କୋରାପୁଟ, ୧୩/୫: ଭୁବନେଶ୍ୱର ଜୟଦେବ ବିଧାନସଭା ଆସନର କଂଗ୍ରେସ ବିଧାୟକ ପ୍ରାର୍ଥୀ କୃଷ୍ଣଚନ୍ଦ୍ର ସଗରିଆ ଆଜି କୋରାପୁଟରେ ଭୋଟ୍ ଦେଇଛନ୍ତି। ଟାଉନ୍ ହଲ୍ ସ୍ଥିତ ଆଦର୍ଶ ମତଦାନ କେନ୍ଦ୍ରରେ ସେ ଭୋଟ୍ ଦେଇଛନ୍ତି। ପ୍ରଚାର ଛାଡି ସେ ଭୋଟ୍ ଦେବାକୁ ଆସିଛନ୍ତି। ଜିଲ୍ଲାର ସମସ୍ତ ଭୋଟରମାନଙ୍କୁ ବହୁ ସଂଖ୍ୟାରେ ଆସି ଭୋଟ୍ ଦେବାକୁ ସେ ଆହ୍ବାନ ଦେଇଛନ୍ତି। ପ୍ରକାଶ ଥାଉ ଯେ, ସେ ପୂର୍ବରୁ କୋରାପୁଟ ଆସନରୁ ବିଧାୟକ ରହି ସାରିଛନ୍ତି।
ଆଜି କୋରାପୁଟ ଲୋକସଭା ଓ ଜିଳ୍ଲାର ୫ଟି ବିଧାନସଭା ଆସନରେ ମତଦାନ ଚାଲିଛି। ବିଭିନ୍ନ ବୁଥରେ ପ୍ରାୟ ଅଧଘଣ୍ଟା ବିଳମ୍ବରେ ମତଦାନ ଆରମ୍ଭ ହୋଇଛି। ଇଭିଏମ ପରିଚାଳନାରେ ତ୍ରୁଟି ଯୋଗୁଁ ଏଭଳି ପରିସ୍ଥିତି ସୃଷ୍ଟି ହୋଇଥିଲା। ସମଗ୍ର ଜିଲ୍ଲା ସମେତ ରେଞ୍ଜରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ବର୍ତ୍ତମାନ୍ ଯାଏ କୌଣସି ସ୍ଥାନରେ କିଛି ବିଶୃଙ୍ଖଳା ପରିସ୍ଥିତି ସୃଷ୍ଟି ହୋଇନାହିଁ।