କାଶୀପୁର, ୮।୫ : ଛତିଶଗଡ଼ ପୂର୍ବତନ ମୁଖ୍ୟମନ୍ତ୍ରୀ ଭୁପେଶ ସିଂହ ବାଘେଲ ଆଜି ରାୟଗଡା ଜିଲ୍ଲା ଗସ୍ତରେ ଆସି କାଶୀପୁର ବ୍ଲକ ସଦର ଠାରେ ଆୟୋଜିତ କଂଗ୍ରେସର ରୋଡ଼ ସୋରେ ଯୋଗ ଦେଇଥିଲେ। 

କଂଗ୍ରେସ ପକ୍ଷରୁ କାଶୀପୁର ଆଇଇଫାଡ଼ ଛକ ଠାରୁ ହନୁମାନ ମନ୍ଦିର ପର୍ଯ୍ୟନ୍ତ ରୋଡ଼ ସୋ କରାଯାଇ ଥିଲା । ରାଜ୍ୟଏବଂ ଦେଶରେ ସୁଶାସନ ଆଣିବା ଏବଂ ଏସ ଟି ଏସ ସି,ଓବିସିଭଳି ପଛୁଆ ବର୍ଗ ଙ୍କ ଉନ୍ନତି ପାଇଁ କଂଗ୍ରେସର ପ୍ରାର୍ଥୀଙ୍କୁ ଭୋଟ ଦେବାକୁ ନିବେଦନ କରିଥିଲେ ।ନିର୍ବାଚନ ଇସ୍ତାହାରରେ ସ୍ଥାନ ପାଇଥିବା କଂଗ୍ରେସର ପାଞ୍ଚ ଟି ଗ୍ୟାରେଣ୍ଟି ସମ୍ପର୍କରେ ଅବଗତ କରିବା ସହ ବିଜେଡ଼ି ଏବଂ ବିଜେପି ସରକାରକୁ ସମାଲୋଚନା କରିଥିଲେ ।  

ଏହି କାର୍ଯ୍ୟକ୍ରମରେ ପିସିସି ସାଧାରଣ ସମ୍ପାଦକ ଦୁର୍ଗା ପ୍ରସାଦ ପଣ୍ଡା ଙ୍କସହିତ କଂଗ୍ରେସର କୋରାପୁଟ ଲୋକସଭା ସାଂସଦ ପ୍ରାର୍ଥୀ ସପ୍ତଗିରି ଉଲ୍ଲକା, ରାୟଗଡା ବିଧାନ ସଭାମଣ୍ଡଳୀ ପ୍ରାର୍ଥୀ ଆପଲ ସ୍ୱାମୀ କାଡ଼ ରାକା, କାଶୀପୁର ବିସିସି ସଭାପତି ଅଙ୍ଗଦ ନାଏକ ପ୍ରମୁଖ ଉପସ୍ଥିତ ଥିଲେ।