ନୂଆଦିଲ୍ଲୀ ୨୯/୩: ଲକ୍ଡାଉନ୍ କାରଣରୁ ଅନେକ ବିବାହ ଉତ୍ସବକୁ ସ୍ଥଗିତ ରଖାଯାଇଛି । ଏପରିସ୍ଥଳେ ଧାର୍ଯ୍ୟ ତାରିଖରେ ବିବାହ କରିବା ଜିଦ୍ରେ ଉତ୍ତରପ୍ରଦେଶର ଜଣେ ୨୨ ବର୍ଷୀୟ ଯୁବକ ବର ବେଶରେ ବାଇକ୍ ଧରି ନିଜ ଭାବୀ ଶ୍ୱଶୁର ଘରେ ପହଞ୍ଚିଛନ୍ତି । ବାପା ଏବଂ ୨ ଜଣ ବନ୍ଧୁଙ୍କୁ ନେଇ ଯୁବକ ଜଣକ କୋଟୱାଲି ଗ୍ରାମରେ ଥିବା ଶ୍ୱଶୁର ଘରେ ପହଞ୍ଚି ବିବାହ କରିଛନ୍ତି ଏବଂ ବିବାହ ପରେ ପତ୍ନୀଙ୍କୁ ବାଇକ୍ ଯୋଗେ ନିଜ ଘରକୁ ଆଣିଛନ୍ତି ।
୧୮ ମାସ ପୂର୍ବରୁ ତାଙ୍କ ନିର୍ବନ୍ଧ ହୋଇଥିଲେ ମଧ୍ୟ ବଭିନ୍ନ କାରଣରୁ ତାଙ୍କ ବାହାଘର ଘୁଞ୍ଚିବାରେ ଲାଗିଥିଲା । ଫଳରେ ବିବାହକୁ ଆଉ ବିଳମ୍ବିତ ନ କରିବା ପାଇଁ ସେ ଏହି ପଦକ୍ଷେପ ନେଇଥିଲେ । ସଚେତନତା ଦୃଷ୍ଟିରୁ ବିବାହ ସମୟରେ ବର କନ୍ୟା ସମେତ ସେଠାରେ ଉପସ୍ଥିତ ଥିବା ଅନ୍ୟାନ୍ୟ ଲୋକ ମଧ୍ୟ ମାସ୍କ ପିନ୍ଧିବା ସହ ବାରମ୍ବାର ସାନିଟାଇଜର ବ୍ୟବହାର କରୁଥିଲେ । କିଛିଦିନ ପୂର୍ବରୁ ଲକ୍ଡାଉନ୍ ନିମନ୍ତେ ହାରଦୋଇ ଜିଲ୍ଲାର ମୁସଲମାନ ଦମ୍ପତି ଭିଡିଓ କନ୍ଫରେନ୍ସିଂ ଜରିଆରେ ବିବାହ କରିଥିଲେ