PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିଶୁ ଅପହରଣ ଉଦ୍ୟମ ପଣ୍ଡ, ବାଇକ ରୁ ଲମ୍ଫ ମାରି ଦୁର୍ବୃତ୍ତଙ୍କ କବଳରୁ ମୁକୁଳିଲା ୧୨ ବର୍ଷର ଶିଶୁ ପୁତ୍ର, ଜଗତସିଂହପୁର ଥାନାରେ ମାମଲା।
  • ||
  • ଢେଙ୍କାନାଳ: ସାଇକୃପା ଆବାସିକ ମହାବିଦ୍ୟାଳୟରୁ ୪ଜଣ ଛାତ୍ର କୋଭିଡ ପଜିଟିଭ ଚିହ୍ନଟ, ଆରଟିପିସିଆର ଟେଷ୍ଟ ପାଇଁ ୨୬୦ ଜଣଙ୍କର ସାମ୍ପଲ ପାଠାଗଲା
  • ||
  • କମ୍ପିବ ବିଧାନସଭା: ମମିତା ମେହେର ହତ୍ୟା ଘଟଣା, ଧାନମଣ୍ଡି ଅବ୍ୟବସ୍ଥା, ଦୁର୍ନୀତି ପ୍ରସଙ୍ଗରେ ସରକାରଙ୍କୁ ଘେରିବ ବିଜେପି
  • ||
  • ନରସିଂହପୁର: ପିଉସୀ ଘରକୁ ବୁଲିବାକୁ ଆସିଥିବା ବେଳେ କୂଅରେ ପଡ଼ି ଚାଲିଗଲା ବାଳକ ଜୀବନ
  • ||
  • ନରସିଂହପୁର: ନରସିଂହପୁରରେ ମାତିଲେ ଦୁର୍ବୁତ୍ତ, ସ୍କାଏ ଲାଇଟ ଭାଙ୍ଗି ଲୁଟିନେଲେ ଟଙ୍କା ଆସବାବପତ୍ର
  • ||
  • ଜଗତସିଂହପୁର : ଆରମ୍ଭ ହେଲା ୨ଦିନିଆ ସାଗର କବଚ ଓଡି -୨୧ ସମରାଭ୍ୟାସ
  • ||
  • ଚନ୍ଦ୍ରଶେଖରପୁର : ଜଣଙ୍କ ପାଇଁ ଦୁଇ ପ୍ରେମିକ ମଧ୍ୟରେ ହଣାମରା, ବିଚ୍ ରାସ୍ତାରେ ଚାଲିଲା ଖଣ୍ଡଯୁଦ୍ଧ
  • ||
  • ସୋନପୁର : ସୋନପୁରରେ ଇଷ୍ଟଦେବୀ ସୁରେଶ୍ଵରୀ ମନ୍ଦିରରୁ ଚୋରି
  • ||
  • ଭୁବନେଶ୍ୱର : ଆଜି ଅଭିନେତ୍ରୀ ଗୁନ୍‌ଗୁନ୍‌ଙ୍କ ବିବାହ, ଅଭିସ୍ମିତଙ୍କ ସହ ପଡିବ ହାତଗଣ୍ଠି
  • ||
  • ଭୁବନେଶ୍ୱର : ଆସୁଛି ସମ୍ଭାବ୍ୟ ବାତ୍ୟା ‘ଜୱାଦ୍‌’, ୩ ତାରିଖ ଯାଏଁ ଥରାଇବ ଶୀତ, ୪ରେ ନିର୍ଧୁମ ବର୍ଷା ସମ୍ଭାବନା
  • ||
  • ସୁକିନ୍ଦା : ଶତାୟୁ ପଦ୍ମଶ୍ରୀ ନନ୍ଦ ସାର୍ କରୋନା ସଂକ୍ରମିତ, ଘରୋଇ ହସ୍ପିଟାଲରେ ଭର୍ତ୍ତି
  • ||

୨ ଲୋକସଭା, ୯ ବିଧାନସଭା ପାଇଁ କଂଗ୍ରେସ ପ୍ରାର୍ଥୀ ଘୋଷଣା

ଭୁବନେଶ୍ୱର,୨ା୪(ବ୍ୟୁରୋ): ରାତି ଅଧିଆ କଂଗ୍ରେସ ଜାରି କରିଛି ପ୍ରାର୍ଥୀ ତାଲିକା । ୨ଟି ଲୋକସଭା ଆସନ ସହ ୯ଟି ବିଧାନସଭା ଆସନରେ କଂଗ୍ରେସ ପ୍ରାର୍ଥୀ ଘୋଷଣା କରିଛି । ବଡ଼ ଖବର ହେଲା, ରାଜନୀତି ମଇଦାନକୁ ଓହ୍ଲାଇଛନ୍ତି ପୂର୍ବତନ ମୁଖ୍ୟମନ୍ତ୍ରୀ ଜାନକୀବଲ୍ଲଭ ପଟ୍ଟନାୟକଙ୍କ ପୁଅ ପୃଥ୍ୱୀବଲ୍ଲଭ । ସେ ଲଢ଼ିବେ ବୋଲଗଡ଼-ବେଗୁନିଆ ଆସନରୁ । କଟକ ଲୋକସଭା ଆସନରେ ଭେଟେରାନ୍‌ ପଞ୍ଚାନନ କାନୁନ୍‌ଗୋଙ୍କୁ ପ୍ରାର୍ଥୀ କରାଯାଇଛି । ସେହିପରି ଯାଜପୁର ଲୋକସଭା ମଇଦାନରେ ମାନସ ଜେନାଙ୍କୁ ପ୍ରାର୍ଥୀ କରିଛି କଂଗେସ୍ର ।
ଆଜି ଘୋଷିତ ବିଧାନସଭା ଆସନ ମଧ୍ୟରୁ କଂଗ୍ରେସ ୪ଟି ଜାଗାରେ ଗତ ଥରର ପ୍ରାର୍ଥୀଙ୍କୁ ରପିଟି୍‌ କରିଛି । ବହୁ ଚର୍ଚ୍ଚିତ ପାରାଦୀପ ବିଧାନସଭା ଆସନରୁ ଅରିନ୍ଦମ (ବାପି) ସଖେର୍ଲଙ୍କୁ ପୁଣି ଥରେ ପ୍ରାର୍ଥୀ ଘୋଷଣା କରାଯାଇଛି । ବାପି ଏବେ ଦାମ ରାଉତଙ୍କ ପୁଅ ତଥା ବିଜେଡି ପ୍ରାର୍ଥୀ ସମ୍ବିତ ରାଉତରାୟଙ୍କୁ ମୁକାବିଲା କରିବେ । ଗତ ଥର ସେ ପାରାଦୀପରୁ ଦାମଙ୍କ ବିରୋଧରେ ଲଢିଥି଼ଲେ । ପିପିଲି ନିର୍ବାଚନମଣ୍ଡଳୀ ପାଇଁ ଯୁଧିଷ୍ଠିର ସାମନ୍ତରାୟଙ୍କ ଉପରେ ପୁଣି ଭରସା କରିଛି କଂଗ୍ରେସ ।

ବହୁ ଛକାପଞ୍ଝା ସତ୍ତ୍ୱେ ଯୁଧିଷ୍ଠିର ପିପିଲି ଟିକେଟ ହାତେଇଛନ୍ତି । ଏହି ଆସନରୁ ଟିକେଟ ଆଶାୟୀ ଥିବା ଯୁବ ନେତା ନିଶିକାନ୍ତ ମିଶ୍ର ନିରାଶ ହୋଇଛନ୍ତି । ଯାଜପୁରରୁ ସନ୍ତୋଷ କୁମାର ନନ୍ଦ ଆଉ ଥରେ ପ୍ରାର୍ଥୀ ହୋଇଛନ୍ତି । ସେହିପରି କାମାକ୍ଷାନଗରରୁ ଭବାନୀଶଙ୍କର ମହାପାତ୍ରଙ୍କୁ ଦଳ ପୁଣି ପ୍ରାର୍ଥୀ କରିଛି । ବାଲେଶ୍ୱର ବିଧାନସଭା ଆସନରେ ନୂଆ ମୁହଁ ଭାବେ ମାନସ ଦାସ ପଟ୍ଟନାୟକଙ୍କୁ ଟିକେଟ ମିଳିଛି । ସେହିପରି ଧର୍ମଶାଳା ଟିକେଟ ହାତେଇଛନ୍ତି ସ୍ମୃତିରେଖା ପହି । ହିନ୍ଦୋଳରୁ ତ୍ରିନାଥ ବେହେରାଙ୍କୁ କଂଗ୍ରେସ ଟିକେଟ ମିଳିଛି । ବଡ଼ମ୍ବାରେ ଦଳ ନବାଗତ ବବି ମହାନ୍ତିଙ୍କୁ ଓହ୍ଲାଇଛି ।

ତୃତୀୟ ପର୍ଯ୍ୟାୟରେ ଭୋଟ୍‌ ହେବାକୁ ଥିବା ଗୋଟିଏ ଲୋକସଭା ଆସନ ସମେତ ୮ଟି ବିଧାନସଭା ଆସନ ପ୍ରାର୍ଥୀ ଘୋଷଣା ଲଟକି ରହିଛି । ସମ୍ବଲପୁର ଲୋକସଭା ଆସନ ସମେତ କଟକ ଚୌଦ୍ୱାର, ମଧ୍ୟ ଭୁବନେଶ୍ୱର, ଉତ୍ତର ଭୁବନେଶ୍ୱର, ଜୟଦେବ, ଖୋର୍ଦ୍ଧା, ଚିଲିକା, ଖଣ୍ଡପଡ଼ା ଓ ଘସିପୁରା ଆସନରେ ଏଯାବତ୍‌ ଦଳ ପ୍ରାର୍ଥୀ ଘୋଷଣା କରିନି । ଏହି ସବୁ ଆସନରେ ଆସନ୍ତା ୪ ତାରିଖ ନାମାଙ୍କନ ଦାଖଲର ଶେଷ ଦିନ । ତେବେ ଘସିପୁରା ପାଇଁ କଂଗ୍ରେସ ବିଧିବଦ୍ଧ ଭାବେ ପ୍ରାର୍ଥୀ ଘୋଷଣା କରିବା ପୂର୍ବରୁ ପିସିସି ସଭାପତି ନିରଞ୍ଜନ ପଟ୍ଟନାୟକ ସେଠାରୁ ନାମାଙ୍କନ ଭରିଛନ୍ତି ।

ଆଜି ସୁଦ୍ଧା କଂଗ୍ରେସ ୧୭ଟି ଲୋକସଭା ଆସନ ଓ ୧୨୦ଟି ବିଧାନସଭା ଆସନରେ ପ୍ରାର୍ଥୀ ଘୋଷଣା କରିଛି । ୩ଟି ଲୋକସଭା ଆସନ ଓ ୭ଟି ବିଧାନସଭା ଆସନ ସହଯୋଗୀ ଦଳ ପାଇଁ ଛାଡ଼ିବାକୁ ଦଳ ପୂର୍ବରୁ ଘୋଷଣା କରିଥିଲା । ଅର୍ଥାତ୍‌ ଏବେ ବି ଗୋଟିଏ ଲୋକସଭା ଆସନ ଓ ୨୦ଟି ବିଧାନସଭା ଆସନରେ ପ୍ରାର୍ଥୀ ଘୋଷଣା ବାକି ରହିଛି । ତେବେ ତୃତୀୟ ପର୍ଯ୍ୟାୟରେ ଭୋଟ୍‌ ହେବାକୁ ଥିବା କଟକ ସଦର ବିଧାନସଭା ଆସନର ପ୍ରାର୍ଥୀ ରତ୍ନାକର ବେହେରା ସ୍ୱାସ୍ଥ୍ୟଗତ କାରଣରୁ ନିର୍ବାଚନ ଲଢ଼ିବା ସମ୍ଭାବନା କମ୍‌ । ଏହି ଆସନରେ ବି ପ୍ରାର୍ଥୀ ବଦଳିପାରନ୍ତି ବୋଲି ଜଣାପଡ଼ିଛି ।

ସମ୍ବନ୍ଧିତ ଖବର