ହୃଦଘାତରେ ଆଖି ବୁଜିଲେ ମୃତ ଡାକ୍ତରଙ୍କ ସଂପର୍କୀୟ ଭାଇ

ସମ୍ବଲପୁର,୧୫/୦୮: ସହରର ଷ୍ଟେସନପଡାରେ କଣ୍ଟେନ୍‌ମେଣ୍ଟ ଜୋନ୍‌ ହଟାଇବା ଦାବିରେଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି । ଗତକାଲି ଏହି ପଡାରେ ଅଧିବାସୀ ଜଣେ ଡାକ୍ତରଙ୍କ କରୋନାରେ ଗତକାଲି ମୃତ୍ୟୁ ହେବା ପରେ ଆଜି ପୁଣି ସଂପୃକ୍ତ ଡାକ୍ତରଙ୍କ ସଂପର୍କୀୟ ଭାଇ କିଶୋର ମୁଗୁରି ହୃଦଘାତରେ ଆଖି ବୁଜିଛନ୍ତି । କିଶୋର ହେଉଛନ୍ତି ମୃତ ଡାକ୍ତରଙ୍କ ପିଉସୀ ପୁଅ ଭାଇ । ତାଙ୍କର ଗୋଟିଏ ପୁଅ ଏବଂ ଦୁଇ ଝିଅ ଥିବା ଜଣାପଡିଛି । ପଡାରେ କଣ୍ଟେନ୍‌ମେଣ୍ଟ କଟକଣା ଲାଗିଥିବାରୁ ଲୋକେ ଡାକ୍ତରଖାନା ମଧ୍ୟ ଯାଇପାରୁନାହାନ୍ତି, କାମ ନପାଇ ଭୋକ ଉପାସରେ ରହୁଛନ୍ତି ବୋଲି ପଡାବାସୀ ପ୍ରତିକ୍ରିୟାଶୀଳ ହୋଇ ପାଟିତୁଣ୍ଡ କରିବା ପରେ ଶେଷରେ ପଡାରୁ କଣ୍ଟେନ୍‌ମେଣ୍ଟ ହଟାଇ ଦିଆଯାଇଥିବା ସୂଚନାରହିଛି ।

ଉଲ୍ଲେଖଯୋଗ୍ୟ, ସହରର ଷ୍ଟେସନପଡାରେ ପ୍ରାୟ ୨୭୦ରୁ ଊଧ୍ୱର୍ ତଥା ସର୍ବାଧିକ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ପଡାରୁ ପ୍ରଥମ ରୋଗୀ ଚିହ୍ନଟ ହେଉ ହେଉ ପଡାକୁ କଣ୍ଟେନମେଣ୍ଟ ଜୋନ୍‌ ଘୋଷଣା କରାଯାଇଥିଲା । ଅନ୍ୟପଟେ ଏହା ଭିତରେ ପଡାରୁ କରୋନାରେ ଡାକ୍ତର କୁଳମଣି ସୁନାଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ ୮ ଦିନ ତଳେ ଡା. ସୁନାଙ୍କ ମା’ଙ୍କ ବି କୋଭିଡ୍‌ ହସ୍ପିଟାଲ୍‌ରେ ହିଁ ମୃତ୍ୟୁ ହୋଇଥିଲା । ତେବେ ଗୋଟିଏ ପରିବାରର ଦୁଇ ଜଣକଙ୍କ କ୍ରମାଗତ ଭାବେ ମୃତ୍ୟୁ ହେବା ପରେ କିଶୋର ମଧ୍ୟ ମାନସିକ ସ୍ତରରେ ଭାଙ୍ଗି ପଡିଥିଲେ ।

ଆଜି ସକାଳେ ସେ ହଠାତ୍‌ ଅସୁସ୍ଥ ଅନୁଭବ କରିବା ପରେ ତାଙ୍କୁ ଅଟୋରେ ଡାକ୍ତରଖାନା ନିଆଯାଇଥିଲା । ତେବେ ପଡାରେ କଣ୍ଟେନମେଣ୍ଟ ଜୋନ୍‌ ଯୋଗୁଁ ବାଡ ବନ୍ଧା ହୋଇଥିବାରୁ ହସ୍ପିଟାଲ୍‌ ନେବାରେ ବି ବିଳମ୍ବ ହୋଇଥିଲା । ବୁର୍ଲାରେ ତାଙ୍କର ପରଲୋକ ହେବା ଜାଣିବା ପରେ ପଡାବାସୀ ପ୍ରତିକ୍ରିୟାଶୀଳ ହୋଇ ଉଠିଥିଲେ । ତୁରନ୍ତ କଣ୍ଟେନ୍‌ମେଣ୍ଟ ହଟାଯାଉ, ନଚେତ୍‌ ଆମେ ସବୁ ବାଡବତା ଭାଙ୍ଗିଦେବୁ ବୋଲି ପାଟି କରିଥିଲେ । କଣ୍ଟେନମେଣ୍ଟ ପରଠୁ ଆମେ ଜୀବିକା ହରା ହୋଇ ବହୁ ଅସୁବିଧାରେ ଦିନ କାଟୁଛୁ । ଏବେ ଆଉ ଖାଇବାକୁ ବି କିଛି ନାହିଁ । ଅନ୍ୟପଟେ ଡାକ୍ତରଖାନାକୁ ବି ଲୋକେ ଯାଇପାରୁନାହାନ୍ତି ବୋଲି ଲୋକେ ପ୍ରତିକ୍ରିୟା ରଖିଥିଲେ । ଘଟଣା ସ୍ଥଳରେ ବରିଷ୍ଠ ପ୍ରଶାସନିକ ଅଧିକାରୀ ଓ ପୁଲିସ ଅଧିକାରୀ ପହଞ୍ଚିଥିଲେ । ଅପ୍ରୀତିକର ପରିସ୍ଥିତିକୁ ଏଡାଇବା ପାଇଁ ଫୋର୍ସ ମଧ୍ୟ ମୁତୟନ ହୋଇଥିଲେ । ଶେଷରେ ପଡାବାସୀଙ୍କ ଦାବି ଅନୁସାରେ ଆଜି ପ୍ରଶାସନ ପକ୍ଷରୁ ଷ୍ଟେସନପଡାରୁ କଣ୍ଟେନମେଣ୍ଟକୁ ହଟାଇ ଦିଆଯାଇଥିବା ସୂଚନା ରହିଛି ।

   ସମ୍ବନ୍ଧିତ ଖବର


ରାଜ୍ୟରେ କରୋନା ନେଲା ଆଉ ୧୨ ମୁଣ୍ଡ: ମୃତକଙ୍କ ସଂଖ୍ୟା ୧୭୩୦କୁ ବୃଦ୍ଧି

୨୪ଘଣ୍ଟା ଆଉ ୫୫୦ ନୂଆ କରୋନା ପଜିଟିଭ ଚିହ୍ନଟ୍, ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୧୭ହଜାର ୭୮୯କୁ ବୃଦ୍ଧି

ଅବକାରୀ ଗୁଇନ୍ଦା ପଞ୍ଝାରେ ନିଶା ବେପାରୀ, ୪ ଲକ୍ଷ ଟଙ୍କାର ବ୍ରାଉନ୍‌ସୁଗର୍‌ ଜବତ

ଡିସେମ୍ବର ପହିଲାରୁ ଖୋଲିବ ରାଜ୍ୟର ସମସ୍ତ ମେଡିକାଲ କଲେଜ

ଚାଉଳ ଡବାରୁ ମିଳିଲା ଚାରି ଲକ୍ଷ, ଟଙ୍କା ଚୋରି ଅଭିଯୋଗରେ ଜଣେ ଗିରଫ

ଆଜି ଶ୍ରୀମନ୍ଦିରରେ ମହାପ୍ରଭୁଙ୍କ ତ୍ରିବିକ୍ରମ ବେଶ