ଦେଖା ଯିବନି ହାତ ଭଳି ଦୃଶ୍ୟମାନ ସାଙ୍କେତିକ ପ୍ରଣାଳୀ । ଏହି ଯାନ୍ତ୍ରିକ ସାଂକେତିକ ପ୍ରଣାଳୀକୁ ସେମାଫୋର ସଂକେତ କୁହାଯାଏ । ପୂର୍ବତଟ ରେଳପଥର ତୁରେଇକେଲା ରୋଡ ଷ୍ଟେସନ୍‌ରୁ ସେମାଫୋର ପ୍ରଣାଳୀକୁ ଅପସାରଣ କରି ନୂଆ ରଙ୍ଗୀନ ଆଲୋକ ସାଙ୍କେତିକ ପ୍ରଣାଳୀର ପ୍ରଚଳନ କରିବ । ରେଳପଥର ଶେଷ ସେମାଫୋର ସାଙ୍କେତିକ ପ୍ରଣାଳୀ ଓଡ଼ିଶାର ବଲାଙ୍ଗୀର ଜିଲ୍ଲା ଅନ୍ତର୍ଗତ କଣ୍ଟାବାଞ୍ଜି ନିକଟସ୍ଥ ତୁରେଇକେଲା ରୋଡ ଷ୍ଟେସନ୍‌ରେ ରହିଛି । ଏହି ପ୍ରଣାଳୀକୁ ଆସନ୍ତାକାଲି ଅପସାରଣ କରାଯାଇ ନୂତନ ସାଙ୍କେତିକ ପ୍ରଣାଳୀ ଲଗାଯିବ ବୋଲି ପୂର୍ବତଟ ରେଳପଥ ପକ୍ଷରୁ ସୂଚନା ଦିଆଯାଇଛି ।
ଗତବର୍ଷ ପୂର୍ବତଟ ରେଳପଥ ଏହାର ୮ଟି ଷ୍ଟେସନ୍‌ରୁ ସେମାଫୋର୍‌ ସାଙ୍କେତିକ ପ୍ରଣାଳୀ ଅପସାରଣ କରାଇ ବହୁମୁଖୀ ରଙ୍ଗୀନ ଆଲୋକ ସାଙ୍କେତିକ ବ୍ୟବସ୍ଥା ପ୍ରଚଳନ କରିଛି । ଏହି ନୂଆ ସାଙ୍କେତିକ ବ୍ୟବସ୍ଥା ବହୁ ବ୍ୟବଧାନରୁ ଟ୍ରେନ୍‌ ଚାଳକଙ୍କୁ ଦୃଶ୍ୟମାନ ହେଉଥିବା ଯୋଗୁଁ ସୁରକ୍ଷା ଓ ଟ୍ରେନ ପରିଚାଳନା କ୍ଷେତ୍ରରେ ଏହା ସହୟକ ହୋଇଥାଏ । ଏହା ସହ ବିଦ୍ୟୁତ ସର୍କିଟ୍‌ ପ୍ରତି ନଜର ଦେବା ସହିତ ଇଣ୍ଟରଲକିଂ ଏବଂ ନିରାପତ୍ତା ସମ୍ବନ୍ଧୀୟ ଅନ୍ୟାନ୍ୟ ତ୍ରୁଟି ବିଷୟରେ ଅବଗତ କରାଇଥାଏ । ଏହି ବହୁମୁଖୀ ରଙ୍ଗୀନ ସାଙ୍କେତିକ ଆଲୋକ ପ୍ରଣାଳୀ ଦ୍ୱାରା ଜଙ୍କସନ୍‌ ରୁଟ୍‌ ବା ମାର୍ଗ ପରିବର୍ତ୍ତନରେ ସହଜସାଧ୍ୟ ହୋଇଥାଏ । ଫଳରେ ଟ୍ରେନ୍‌ ଚାଳକ ସ୍ଥାନ ସମ୍ବନ୍ଧରେ ସଠିକ ଧାରଣା ପାଇପାରନ୍ତି ।