ନୂଆଦିଲ୍ଲୀ, ୨୬।୫  କଂଗ୍ରେସର ବରିଷ୍ଠ ନେତା ଏବଂ ପୂର୍ବ କେନ୍ଦ୍ର ମନ୍ତ୍ରୀ କପିଲ ଶିବଲ ଦଳ ଛାଡି  ସମାଜବାଦୀ ପାର୍ଟିର ସମର୍ଥନରେ ରାଜ୍ୟସଭା ଯିବାକୁ ନିଷ୍ପତ୍ତି ନେଇଛନ୍ତି। ସେଥିପାଇଁ ବୁଧବାର  ଲକ୍ଷ୍ନୋ ଯାଇ ନାମାଙ୍କନ ପତ୍ର ଦାଖଲ କରିଛନ୍ତି। ଏହି ଘଟଣାକୁ ନେଇ କଂଗ୍ରେସ କୌଣସି ଟିପ୍ପଣୀ ଦେଇ ନ ଥିବା ବେଳେ କିନ୍ତୁ ଭିତରେ ଭିତିରେ ଏହାକୁ ନେଇ ବିଚାରବିର୍ମଶ କରୁଛି।

ବର୍ତ୍ତମାନ ଦଳ ମହାରାଷ୍ଟ୍ରରୁ ମୁକୁଳ ବାସନିକଙ୍କୁ ରାଜ୍ୟସଭା ପଠାଇବା ପାଇଁ  ବିଚାର କରୁଥିବା ଜଣାପଡିଛି।ଯେ କି ଜି-୨୩ ର ସଦସ୍ୟ ରହିଛନ୍ତି। ମହାରାଷ୍ଟ୍ରରୁ ଅସନ୍ତୁଷ  ଗୋଷ୍ଠୀ  ଜି-୨୩ରେ ଦୁଇ ଜଣ ନେତା ସାମିଲ ଥିଲେ। ସେମାନେ ହେଲେ ପୃଥୀରାଜ ଚୌହାଣ ଏବଂ ମୁକୁଲ ବାସନିକ।  କିନ୍ତୁ କଂଗ୍ରେସ ମୁକୁଳ ବାସନିକଙ୍କୁ ରାଜ୍ୟସଭା ପଠାଇବାକୁ ଚିନ୍ତା କରୁଛି।  କପିଲ ଶିବଲ ପରେ ବର୍ତ୍ତମାନ ଅନ୍ୟ କୌଣସି  ବରିଷ୍ଠ ନେତାଙ୍କୁ କଂଗ୍ରେସ ଛାଡିବାକୁ ଚାହୁଁ ନାହିଁ।

 ଗତ କିଛି ଦିନ ଧରି କଂଗ୍ରେସର ଅସନ୍ତୁଷ୍ଟ ନେତାଙ୍କୁ ବିଭିନ୍ନ ପଦବୀ ଦେବାକୁ ଉଦ୍ୟମ କରାଯାଉଛି। ଜି-୨୩ରେ ସାମିଲ ଥିବା ସିନିୟର ନେତା ଆନନ୍ଦ ଶର୍ମା ଏବଂ ଗୁଲାମ ନବୀ ଆଜାଦଙ୍କୁ  କଂଗ୍ରେସ  ଦୁଇଟି ରାଜନୈତିକ କମିଟିରେ ସ୍ଥାନ ଦେଇଛି।  ଚିନ୍ତନ ଶିବିର ପରେ ଏହି କମିଟି ଗଠନ କରାଯାଇଛି। ଏହି କମିଟିକୁ ପାର୍ଟିରେ ସୁଧାର  ପାଇଁ ପରାମର୍ଶ ଦେବା ପାଇଁ ଦାୟିତ୍ବ ଦିଆଯାଇଛି।