UAE ଗସ୍ତ କରିବା ପୂର୍ବରୁ CSKର ୬ ଦିନିକିଆ ଅଭ୍ୟାସ ଶିବିର: ୧୫ ତାରିଖରୁ ମଇଦାନକୁ ଓହ୍ଲାଇବ ଧୋନୀ ବାହିନୀ

ଚେନ୍ନାଇ,୧୩/୦୮: ୟୁଏଇ ଗସ୍ତ କରିବା ପୂର୍ବରୁ ଚେନ୍ନାଇ ସୁପର କିଙ୍ଗ୍‌ସର ୬ ଦିନିକିଆ ଅଭ୍ୟାସ ଶିବିର ଚେନ୍ନାଇରେ ଆୟୋଜିତ ହେବାକୁ ଯାଉଛି । ଏହା ୧୫ ତାରିଖରୁ ଆରମ୍ଭ ହୋଇ ୨୦ ତାରିଖରେ ଶେଷ ହେବ । କିନ୍ତୁ ଏହି ଶିବିରରେ ଯୋଗ ଦେବେ ନାହିଁ ଅଲରାଉଣ୍ଡର ରବିନ୍ଦ୍ର ଜାଡେଜା ।

ଏ ବିଷୟରେ ସୁପର କିଙ୍ଗ୍‌ସର ସିଇଓ କାଶି ବିଶ୍ୱନାଥନ କହିଛନ୍ତି, ଅଭ୍ୟାସ ଶିବିରରେ ଜାଡେଜା ଯୋଗ ଦେବେ ନାହିଁ । ମାତ୍ର ଦଳ ୟୁଏଇ ଯାତ୍ରା କରିବା ପୂର୍ବରୁ ସେ ଚେନ୍ନାଇରେ ଆସି ପହଞ୍ଚିଯିବେ ।’ ଆସନ୍ତା ୨୧ ତାରିଖରେ ସୁପର କିଙ୍ଗ୍‌ସ ୟୁଏଇ ଯାତ୍ରା କରିବ ।

ଅଧିନାୟକ ମହେନ୍ଦ୍ର ସିଂହ ଧୋନି ଏହି ଶିବିର ଆୟୋଜନ ନେଇ ପରାମର୍ଶ ଦେଇଥିଲେ । ଫଳରେ ଦଳ ୟୁଏଇ ଯାତ୍ରା କରିବା ପୂର୍ବରୁ ଅଳ୍ପ ଦିନ ପାଇଁ ଏକ ଅଭ୍ୟାସ ଶିବିର ଆୟୋଜନ କରାଯାଇଛି । ଧୋନି, ସୁରେଶ ରାଇନା, ହରଭଜନ ସିଂହ ଓ ଅମ୍ବାତି ରାୟୁଡୁ ଏଥିରେ ଯୋଗ ଦେବାର କାର୍ଯ୍ୟକ୍ରମ ରହିଛି ।

ବିଶ୍ୱନାଥନ କହିଛନ୍ତି, ଅଭ୍ୟାସ ଶିବିରରେ କେବଳ ଫିଟ୍‌ନେସ୍‌ ଉପରେ ଗୁରୁତ୍ୱ ଦିଆଯିବ । ଏମ୍‌ଏ ଚିଦାମ୍ବରମ ଷ୍ଟାଡିୟମରେ ଅଭ୍ୟାସ ପାଇଁ ତାମିଲନାଡୁ ସରକାରଙ୍କ ଠାରୁ ଲିଖିତ ଅନୁମତି ଆଣିଛୁ । ରୁଦ୍ଧଦ୍ୱାର ଅଭ୍ୟାସ କରାଯିବ । କେବଳ ବୋଲିଂ କୋଚ୍‌ ଲକ୍ଷ୍ମୀପତି ବାଲାଜୀ ହିଁ ଶିବିରରେ ଉପସ୍ଥିତ ରହିବେ ।’

   ସମ୍ବନ୍ଧିତ ଖବର


ମୃତ୍ୟୁ ବେଳକୁ ଧନୀରୁ ପୁଣି ଗରିବ ହୋଇଯାଇଥିଲେ ମାରାଡୋନା, ବ୍ୟାଙ୍କ୍‌ ଖାତାରେ ଥିଲା ମାତ୍ର ୭୫,୦୦୦ ପାଉଣ୍ଡ

୭ ପାକିସ୍ତାନୀ କ୍ରିକେଟର କରୋନା ସଂକ୍ରମିତ, ନ୍ୟୁଜିଲାଣ୍ଡ ସରକାରଙ୍କ ଚେତାବନୀ-ଏବେ ନିୟମ ଭାଙ୍ଗିଲେ ପଠାଇଦେବୁ

୭ବର୍ଷ ପରେ କ୍ରିକେଟ୍‌କୁ ଫେରିବେ ଶ୍ରୀସନ୍ତ, ଖେଳିବେ ଟି-ଟ୍ୱେଣ୍ଟି ମ୍ୟାଚ୍

ଅଷ୍ଟ୍ରେଲିଆରେ ଆଦାନୀଙ୍କୁ ବିରୋଧ, ସିଡନୀ ଓ୍ବାନଣ୍ଡେରେ ଧଷେଇ ପଶି ଆସିଲେ ପଡ଼ିଆକୁ ଆନ୍ଦୋଳନକାରୀ , କ୍ୟାମେରାକୁ ଦେଖାଇଲେ ପ୍ଲାକାର୍ଡ

ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆ, ୬୬ ରନରେ ଜିତିଲା କଙ୍ଗାରୁ ବାହିନୀ

ସିରାଜ ଓ ସାଇନିଙ୍କୁ କ୍ଷମା ମାଗିଲେ ଅଷ୍ଟ୍ରେଲିଆର ପୂର୍ବତନ ଓ୍ବିକେଟକିପର ଗିଲଖ୍ରୀଷ୍ଟ, କହିଲେ…