ଭୁବନେଶ୍ୱର କୋର୍ଟରେ କରୋନା କଟକଣା: ୩୧ ତାରିଖ ପର୍ଯ୍ୟନ୍ତ କେବଳ ଜରୁରି ଶୁଣାଣି

ଭୁବନେଶ୍ୱର ୧୭/୩: କରୋନା ମୁକାବିଲା ଭୁବନେଶ୍ୱର କୋର୍ଟ କାର୍ଯ୍ୟକୁ ଶିଥିଳ କରିଛି । ଭୁବନେଶ୍ୱର ବାର୍‌ ଆସୋସିଏସନ୍‌ର ନିଷ୍ପତ୍ତି ମୁତାବକ ଆସନ୍ତା ୩୧ ତାରିଖ ପର୍ଯ୍ୟନ୍ତ କୋର୍ଟ କାର୍ଯ୍ୟ ଆପାତତଃ କମ୍‌ ରହିବ । ଫୌଜଦାରୀ ମାମଲା ଭାବେ ଜାମିନ ଓ ଜରୁରିକାଳୀନ ମାମଲା ଗୁଡ଼ିକର ଶୁଣାଣି ହେବ । ଦେୱାନି ମାମଲାରେ ଉଭୟ ପକ୍ଷ ଉପସ୍ଥିତ ରହି ରାଜି ହେଲେ ମାମଲାର ବିଚାର ଚାଲିବ । ଏହି ସମୟ ମଧ୍ୟରେ ହାଜର, ସାକ୍ଷୀ ଓ ତାରିଖ ଆଦି କ୍ଷେତ୍ରରେ କୋର୍ଟ ସହାନଭୂତି ପ୍ରକାଶ କରିବା ଅର୍ଥାତ୍‌ ପକ୍ଷଙ୍କ ବିରୋଧରେ କୌଣସି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ ନକରିବାକୁ ବାର୍‌ ଆସୋସିଏସନ୍‌ ପକ୍ଷରୁ ଖୋର୍ଦ୍ଧା ଜିଲ୍ଲା ଜଜ୍‌ ଓ ସେସନସ୍‌ ଜଜ୍‌ଙ୍କୁ ଲିଖିତ ଅନୁରୋଧ କରାଯାଇଛି ।

ଏହାକୁ ବିଚାରପତି ଗ୍ରହଣ କରିଥିବା ଜଣାପଡ଼ିଛି । ଏହାଦ୍ୱାରା କୋର୍ଟରେ ବାଦି ଓ ପ୍ରତିବାଦୀଙ୍କ ଗହଳି କମିଯିବ । କରୋନା ସଂକ୍ରମଣ ଦୃଷ୍ଟିରୁ କୋର୍ଟ ପରିବେଶ ଏକ ସମ୍ବେଦନଶୀଳ ଅଞ୍ଚଳ ହୋଇଥିବାରୁ ସତର୍କତା ଦୃଷ୍ଟିରୁ ଏହି ନିଷ୍ପତ୍ତି ଗ୍ରହଣ କରାଯାଇଛି ବୋଲି ଭୁବନେଶ୍ୱର ବାର୍‌ ଆସୋସିଏସନ୍‌ର ସଭାପତି ବିରେନ୍ଦ୍ର କୁମାର ପଟ୍ଟନାୟକ ଓ ସମ୍ପାଦକ ବିଶ୍ୱ ନାରାୟଣ ମହାନ୍ତି କହିଛନ୍ତି । କରୋନା ସଂକ୍ରମଣରୁ ସୁରକ୍ଷା ପାଇଁ କୋର୍ଟରେ ଗହଳି କମାଇବା ଲାଗି ଭୁବନେଶ୍ୱର ବାର ପକ୍ଷରୁ ପ୍ରଚଳିତ ଏହି ନିଷ୍ପତ୍ତିକୁ ପୂର୍ବତନ ସଭାପତି ଦୁର୍ଗାମାଧବ ମିଶ୍ର ସ୍ୱାଗତ କରିଛନ୍ତି ।

   ସମ୍ବନ୍ଧିତ ଖବର


ବିଜେପିକୁ ଓବେସୀଙ୍କ କଡାପ୍ରଶ୍ନ, ବିଜେପି ଶାସିତ ୪ ରାଜ୍ୟରେ କାହିଁକି ନାହାନ୍ତି ଜଣେ ହେଲେ ମୁସଲିମ ମନ୍ତ୍ରୀ ?

ଗାଈକୁ ବଞ୍ଚାଇବାକୁ ଯାଇ ଓଲଟିଲା କାର୍, ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ହିରୋ ସୋରୁମ୍‌ ଦମ୍ପତି

ପୁଣି ଲଜ୍ଜା: ମନ୍ଦିର ପରିସରରେ ଖେଳୁଥିବା ନାବାଳିକାକୁ ପୂଜାରୀ କଲା ଦୁଷ୍କର୍ମ

ଓଡିଆ ଗୀତରେ ରାପ୍‌ ପରେ ଆଲ୍‌ବମ୍‌ ଭିଡିଓ ସୁଟିଂରେ ବ୍ୟସ୍ତ ସୁର ଭାଇନା: କୁଆଖିଆ ନଦୀ ପଠାରେ ଚାଲିଛି ମ୍ୟୁଜିକ୍‌ ଭିଡିଓ ସୁଟିଂ

ମିଗ୍-୨୯କେ ଟ୍ରେନର ବିମାନ ଦୁର୍ଘଟଣାଗ୍ରସ୍ତ, ପାଇଲଟ୍ ନିଖୋଜ

କଥା ଦେଇ କଥା ରଖିଲେ ସରକାର: ସାମ୍ବାଦିକଙ୍କ ପାଇଁ ମେଗା ଯୋଜନ; ମୃତ୍ୟୁ ହେଲେ ପରିବାରକୁ ୪ ଲକ୍ଷ, ଗୃହ ଋଣ ସହ ପିଲାଙ୍କୁ ପଢ଼ା ଖର୍ଚ୍ଚ ଦେବେ