PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ୨୪ ଘଣ୍ଟା ପ୍ରଚାର ବ୍ୟାନ୍ କଲେ ନିର୍ବାଚନ କମିଶନର , ନିର୍ବାଚନ ପ୍ରଚାରରେ ବିବାଦୀୟ ଭାଷଣ ପାଇଁ ଲାଗିଲା କଟକଣା
  • ||
  • ସୁଶିଲ ଚନ୍ଦ୍ରା ନୂଆ ମୁଖ୍ୟ ନିର୍ବାଚନ କମିଶନର ନିଯୁକ୍ତ
  • ||
  • ଆଜି ଭୁବନେଶ୍ୱରରୁ ୧୯୦ କରୋନା ପଜିଟିଭ ଟିହ୍ନଟ, କ୍ୱାରେଣ୍ଟାଇନ୍‌ରୁ ୩୮ ଓ ଲୋକାଲ କଣ୍ଟାକ୍ଟରୁ ୧୫୨ସଂକ୍ରମିତ
  • ||
  • ପିପିଲି ଉପନିର୍ବାଚନ ପାଇଁ ଭର୍ଚୁଆଲ ରାଲିରେ ନବୀନ ପଟ୍ଟନାୟକ କରୁଛନ୍ତି ପ୍ରଚାର , ୬ଟି ଜିଲ୍ଲା ପରିଷଦ ଜୋନ୍‌ ପାଇଁ ସିଧା ପ୍ରସାରଣ ବ୍ୟବସ୍ଥା
  • ||
  • କଟକ ଏସ୍‌ସିବିରୁ ହାଇଦର ଫେରାର ଘଟଣା – ହାଇଦର ଫେରାର ପଛରେ ତାର ପରିବାର ଲୋକଙ୍କ ହାତ ଅଛି, ମଙ୍ଗଳାବାଗ ଥାନାରେ ଏତଲା ଦେଲେ ଗ୍ୟାଙ୍ଗଷ୍ଟରକୁ ଜଗୁଥିବା ନିଲମ୍ୱିତ କନଷ୍ଟେବଲ ମହମ୍ମଦ ମୌସିମ୍,‌
  • ||
  • ଭାରତରେ ରୁଷ୍ ଟିକା ସ୍ପୁଟ୍‌ନିକ୍ –V କୁ ମଞ୍ଜୁରୀ , ବିଶେଷଜ୍ଞ କମିଟି ବୈଠକରେ ନିଆଗଲା ନିଷ୍ପତ୍ତି, ମାନବ ଦେହରେ ବ୍ୟବହାର ପାଇଁ ଅନୁମତି
  • ||
  • ବଲାଙ୍ଗୀର ଓ କଳାହାଣ୍ଡି ବିଶ୍ବବିଦ୍ୟାଳୟ ପାଇଁ ୨ ଜଣ ନୂଆ କୁଳପତିଙ୍କୁ ମିଳିଲା ନିଯୁକ୍ତି
  • ||
  • ଭୁବନେଶ୍ୱର: କ୍ୟାବିନେଟ୍ ବୈଠକରେ ୯ଟି ପ୍ରସ୍ତାବ ଉପରେ ବାଜିଲା ମୋହର
  • ||
  • ଭଞ୍ଜନଗର: ଭାଲୁ ଆକ୍ରମଣରେ ବାଘୁଆପଲ୍ଲୀ ଗ୍ରାମର ୪ ଜଣ ଗୁରୁତର ଆହତ
  • ||
  • ଢେଙ୍କାନାଳ: ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଖୋଜାଖୋଜି ପରେ ଉଦ୍ଧାର ହେଲା ମୃତହେଦ
  • ||
  • କଟକ: ନିଆଳିର ଏକ ବିଲରୁ ଏକ ମୃତଦେହ ଉଦ୍ଧାର
  • ||
  • ଗଜପତି ଜିଲ୍ଲାର ସମସ୍ତ ସୀମା ସିଲ, ବାହାରୁ ଆସୁଥିବା ଲୋକଙ୍କ ଉପରେ କଡା ନଜର
  • ||
  • ଭୁବନେଶ୍ୱର: ଆଜି ପହଞ୍ଚିବ ୨ ଲକ୍ଷ ୭୧ ହଜାର ଟିକା
  • ||
  • ଜଗନ୍ନାଥପୁର ଛକ ପୁକୁଡ଼ିବନ୍ଧ ଜଙ୍ଗସନ୍ରୁ ୯୨୦ କିଲୋ ଗଞ୍ଜେଇ ଧରିଲା ଅବକାରୀ ବିଭାଗର ସ୍ଵତନ୍ତ୍ର ୱିଙ୍ଗ, ୮ ଗିରଫ, ଟ୍ରକ୍ ଓ ମ୍ୟାକ୍ସପିକ୍ପ ଜବତ
  • ||
  • ବୀରମହାରାଜପୁର: ଚନ୍ଦଲି ରାସ୍ତା କଡ଼ରୁ ନବଜାତ ଶିଶୁ ପୁତ୍ର ଉଦ୍ଧାର, ଡାକ୍ତରଖାନାରେ ଭର୍ତ୍ତି
  • ||
  • ନୀଳଗିରି: ଅଭୟାରଣ୍ୟ ଭିତରୁ ଜଣେ ଶିକାରୀ ଗିରଫ,ମାରଣାସ୍ତ୍ର ଜବତ, ଖସିଗଲେ ୩ଜଣ ଶିକାରୀ…
  • ||
  • କଟକ: ଚାଉଳିଆଗଞ୍ଜ ଥାନାରେଆତ୍ମସମର୍ପଣ କଲା ହାଇଦର ସହଯୋଗୀ ୟାକୁବର
  • ||
  • ନୀଳଗିରି: କୂଳଡିହା ଅଭୟାରଣ୍ୟ ସୀମାନ୍ତରୁ ବିରାଟକାୟ ହରିଣ କ୍ଷତବିକ୍ଷତ ଉଦ୍ଧାର କଲେ ଗ୍ରାମବାସୀ
  • ||
  • କଟକ: ହଷ୍ଟେଲ ଭିତରେ ପଶି ନର୍ସିଂ ଛାତ୍ରୀଙ୍କୁ ତଡୁଛି ପୁଲିସ, ଏସସିବି ବିଏସି ନର୍ସିଂ କଲେଜରେ ଉତ୍ତେଜନା
  • ||
  • ନୀଳଗିରି: ଅସନବଣି ଅଞ୍ଚଳରୁ ଉଦ୍ଧାର ହେଲା ୧୫ ଫୁଟ୍ ଲମ୍ବର ଅହିରାଜ ସାପ
  • ||

କ୍ରାଇମ୍ ପଏଣ୍ଟ ପାଲଟିଛି ଷ୍ଟିଲ୍ ସିଟି: କୋଡୱାର୍ଡରେ କାରବାର, ‘ମୁର୍ଗା’ ଡେଲିଭରୀ କଲେ ୩୦୦ ବକ୍ସିସ୍‌ !

ରାଉରକେଲା,୦୪/୦୩: ରାଉରକେଲା ସ୍ମାର୍ଟ ସିଟିରେ ବିକାଶର ପ୍ରକ୍ରିୟା ତ୍ୱରାନିତ୍ୱ ହେବା ସଙ୍ଗେ ଅପରାଧର ମାତ୍ରା ମଧ୍ୟ ସେହି ଅନୁପାତରେ ବଢିବାରେ ଲାଗିଛି । କଟକ, ଭୁବନେଶ୍ୱର ପରେ ରାଉରକେଲାରେ ବଢିବାରେ ଲାଗିଛି ଅପରାଧର କ୍ରମ ଓ ସଂଖ୍ୟା । ପୁଲିସ ଫାଇଲରେ ଅପରାଧର କଳାଫର୍ଦ୍ଦ ଗୋଟିକ ପରେ ଗୋଟିଏ ଯୋଡ଼ି ହେବାରେ ଲାଗିଛି । ଛିନ୍‌ତାଇ, ଚୋରି, ଡକାୟତି ଦିନକୁ ଦିନ ବଢି ଚାଲିଥିବା ବେଳେ ଜୋର ଧରିବାରେ ଲାଗିଛି ସଟ୍ଟା,ସ୍କ୍ରାପ ଓ ଚୋରା ବିଦେଶୀ ଓ ଦେଶୀ ମଦ କାରବାର। ଏହା ସହିତ ସହରରେ ଏବେ ଡ୍ରଗ୍ସ କାରବାର ଜୋର ଧରିଛି । ଦିନ ରାତି ସହରରେ ଲୁଚାଛପାରେ ଘୁରି ବୁଲୁଛି ଡ୍ରଗ୍ସ ରୂପୀ ରାକ୍ଷସ। କୋମଳମତି ୧୫ରୁ ୨୫ ବର୍ଷ ବୟସର ପିଲାମାନଙ୍କୁ ନିଜ କବଳରେ ଜାବୁଡ଼ି ଧରୁଛି । ବହୁ ଯୁବକ ଏହି ନିଶାରେ ସହରର ବିଭିନ୍ନ ଛକରେ ଉଦ୍‌ଭ୍ରାନ୍ତ ଭଳି ଘୁରି ବୁଲୁଛନ୍ତି ।

ଧଳା ଜହରର ଚେର ବର୍ତ୍ତମାନ ରାଉରକେଲାର ବିଭିନ୍ନ ଅଞ୍ଚଳ ଯେପରି ରାଉରକେଲା ରେଳଷ୍ଟେସନ, ବସ ଷ୍ଟାଣ୍ଡ, ବିଭିନ୍ନ ହାଟ, ବଜାର, ପାନ ଦୋକାନକୁ ମାଡ଼ି ଚାଲିଛି । ଡ୍ରଗ୍ସର ଦାମ ଅହେତୁକ ଟଙ୍କା ହୋଇଥିବା ବେଳେ ଏହାକୁ ସେବନ କରିବାକୁ ଯୁବପିଢି ଏକ ପ୍ରକାର ପାଗଳ ହୋଇ ଉଠିଛନ୍ତି ! ଡ୍ରଗ୍ସ ନିଶାରେ ବହୁ ଅପରାଧିକ କାର୍ଯ୍ୟକଳାପ ବୃଦ୍ଧିପାଉଛି । ପୁଲିସ୍‌ର ନାକ ତଳେ ଚାଲୁଛି ଡ୍ରଗ୍ସ କାରବାର । ଯାହାର ଟିକେ ହେଲେ ଖୋଜ ଖବର ପାଇପାରୁନି ପୁଲିସ୍‌ ।

ଡ୍ରଗ୍ସ ମାଫିଆ ମାନେ ବାହାର ରାଜ୍ୟ ଯଥା କୋଲକାତା, ମୁମ୍ବାଇ, ଝାଡଖଣ୍ଡ ଆଦିରୁ ବହୁ ସତର୍କତା ସହିତ ରାଉରକେଲାକୁ ଡ୍ରଗ୍ସ ଆଣିବା ପରେ ଏ ଗୁଡ଼ିକୁ ଚଢାଦର (ପ୍ରତି ୧୦ ଗ୍ରାମକୁ ୧୫୦୦ ଟଙ୍କା ଆନୁମାନିକ)ରେ ବିକ୍ରି କରିବା ଲାଗି ପ୍ରଥମେ ଦଲାଲ ଖୋଜୁଥିବା ଏକ ବିଶେଷ ଅନୁସନ୍ଧାନରୁ ଜାଣିବାକୁ ମିଳିଛି । ଜଣେ ଡ୍ରଗ୍ସ ଗୋଟିଏ ଜାଗାରୁ ଅନ୍ୟ ଜାଗାକୁ ନିରାପଦରେ ପହଞ୍ଚାଇଲେ ଜଣ ପିଛା ୩୦୦ ଟଙ୍କା ବକ୍ସିସ୍‌ ରହିଛି । ମୋବାଇଲ୍‌ରେ କଥାବାର୍ତ୍ତା ବେଳେ ଡ୍ରଗ୍ସକୁ କୋଡୱାଡରେ ‘ମୁର୍ଗା’ବୋଲି ସମ୍ବୋଧନ କରାଯାଉଛି ।

ମୁର୍ଗା(ଡ୍ରଗ୍ସ) ଡେଲିଭରୀ ସରିଲାପରେ ଦଲାଲକୁ ତାର ପ୍ରାପ୍ୟ ମିଳିଯାଉଛି । ଦଲାଲ ଭାବେ କାର୍ଯ୍ୟକରୁଛନ୍ତି ସହରର କିଛି ବେକାରୀ ଯୁବକ ଓ ଯୁବତୀ । ଯୁବତୀ ମାନେ ଡ୍ରଗ୍ସ ନେଲେ କୌଣସି ସନ୍ଦେହ ଉପୁଜୁ ନଥିବା କାରଣରୁ ଡ୍ରଗ୍ସମାଫିଆଙ୍କ ଦଲାଲ ଭାବେ ଯୁବତୀମାନେ କାର୍ଯ୍ୟ କରୁଛନ୍ତି । ପରିବାରର ବୋଝ ତଥା ଆର୍ଥିକ ପରିସ୍ଥିତି ଠିକ୍‌ ନଥିବା କାରଣରୁ କିଛି ନିରୀହ ବେକାର ଯୁବକ ଯୁବତୀ ଏହି ଡ୍ରଗ୍ସ କାରବାରରେ ଦଲାଲ ଭାବେ କାର୍ଯ୍ୟ କରିବାକୁ ଏକ ପ୍ରକାର ବାଧ୍ୟ ହେଉଛନ୍ତି । ସହରର କିଛି ମନ୍ଦିର ସ୍ଥଳ,ପାର୍କ, ଡାକ୍ତରଖାନା ପରିସର ଆଦି ଜନବହୁଳ ଅଞ୍ଚଳରେ ଡ୍ରଗ୍ସ୍‌ର ଡେଲିଭରି ହେଉଛି । ପ୍ରାୟତଃ ଖରାବେଳ ସମୟରେ ଏହି କାରବାର ଜୋର ଧରୁଛି । ଡ୍ରଗ୍ସ୍‌ ଡେଲିଭରୀ ପରେ ସମ୍ପୃକ୍ତ ଯୁବକ, ଯୁବତୀ ନିଜର ପୋଷାକ ତୁରନ୍ତ ବଦଳାଇ ଘଟଣା ସ୍ଥଳରୁ ଉଭାନ ହୋଇଯାଉଛନ୍ତି । ଫଳରେ ପୁଲିସ୍‌ ପକ୍ଷରୁ ସେମାନଙ୍କୁ କାବୁ କରିବା ଅବା ଯାଞ୍ଚ କରିବା ସମ୍ଭବ ପର ହୋଇପାରୁନାହିଁ ।

ପ୍ରକାଶ ଥାଉକି ଗତ ୨୮ ତାରିଖ ଦିନ ସେକ୍ଟର-୭ ଥାନା ପୁଲିସ୍‌ ଜଣେ ଛିନ୍‌ତାଇ ଲୁଟେରାକୁ ଗିରଫ କରିଥିଲା। ନିଶାଶକ୍ତ ଅବସ୍ଥାରେ ସେ ଛିନ୍‌ତାଇ କରିଥିବା ପ୍ରକାଶ କରିଥିଲେ । ସେ ଡ୍ରଗ୍ସ ଜାଲରେ ପଡ଼ିଥିବା ବେଳେ ସ୍ଥାନୀୟ ନାଲାରୋଡ଼ରୁ ଡ୍ରଗ୍ସ ଆଣୁଥିବା ଗଣମାଧ୍ୟମ ସମ୍ମୁଖରେ କହିଥିଲେ । ଏଥିରୁ ସ୍ପଷ୍ଟ ପ୍ରମାଣିତ ହେଉଛି ଯେ, ସହରରେ ଧଳାଜହର ନିଜର କାୟା ବିସ୍ତାରେ କରିବାରେ ଲାଗିଛି ।