ପୁଣି ପାକିସ୍ତାନୀଙ୍କ ନୀଚ କାର୍ଯ୍ୟକଳାପ,ସିଆରପିଏଫ୍ ହେଲପ୍ ଲାଇନ ନମ୍ବରକୁ ଫୋନ୍ କରି ଖରାପ ଭାଷାରେ କରୁଛନ୍ତି ଗାଳି

ନୂଆଦିଲ୍ଲୀ,୨୦।୮: ଜମ୍ମୁ-କଶ୍ମୀରରୁ ଧାରା ୩୭୦ ଉଚ୍ଛେଦ ପରେ ପାକିସ୍ତାନ ସତେ ଯେପରି ଆଉ ସହି ପାରୁନି। ପାକିସ୍ତାନ ସରକାରଙ୍କ ଠାରୁ ନେଇ ଆତଙ୍କବାଦୀ ହୁଅନ୍ତୁ କିମ୍ବା ସାଧାରଣ ଲୋକ,ସମେସ୍ତ ଯେପରି ମୋଦି ସରକାରଙ୍କ କଡା ନିଷ୍ପତ୍ତିରେ ହୋଇପଡିଛି ଅସହ୍ୟ। ଏବେ କୌଣସି ନା କୌଣସି ବାଟରେ ଭାରତ ପ୍ରତି ପ୍ରତିଶୋଧ ପରାୟଣ ହୋଇପଡିଛନ୍ତି ପାକିସ୍ତାନୀମାନେ। ସିଆରପିଏଫ୍ ପକ୍ଷରୁ କଶ୍ମୀରର ସାଧାରଣ ଲୋକଙ୍କ ସହାୟତା ପାଇଁ ହେଲପଲାଇପ୍ (ମଦଦଗାର) ନମ୍ବରରେ ପାକିସ୍ତାନୀମାନେ ନିଜର ରାଗ ସୁଝାଇବାକୁ ଯାଇ ଖରାପ ଭାଷାରେ ଗାଳିଗୁଲଜ କରୁଛନ୍ତି ବୋଲି ଖବର ମିଳିଛି।

ହେଲପଲାଇନ୍ ନମ୍ବରରେ ୭,୦୭୧ ଫୋନ୍ କଲ୍ ଗତ ୧୧ ତାରିଖରୁ ୧୬ ତାରିଖ ମଧ୍ୟରେ ଆସିସାରିଛି ଯାହାଭିତରେ ୧୭୧ଟି ଫୋନ କଲ୍ ଭାରତ ବାହାରର ବୋଲି ଜଣାପଡିଛି। ଲୋକମାନେ ହେଲପଲାଇନରେ ଫୋନ୍ କରି ନିଜର ପରିବାର ଓ ସମ୍ପର୍କୀୟଙ୍କ ସୁବିଧା ଅସୁବିଧା ପଚାରି ବୁଝିବାକୁ ଏହାକୁ ଲାଗୁ କରାଯାଇଥିଲା। କିନ୍ତୁ ଏଥିକୁ ପାକିସ୍ତାର କିଛି ଲୋକ ଫୋନ୍  କରି ସୁରକ୍ଷାକର୍ମୀଙ୍କୁ ଅତି ଖରାପ ଭାଷାରେ ଗାଳି ଗୁଲଜ କରୁଛନ୍ତି। ଏହି ହେଲପଲାଇନ୍ ନମ୍ବରରେ ସୁରକ୍ଷାକର୍ମୀଙ୍କ ପରିବାର ପକ୍ଷରୁ ୨,୭୦୦ଫୋନ୍ କଲ୍ ଆସିଥିବା ବେଳେ କଶ୍ମୀର ବାହାରେ ରହୁଥିବା ଲୋକ ୨୪୪୮ ଟି ଫୋନ୍ କଲ୍ ଏବଂ ଅଣ-କଶ୍ମୀର ଲୋକ ଭଲମନ୍ଦ ଖବର ବୁଝିବାକୁ  କଶ୍ମୀର ଲୋକଙ୍କୁ ୧୭୫୨ ଟି ଫୋନ୍ କଲ କରିଛନ୍ତି।

ଟୋଲ ଫ୍ରି ନମ୍ବର ୧୪୪୧୧କୁ ସାଉଦି ଆରବରୁ ୪୫ଟି ଫୋନ୍ କଲ୍ ଆସିଛି। ମୋଟ ୨୨ଟି ଦେଶରୁ କଶ୍ମୀରକୁ ନିଜ ନିଜ ଲୋକଙ୍କ ବିଷୟରେ ବୁଝିବାକୁ ଫୋନ୍ କଲ ଆସିଛି। ଏହା ମଧ୍ୟରେ ୩୯ଟି ୟୁଏଇରୁ,୧୨ଟି କୁଏତରୁ,୮ଟି  ଇସ୍ରାଏଲ, ମାଲେସିଆ, ୭ଟି ୟୁକେ, ସିଙ୍ଗାପୁର ଓ ବାଂଲାଦେଶରୁ ଫୋନ୍ କଲ୍ ଆସିଥିଲା। ୩ଟି ଫୋନ୍ କଲ୍ କାନାଡା, ବହରିନ, ଜର୍ମାନୀ, ଫିଲିପାଇନ୍ସ ଓ ଥାଇଲାଣ୍ଡରୁ ଆସିଥିଲା। ସେଭଳି ଦୁଇଟି ଫୋନ୍ କଲ୍ ଓମାନ, ଫ୍ରାନ୍ସ ଏବଂ ବେଲଜିୟମରୁ ଆସିଥଇଲା। ଚୀନ ଏବଂ କତରରୁ ଗୋଟିଏ ଲେଖାଏଁ ଫୋନ୍ କଲ ଆସିଥିଲା।

   ସମ୍ବନ୍ଧିତ ଖବର


ABP CVoterର ରିପୋର୍ଟ: ବିହାରରେ ସରକାର ଗଢ଼ିବ କିଏ? ଜନତାଙ୍କ ନଜରରେ ଏହି ନେତା ହେବେ ମୁଖ୍ୟମନ୍ତ୍ରୀ

ମୋ ସିନ୍ଦୂର ମୋର – ସ୍ୱାମୀଙ୍କ ପ୍ରେମିକାଙ୍କୁ ଛୁରୀରେ ଆକ୍ରମଣ କଲେ ମହିଳା !

ବିହାର ରାଜନୀତି: ଆଶାୟୀ ବିଧାୟକ ପ୍ରାର୍ଥୀ ଶ୍ରୀନାରାୟଣଙ୍କୁ ଗୁଳିକରି ହତ୍ୟା, ତାଙ୍କ ନାମରେ ଥିଲା ଅପରାଧିକ ମାମଲା

ଆମେରିକାରେ ସମସ୍ତଙ୍କୁ ମାଗଣା କୋରନା ଟିକା ଦେବା ପାଇଁ ଘୋଷଣା କଲେ ରାଷ୍ଟ୍ରପତି ପ୍ରାର୍ଥୀ ବିଡେନ୍‌

ଆଣ୍ଡ୍ରଏଡ୍‌ ୟୁଜର୍ସ ସାବଧାନ, ଭୁଲରେ ବି ଡାଉନଲୋଡ କରନ୍ତୁ ନାହିଁ ଏହି ୧୯ ଆପ୍ସ

ଟ୍ରାଫିକ୍ କନଷ୍ଟେବଳଙ୍କୁ ମାଡ଼ ମାରିଲେ ମହିଳା , ଭିଡ଼ିଓ ଭାଇରାଲ