PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖପ୍ରାଖୋଲ:ଗମ୍ଭାରି ଛକ ନିକଟରେ ଏକ କାରରୁ ୬ ପେଟି କଫସିରଫ ଜବତ, ୨ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୁଲିସ
  • ||
  • କୋଭିଡ଼ ପରିଚାଳନା ପାଇଁ ୩ ଜିଲ୍ଲାକୁ ୭.୬୨ କୋଟି ମଂଜୁର କଲେ ମୁଖ୍ୟମନ୍ତ୍ରୀ, ପୁରୀ ପାଇଁ ୨ କୋଟି, ସୁବର୍ଣ୍ଣପୁର ପାଇଁ ୧ କୋଟି ଟଙ୍କା ଓ ସମ୍ବଲପୁର ଜିଲ୍ଲା ପାଇଁ ୪ କୋଟି ୬୨ ଲକ୍ଷ ମଂଜୁର କଲେ ନବୀନ
  • ||
  • ଭୁବନେଶ୍ୱର: ସାଢ଼େ ୪ଟାରେ ଘୋଷଣା କରିବେ ଅତିରିକ୍ତ ମୁଖ୍ୟ ଶାସନ ସଚିବ ଓ ଡିଜିପି
  • ||
  • ଜୁନ ପହିଲାରେ କେରଳ ଛୁଇଁବ ମୌସୁମୀ ବାୟୁ, ଭାରତୀୟ ପାଣିପାଗ କେନ୍ଦ୍ରର ସୂଚନା
  • ||
  • ଲାଞ୍ଜିଗଡ଼ରେ ଅଞ୍ଚଳରେ ହାତୀ ଉପଦ୍ରବ, ଆମ୍ବ ଗଛ ଭାଙ୍ଗିଲେ, ନର୍ସରିକୁ ନଷ୍ଟ କଲେ
  • ||
  • କଳାହାଣ୍ଡି: ବିଲ ମଝିରୁ ନାବାଳକର ମୃତଦେହ ଉଦ୍ଧାର ,ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ପଶ୍ଚିମ ବଙ୍ଗ ଯାଉଥିବା ଟ୍ରେନ୍ ପାସେଞ୍ଜରମାନଙ୍କ ପାଇଁ RTPCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • ରାଉରକେଲା: ୩୦ଟି ଗୋଦାମ ଉପରେ ପୋଲିସ ଓ ଯୋଗାଣ ବିଭାଗର ମିଳିତ ଚଡାଉ, ଖସିଲା ଆଳୁ ଓ ପିଆଜ ଦର
  • ||
  • ସୁନ୍ଦରଗଡ: ତଲସରା ଥାନା ଅନ୍ତର୍ଗତ ବଘିଆବେରନା ଗ୍ରାମ ଜଙ୍ଗଲରୁ ମହିଳାଙ୍କ ଅର୍ଦ୍ଧ ଦଗ୍ଧ ମୃତଦେହ ଉଦ୍ଧାର
  • ||
  • କରୋନାରେ ଆଖିବୁଜିଲେ ବିଶିଷ୍ଟ ନାଟ୍ୟ ପ୍ରତିଭା ନାଟ୍ୟଶ୍ରୀ ଡ. ପଞ୍ଚାନନ ମିଶ୍ର
  • ||
  • ଜଳେଶ୍ଵର : ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ଅସ୍ପଷ୍ଟ
  • ||
  • ରାଜ୍ୟ: କରୋନାରେ ଆଖିବୁଜିଲେ ୧୭ ଜଣ ସଂକ୍ରମିତ, ମୃତକଙ୍କ ସଂଖ୍ୟା ୨୧୨୧କୁ ଛୁଇଁଲା
  • ||
  • ଓଡ଼ିଶାରେ ୫ ଲକ୍ଷ ଟପିଲା କରୋନା ସଂକ୍ରମିତଙ୍କ ସଂଖ୍ୟା, ୨୪ ଘଣ୍ଟାରେ ଚିହ୍ନଟ ହେଲେ ୧୦୫୨୧ ଜଣ ଆକ୍ରାନ୍ତ
  • ||
  • ଜାମ୍ମୁ କାଶ୍ମୀର : ସୁରକ୍ଷାବାହିନୀକୁ ବଡ଼ ସଫଳତା, ୩ ଆତଙ୍କୀ ନିପାତ, ଭୟରେ ଜଣେ ଆତଙ୍କବାଦୀ କଲା ଆତ୍ମସମର୍ପଣ
  • ||
  • ଭୁବନେଶ୍ଵର : ତାତିରୁ ମିଳିଛି ସାମାନ୍ୟ ଆଶ୍ଵସ୍ତି, ଖସିଛି ପାରଦ, ୯ ଯାଏଁ କାଳବୈଶାଖୀ ସମ୍ଭାବନା
  • ||
  • ତାଳଚେର : ଅନୁଗୁଳ ତଳଗଡ଼ ଗ୍ରାମରେ ହାତୀ ଆକ୍ରମଣରେ ଜଣେ ମହିଳା ମୃତ
  • ||

ଛିଣ୍ଡୁନି କଂଗ୍ରେସ ଅଙ୍କ, ହୋଇପାରୁନି ନେତାଙ୍କ ମଧ୍ୟରେ ସହମତି

ଭୁବନେଶ୍ୱର ୧୭/୩: ଲମ୍ବୁଛି କଂଗ୍ରେସ ପ୍ରାର୍ଥୀ ଚୟନ କସରତ୍‌ । ପଶ୍ଚିମ ଓ ଦକ୍ଷିଣ ଓଡ଼ିଶାର ଅଧିକାଂଶ ସିଟ୍‌ଗୁଡିକରେ ପ୍ରାର୍ଥୀ ଚୟନରେ ସହମତି ପାଇଁ ନେତାଙ୍କୁ ବିଶେଷ କଷ୍ଟ କରିବାକୁ ପଡିନି । ହେଲେ ଉପକୂଳ ଓଡ଼ିଶାର ବହୁ ସିଟ୍‌ ପାଇଁ ଛିଣ୍ଡୁନି ପ୍ରାର୍ଥୀ ଚୟନ ଅଙ୍କ । ଗୋଟିଏ ଗୋଟିଏ ସିଟ୍‌ ପାଇଁ ଅଧିକ ଦାବିଦାର ଥିବାରୁ ନେତାଙ୍କୁ ନାକେଦମ୍‌ ହେବାକୁ ପଡୁଛି । କାହା ପାଇଁ ମହିଳା କଂଗ୍ରେସ କେନ୍ଦ୍ରୀୟ ନେତାଙ୍କ ଚାପ ତ କାହା ପାଇଁ ଯୁବକଂଗ୍ରେସର କେନ୍ଦ୍ରୀୟ ନେତାଙ୍କ ଚାପ । ସେପଟେ ହାଇକମାଣ୍ଡ୍‌ ଅଧିକରୁ ଅଧିକ ମହିଳା ପ୍ରାର୍ଥୀ ଦେବାକୁ ଦେଇଛନ୍ତି ନିର୍ଦ୍ଦେଶ । ଯାହା ଫଳରେ ସ୍କ୍ରିନିଂ କମିଟି ବୈଠକରେ ଲାଗି ରହିଛି ଟଣା ଓଟରା । ଦୁଇ ଦିନ ଧରି ନୂଆଦିଲ୍ଲୀରେ ସ୍କ୍ରିନିଂ କମିଟି ବୈଠକରେ ତର୍ଜମା ପରେ ବି ଉପକୂଳ ଓଡ଼ିଶାର କିଛି ଆସନରେ ହୋଇପାରିନି ସହମତି । ମହିଳା କଂଗ୍ରେସ ସଭାପତି ସୁମିତ୍ରା ଜେନା ଭଦ୍ରକ ବିଧାନସଭା ଆସନରୁ ଲଢିବାକୁ ଚାହୁଁଥିଲେ ମଧ୍ୟ ତାଙ୍କୁ ସେହି ସିଟ୍‌ ମିଳିପାରିବନି ବୋଲି ସ୍ପଷ୍ଟ ଭାବେ ରାଜ୍ୟ ନେତୃମଣ୍ଡଳୀ ମନା କରି ଦେଇଛନ୍ତି । ପୁରୀ ଲୋକସଭା କିମ୍ବା ପିପିଲି ବିଧାନସଭା ସିଟ୍‌ରୁ ଲଢିବାକୁ ପ୍ରସ୍ତାବ ଦେଇଛନ୍ତି । ତେବେ ଭାତହାଣ୍ଡିରୁ ଗୋଟିଏ ଭାତ ଚିପିବା ଭଳି ଇଏ ତ ଗୋଟିଏ ମାତ୍ର ଉଦାହରଣ । ସେହିପରି ବାଲେଶ୍ୱର ଜିଲ୍ଲାରେ ବାଲେଶ୍ୱର
ସଦର, ଜଳେଶ୍ୱର, ନୀଳଗିରି ଓ ରେମୁଣା ବିଧାନସଭା ଆସନ ପାଇଁ ଅଧିକ ବିବାଦ ଦେଖା ଦେଇଥିବା ବେଳେ ଭଦ୍ରକ ଜିଲ୍ଲାର ଭଦ୍ରକ ଓ ଚାନ୍ଦବାଲି ବିଧାନସଭା, ଯାଜପୁର, ଜଗତସିଂହପୁର, କେନ୍ଦ୍ରାପଡ଼ା, କଟକ, ଖୋର୍ଦ୍ଧା, ଭୁବନେଶ୍ୱର ସାଙ୍ଗଠନିକ ଜିଲ୍ଲାରେ ବିଭିନ୍ନ ବିଧାନସଭା ଆସନ ପାଇଁ ହୋଇପାରୁନି ସହମତି । ଗତକାଲି ଭଳି ଆଜି ମଧ୍ୟ ସ୍କ୍ରିନିଂ କମିଟି ବୈଠକ ସକାଳ ୯ଟା ୩୦ରୁ ଆରମ୍ଭ ହୋଇ ବିଳମ୍ବିତ ରାତି ପର୍ଯ୍ୟନ୍ତ ଚାଲିଥିଲା । ବୈଠକରେ ପିସିସି ସଭାପତି ନିରଞ୍ଜନ ପଟ୍ଟନାୟକ, ବିରୋଧୀ ଦଳ ନେତା ନରସିଂହ ମିଶ୍ର, କାର୍ଯ୍ୟକାରୀ ସଭାପତି ପ୍ରଦୀପ ମାଝି, ଚିରଞ୍ଜୀବ ବିଶ୍ୱାଳଙ୍କ ସମେତ ଓଡ଼ିଶା ପ୍ରଭାରୀ ଜିତେନ୍ଦ୍ର ସିଂହ, ଟି. ଏସ୍‌ ସିଂହଦେଓ, ସମ୍ପାଦକ ଅନିଲ୍‌ ଚୌଧୁରୀ, ସେକ୍‌ ମସ୍ତାନ ଭାଲି, ରୁଦ୍ର ରାଜୁ, ଅନିଲ ଚୌଧୁରୀ, ଯୁଗ୍ମ ସମ୍ପାଦକ ଆଦିତ୍ୟ ଶର୍ମା ପ୍ରମୁଖ ଯୋଗ ଦେଇଥିଲେ । ଆଜିର ସ୍କ୍ରିନିଂ କମିଟିରୁ ଚୂଡାନ୍ତ ପ୍ରାର୍ଥୀ ତାଲିକା ବାହାରିଲେ ଆସନ୍ତାକାଲି କେନ୍ଦ୍ରୀୟ ନିର୍ବାଚନ କମିଟି(ସିଇସି)କୁ ଦିଆଯିବ । ସିଇସିରେ ଆଲୋଚନା ପରେ ଆସନ୍ତାକାଲି ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ନିର୍ବାଚନ ହେବାକୁ ଥିବା ଲୋକସଭା ଓ ବିଧାନସଭା ସିଟଗୁଡିକର ପ୍ରାର୍ଥୀଙ୍କ ନାମ ଘୋଷଣା କରାଯିବ । ପରବର୍ତ୍ତୀ ସମୟରେ ତୃତୀୟ ଓ ଚତୁର୍ଥ ପର୍ଯ୍ୟାୟ ନିର୍ବାଚନ ହେବାକୁ ଥିବା ଲୋକସଭା ଓ ବିଧାନସଭା ସିଟ୍‌ଗୁଡିକ ପ୍ରାର୍ଥୀଙ୍କ ନାମ ଘୋଷଣା ହେବ । ତେବେ କଂଗ୍ରେସ ବିଜେପି ଓ ବିଜେଡି ପ୍ରାର୍ଥୀ ତାଲିକା ଉପରେ ନଜର ରଖିଛି । ସେମାନଙ୍କର ପ୍ରାର୍ଥୀ ତାଲିକା ଘୋଷଣା ପରେ ନିଜର ପ୍ରାର୍ଥୀ ତାଲିକା ଘୋଷଣା କରିବାକୁ ଯୋଜନା କରୁଛି । ନଚେତ୍‌ ଟିକେଟ୍‌ ପାଉନଥିବା ଆଶାୟୀମାନେ ଅସନ୍ତୁଷ୍ଟ ହୋଇ ଦଳ ଡେଇଁବାର ଆଶଙ୍କା ଥିବାରୁ ଦଳ ଏଭଳି ରଣନୀତି ଗ୍ରହଣ କରିଥିବା ସୂଚନା ମିଳିଛି । ଅପରପକ୍ଷେ କଂଗ୍ରେସର ଟିକେଟ୍‌ ଆଶାୟୀମାନେ ଦିଲ୍ଲୀରେ ଡେରା ପକାଇଛନ୍ତି । କଳେ ବଳେ କୌଶଳେ ଟିକେଟ୍‌ ହାସଲ କରିବା ପାଇଁ ସମସ୍ତ ଦମ୍‌ ଲଗାଇଥିବା ଆଶାୟୀ ନେତାମାନେ କହିଛନ୍ତି ।

ସମ୍ବନ୍ଧିତ ଖବର