ଭୁବନେଶ୍ୱର ୧୨-୦୩ : କରୋନାକୁ ନେଇ ଦେଶ ସାରା ଭୟଙ୍କର ସ୍ଥିତି ଉପୁଜିଥିବା ବେଳେ ଏବେ ନୟାଗଡ଼ରୁ ଏକ ଖବର ସାମନାକୁ ଆସିଛି । ଜଣେ କରୋନା ସନ୍ଦିଗ୍ଧକୁ ଚିହ୍ନଟ କରାଯାଇଛି। ।
ସୂଚନା ମୁତାବକ , ନୟାଗଡ ଜିଲ୍ଲାରୁ ପ୍ରଥମ କରୋନା ସନ୍ଦିଗ୍ଧ ଚିହ୍ନଟ କରାଯାଇଛି । ସନ୍ଦିଗ୍ଧ ହେଲେ ଫତେଗଡ ଥାନା ଅଂଚଳର । ଗତ ଦୁଇଦିନ ତଳେ ସେ ତାମିଲନାଡୁ ରୁ ଗାଁକୁ ଫେରିଥିଲେ । ଅଧିକ ପରୀକ୍ଷା ପାଇଁ ତାଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି।
ଉଲ୍ଲେଖନୀୟଯେ ,ଭାରତରେ କରୋନା ଭାଇରସ ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇ ୭୩ ହୋଇସାରିଛି । ସ୍ୱାସ୍ଥ୍ୟ ମନ୍ତ୍ରାଳୟ ଏନେଇ ସୂଚନା ଦେଇଛି । କେରଳ, ମହାରାଷ୍ଟ୍ର ଓ ଉତ୍ତର ପ୍ରଦେଶରେ ସବୁଠାରୁ ଅଧକ ମାମଲା ସାମ୍ନାକୁ ଆସିଛି । ସମୁଦାୟ ୭୩ ମାମଲାରେ ୫୬ ଭାରତୀୟ ନାଗରିକ ଓ ୧୭ ବିଦେଶୀ ଅଛନ୍ତି । ଏହା ମଧ୍ୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ କରୋନା ଭାଇରସକୁ ମହାମାରୀ ଘୋଷଣା କରିଛି।
ଦିଲ୍ଲୀ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି କି ୩୧ ମାର୍ଚ୍ଚ ପର୍ଯ୍ୟନ୍ତ ସିନେମା ହଲ୍ ବନ୍ଦ ରହିବ । ଏହା ବ୍ୟତୀତ ଯେଉଁ ସ୍କୁଲ-କଲେଜରେ ପରୀକ୍ଷା ନାହିଁ ସେଗୁଡିକୁ ମଧ୍ୟ ବନ୍ଦ ରଖାଯିବ ।