PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓଡ଼ିଶା: ସୋମବାରରୁ ଶୁକ୍ରବାର ଦୈନିକ ସକାଳେ ମିଳୁଥିବା ମହଲତ କମିଲା ଏଣିକି ଦୈନିକ ୬ ଘଣ୍ଟା ବଦଳରେ ୪ ଘଣ୍ଟାକୁ ଖସିଲା କୋହଳ
  • ||
  • ବାହାଘରରେ ସର୍ବାଧିକ ୨୫ ଜଣ ସାମିଲ ହୋଇପାରିବେ
  • ||
  • ଓଡିଶାରେ ବଢିଲା ଲକଡାଉନ୍ ଅବଧି, ଜୁନ ୧ ଯାଏଁ ଜାରି ରହିବ କଟକଣା
  • ||
  • ଯଶିପୁର ନିର୍ବାଚନୀ ମଣ୍ଡଳୀର ପୂର୍ବତନ ବିଧାୟକ କମଳାକାନ୍ତ ନାୟକଙ୍କ ଚିକିତ୍ସାଧିନ ଅବସ୍ଥାରେ କେନ୍ଦୁଝର ମେଡିକାଲରେ ପରଲୋକ
  • ||
  • ସଇଁତଳା: ଟ୍ରେନ ଆଗକୁ ଡେଇଁ ଯୁବକଙ୍କ ଆତ୍ମହତ୍ୟା
  • ||
  • ଭୁବନେଶ୍ୱର : ଓଡ଼ିଶାରେ ସଂକ୍ରମଣ କମୁଛି, ମୃତ୍ୟୁ ବଢୁଛି, ୨୪ ଘଣ୍ଟାରେ ୨୨ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୨୩୫୭କୁ ବୃଦ୍ଧି
  • ||
  • ଓଡ଼ିଶାରେ ସଂକ୍ରମଣ କମୁଛି, ମୃତ୍ୟୁ ବଢୁଛି: ୨୪ ଘଣ୍ଟା ମଧ୍ୟରେ ୧୦ ହଜାର ୩୨୧ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୨୨ ଜୀବନ ନେଲା କରୋନା
  • ||
  • ପୁରୀ : ସମ୍‌ ସହଯୋଗରେ ପୁରୀରେ ଖୋଲିବ ସ୍ୱତନ୍ତ୍ର କୋଭିଡ୍‌ ହସ୍ପିଟାଲ୍‌, ୧୯ରୁ ସେବା ଆରମ୍ଭ
  • ||
  • ଭୁବନେଶ୍ୱର : ପୁଣି ଉପରମୁହାଁ ପାରଦ, ତାତିରେ ଛଟପଟ ଜନଜୀବନ, ଆହୁରି ୪ ଦିନ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ନୂଆଦିଲ୍ଲୀ : ବ୍ରହ୍ମ ମୁହୂର୍ତ୍ତରେ ଖୋଲିଲା ବଦ୍ରିନାଥଙ୍କ ଧାମ, ବିନା ଶ୍ରଦ୍ଧାଳୁରେ ହେଲା ଦ୍ଵାର ଫିଟା ନୀତି
  • ||

ପ୍ରେମୀ ଯୁଗଳଙ୍କ ଆତ୍ମହତ୍ୟା, କାରଣ ଅସ୍ପଷ୍ଟ

source:http://301-joweb.newscyclecloud.com

ଉମରକୋଟ,୯ା୩(ଆପ୍ର): ଆତ୍ମହତ୍ୟା କରିଛନ୍ତି ପ୍ରେମୀଯୁଗଳ । ପ୍ରେମିକାଙ୍କ ଘରୁ ଉଦ୍ଧାର ହୋଇଛି ଉଭୟଙ୍କ ଝୁଲନ୍ତା ମୃତଦେହ । ଆତ୍ମହତ୍ୟାର ପ୍ରକୃତ କାରଣ ଜଣାପଡ଼ିିନି । ପ୍ରେମକୁ ସାମାଜିକ ସ୍ୱୀକୃତି ନମିଳିବାର ଭୟ ହୁଏତ ସେମାନଙ୍କୁ ଏଭଳି ରାସ୍ତା ବାଛିବା ଲାଗି ବାଧ୍ୟ କଲା ବୋଲି ଚର୍ଚ୍ଚା ହେଉଛି । ଏଭଳି ଅଭାବନୀୟ ଘଟଣା ଘଟିଛି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ୍‌ ହୀରାପୁର ପଞ୍ଚାୟତର ନୂଆଗୁଡ଼ା ଗାଁରେ । ମୃତ ପ୍ରେମୀଯୁଗଳ ହେଲେ ସନପତ ଭତ୍ରା(୨୧) ଓ ଭଗବତୀ କଲାର(୧୯) । ଏହି ଖବର ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳାଇ ଦେଇଛି । ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ପୁଲିସ୍‌ । ଘଟଣାର ତଦନ୍ତ ଜାରି ରହିଛି ।
ମୃତ ପ୍ରେମୀଯୁଗଳଙ୍କ ପରିବାର ଲୋକେ କହିଛନ୍ତି, ସେମାନେ ପରସ୍ପରକୁ ଏଭଳି ଭଲ ପାଆନ୍ତି ବୋଲି ଆଗରୁ କିଛି ହେଲେ ଜାଣି ନହାନ୍ତି । ସନପତ କିମ୍ବା ଭଗବତୀ କେହି ହେଲେ ସେମାନଙ୍କୁ ଏ ସମ୍ପର୍କରେ ଜଣାଇ ନଥିଲେ । ଶୁକ୍ରବାର ଭଗବତୀଙ୍କ ବାପା ତୁଳାରାମ କଲାର ପାଖ ଗାଁକୁ ଯାତ୍ରା ଦେଖିବାକୁ ଯାଇଥିଲେ । ଆଜି ସକାଳ ପ୍ରାୟ ୮ଟା ବେଳେ ଫେରିଥିଲେ ଘରକୁ । ସେତେବେଳେ ଭିତରପଟୁ ବନ୍ଦ ରହିଥିଲା କବାଟ । କବାଟ ବାଡ଼େଇ ଡାକିଥିଲେ ଝିଅକୁ । ହେଲେ କୌଣସି ଉତ୍ତର ମିଳିନଥିଲା । ବ୍ୟତିବ୍ୟସ୍ତ ହୋଇ ତୁଳାରାମ ପଡୋଶୀଙ୍କୁ ଡାକି ଘର କବାଟ ଭାଙ୍ଗିଥିଲେ । ଭିତରକୁ ପଶି ଦେଖିବା ବେଳକୁ ଭଗବତୀ ଏବଂ ସନପତଙ୍କ ଶବ ଘର ଦୁଲାମରୁ ଝୁଲୁଥିଲା । ଜଣେ ବେକରେ ଶାଢୀ ଦେଇ ଆତ୍ମହତ୍ୟା କରିଥିବା ବେଳେ ଅନ୍ୟଜଣେ ବେକରେ ଲଗାଇ ଦେଇଥିଲେ ଗାମୁଛା ।

ସଙ୍ଗେ ସଙ୍ଗେ ହୀରାପୁର ସରପଞ୍ଚ କାମସିଂ ମାଝୀଙ୍କ ସହାୟତାରେ ଖବର ଦିଆଯାଇଥିଲା ଉମରକୋଟ ପୁଲିସ୍‌କୁ । ପରିବାର ପକ୍ଷରୁ ଥାନାରେ ଏତଲା ଦିଆଯାଇଥିଲା । ଆଇଆଇସି ଉମେଶ ସାହୁ ସେଠାରେ ପହଞ୍ଚି ମାଜିଷ୍ଟ୍ରେଟ୍‌ ଦାୟିତ୍ୱରେ ଥିବା ତହସିଲଦାର ଧରମରାଜ ମାଝୀଙ୍କ ଉପସ୍ଥିତିରେ ପ୍ରେମୀଯୁଗଳଙ୍କ ଶବ ଉଦ୍ଧାର କରିଥିଲେ । ପରେ ଶବଗୁଡ଼ିିକୁ ବ୍ୟବଚ୍ଛେଦ ଲାଗି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଥିଲା ।
ପୁଲିସ୍‌ର ପ୍ରାଥମିକ ତଦନ୍ତରୁ ଜଣାପଡିଛି, ଭଗବାତୀ ଥିଲେ ମାଆ ଛେଉଣ୍ଡ । ବଡ଼ଭଉଣୀ ବାହା ହୋଇ ଶାଶୂଘରକୁ ଯିବା ପରେ ଘରେ ରହୁଥିଲେ ତୁଳାରାମ ଓ ଭଗବତୀ । ଶୁକ୍ରବାର ତୁଳାରାମ ଯାତ୍ରା ଦେଖି ଯାଇଥିବା ବେଳେ ଘରେ ଏକାକି ଥିଲେ ଭଗବତୀ । ଏହାର ସୁଯୋଗ ନେଇ ଭଗବତୀଙ୍କ ଘରକୁ ସନପତ ଆସିଥିବା ପୁଲିସ ସନ୍ଦେହ କରୁଛି । ଦୁହେଁ ଭିନ୍ନ ଭିନ୍ନ ଜାତିର ଥିଲେ । ଭଗବତୀ ଉଚ୍ଚଜାତିର ଥିବା ବେଳେ ସନପତ ଥିଲେ ଆଦିବାସୀ ସଂପ୍ରଦାୟର । ସେମାନଙ୍କ ପ୍ରେମକୁ ହୁଏତ ସମାଜ ସ୍ୱୀକୃତି ଦେଇନପାରେ ଭାବି ଉଭୟ ଏଭଳି ନିଷ୍ପତ୍ତି ନେଇଥାଇପାରନ୍ତି ବୋଲି ସ୍ଥାନୀୟ ଲୋକେ ଏବଂ ପୁଲିସ୍‌ ସନ୍ଦେହ କରିଛନ୍ତି ।
ସୂଚନା ଥାଉକି, ୫ ଦିନ ତଳେ ଅନୁରୂପ ଘଟଣା ଘଟିଥିଲା ଡାବୁଗାଁ ଥାନା ଝରିଗାଁ ବ୍ଲକ୍‌ ଟାଙ୍ଗିଣୀ ଗାଁରେ । ପ୍ରେମକୁ ସାମାଜିକ ସ୍ୱୀକୃତି ନମିଳିପାରେ ଭୟରେ ଗଛରେ ଗୋଟିଏ ଲୁଗାରେ ଆତ୍ମହତ୍ୟା କରିଥିଲେ ଗାଁର ସୁନାଧର ଜାନୀ(୨୦) ଓ କୁମାରୀ ଜାନୀ(୨୨) । ଉଭୟ ଥିଲେ ଦୂର ସମ୍ପର୍କୀୟ ଭାଇଭଉଣୀ । କୁମାରୀ ଥିଲେ ସୁନାଧରଙ୍କଠାରୁ ବଡ଼ ।