PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ପାଗଳ ନେଲା ୨ ଜୀବନ

ନୟାଗଡ଼,୧୭ା୧(ଆପ୍ର): ନୟାଗଡ଼ ଜିଲ୍ଲା ଓଡ଼ଗାଁ ସହରରେ ବୁଧବାର ବିଳମ୍ବିତ ରାତିରେ ଏକ ପାଗଳ ଉନ୍ମତ୍ତ କାଣ୍ଡ ଘଟାଇଛି । ସେ ସାରାରାତି ଏ ଗଳିରୁ ସେ ଗଳି ବୁଲି ବୁଲି ହାତରେ ଧରିଥିବା ଏକ କାଠ ଫାଳିଆ ଦ୍ୱାରା ଲୋକଙ୍କୁ ଗୋଡ଼ାଇ ଗୋଡ଼ାଇ ପିଟିଥିଲା । ଏପରିକି ଅନେକ ଲୋକଙ୍କୁ କାମୁଡ଼ି ଆଙ୍ଗୁଳି ଛିଣ୍ଡାଇ ଦେଇଥିବା ବେଳେ କାହାକୁ ପିଟି ପିଟି ହାତଗୋଡ଼ ଭାଙ୍ଗି ଦେଇଥିଲା । କାଠ ଫାଳିଆ ମାଡ଼ରେ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ ୮ଜଣ ଗୁରୁତର ଆହତ ହୋଇଛନ୍ତି । ପାଗଳକୁ କାବୁ କରିବାକୁ ଚେଷ୍ଟା କରିବା ବେଳେ ଓଡ଼ଗାଁ ଥାନା ଅଧିକାରୀ ଜ୍ୟୋତିପ୍ରକାଶ ପଣ୍ଡା ମଧ୍ୟ ଗୁରୁତର ଆହତ ହୋଇଥିଲେ । ଗୁରୁତର ଆହତମାନଙ୍କ ମଧ୍ୟରୁ ଦୁଇ ଜଣଙ୍କୁ ଚିକିତ୍ସା ପାଇଁ ଭୁବନେଶ୍ୱର ସ୍ଥାନାନ୍ତର କରାଯାଇଛି ।
ପୁଲିସର ଅବହେଳା ପାଇଁ ଏଭଳି ଦୁଃଖଦ ଘଟଣା ଘଟିଲା ବୋଲି ଲୋକେ ଦୋଷାରୋପ କରିବା ସହ ମୃତକଙ୍କ ପରିବାରକୁ ସରକାରୀ ସହାୟତା ଦାବିରେ ଦୀର୍ଘ ସମୟ ଧରି ରାସ୍ତା ଅବରୋଧ କରିଥିଲେ । ଦୀର୍ଘ ୧୨ ଘଣ୍ଟାରୁ ଅଧିକ ସମୟ ରାସ୍ତାରୋକ ସହ ଓଡ଼ଗାଁ ବଜାର ବନ୍ଦ ରହିଥିଲା । ପ୍ରଶାସନିକ ଅଧିକାରୀମାନେ ପହଞ୍ôଚ ବୁଝାସୁଝା କରିବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା । ଅପରପକ୍ଷରେ ମୁଖ୍ୟମନ୍ତ୍ରୀ ନବୀନ ପ;ନାୟକ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ସହାୟତା ସହ ଆହତମାନଙ୍କର ମାଗଣା ଚିକିତ୍ସା କରାଯିବ ବୋଲି ଘୋଷଣା କରିଛନ୍ତି ।
ଖବରରୁ ପ୍ରକାଶ ଯେ, କୁଶଢିପି ଗ୍ରାମର ମୁରଲୀ ମଲ୍ଲିକଙ୍କ ପାଗଳ ପୁଅ ରଞ୍ଜନ(୪୦) ଦୀର୍ଘ ବର୍ଷ ହେବ ଓଡ଼ଗାଁ ବଜାରରେ ବୁଲିବା ସହ ଦୋକାନୀଙ୍କ ଠାରୁ ମାଗି ଖାଉଥିଲା । କେବେ କେବେ ସେ ରାତିରେ ନିଜ ଘରକୁ ଚାଲି ଯାଉଥିବା ବେଳେ ଅନ୍ୟ କେତେବେଳେ ଦୋକାନ ବାରଣ୍ଡାରେ ଶୋଇ ଯାଉଥିଲା । ବୁଧବାର ରାତିରେ ସିନେମା ହଲ ଛକରେ କିଛି ଯୁବକଙ୍କ ସହିତ ସେ ଗଣ୍ଡଗୋଳ ଆରମ୍ଭ କରିଥିଲା । ଯୁବକମାନେ ତାକୁ ଧରି ପୋଖରୀକୁ ଫୋପାଡ଼ି ଦେବା ସହଓଡ଼ଗାଁ ପୁଲିସ୍କୁ ଖବର ଦେଇଥିଲେ । କିଛି ପୁଲିସ୍ କର୍ମଚାରୀ ଘଟଣାସ୍ଥଳକୁ ଯାଇଥିଲେ ସୁଦ୍ଧା ଏହାକୁ ହେୟ ମନେକରି ଫେରି ଆସିଥିଲେ । ବିଳମ୍ବିତ ରାତିରେ ପାଣି ଭିତରୁ ପାଗଳ ବାହାରିବା ପରେ ପୋଖରୀ ନିକଟସ୍ଥ ଘରେ ଭଡ଼ାରେ ରହୁଥିବା ବଦନି ପ୍ରଧାନ(୬୦)ଙ୍କ ଘର ଆଡ଼କୁ ଯାଇଥିଲା । ନିଜର ପୋଷାକ ପାଣିରେ ଓଦା ହୋଇଯାଇଥିବାରୁ ସେ ବାଡ଼ିପଟେ ଶୁଖୁଥିବା ଶାଢ଼ୀ ନେଇ ଯାଇଥିଲା । ଏହା ଦେଖି ପାରି ବଦନି ବାଡ଼ିପଟକୁ ଯାଇ ପାଟି କରିଥିଲେ । ପାଗଳ ହାତରେ ଧରିଥିବା ଏକ କାଠ ଫାଳିଆରେ ବଦନିଙ୍କୁ ପିଟି ପିଟି ଘର ଭିତରକୁ ନେଇଯାଇଥିଲା । ଏହା ଦେଖି ମହିଳାଙ୍କ ଝିଅ ସୁଲୋଚନା ମା’ଙ୍କୁ ରକ୍ଷା କରିବାକୁ ଦୌଡ଼ି ଆସିବାରୁ ତାଙ୍କୁ ମଧ୍ୟ ପାଗଳ ଛାଡ଼ି ନ ଥିଲା । ମାଡ଼ ଖାଇ ମା’ ଝିଅ ଗୁରୁତର ଆହତ ହୋଇଥିଲେ ।
ସେଠାରୁ ପାଗଳ ବଜାରକୁ ଆସିଥିଲା । ପରିବା ମାର୍କେଟରେ ସିକ୍ୟୁରିଟି ଗାର୍ଡ ଭାବେ କାମ କରୁଥିବା ତ୍ରିଲୋଚନ ସେଠୀ(୫୦)ଙ୍କୁ ଦେଖି ତାଙ୍କୁ ଆଖିବୁଜା ପିଟିଥିଲା । ଏଥିରେ ତ୍ରିଲୋଚନ ଅଚେତ ହୋଇ ତଳେ ପଡ଼ି ଯାଇଥିଲେ । ରାସ୍ତାରେ ଦାମ ସାହୁ(୫୦)ଙ୍କୁ ଦେଖି ପାଗଳ ତାଙ୍କ ଆଙ୍ଗୁଳିକୁ କାମୁଡ଼ି ଛିଣ୍ଡାଇ ଦେଇଥିଲା । ଚାରିଜଣଙ୍କୁ ଆକ୍ରମଣ କରିବା ପରେ ପାଗଳ ଛୁଟିଥିଲା ପାଇକସାହି ଆଡ଼କୁ । ସେତେବେଳକୁ ଭୋର ହୋଇ ଆସୁଥିବାରୁ ଲୋକେ ଧିରେ ଧିରେ ଘରୁ ବାହାରିବା ଆରମ୍ଭ କରୁଥିଲେ । ପାଗଳ ସାହି ଭିତରେ ଯାହାକୁ ଦେଖିଲା ତାକୁ ଧରିଥିବା କାଠରେ ପିଟିଚାଲିଲା । ଏଥିରେ ପାଇକ ସାହିର ମନୁ ପ୍ରଧାନ(୪୦)ଙ୍କ ହାତ ଭାଙ୍ଗିଥିବା ବେଳେ ଖଦାଳି ନାୟକ(୩୮)ଙ୍କ କାନ୍ଧ ହାଡ଼ ଭାଙ୍ଗି ଯାଇଥିଲା । ଏହା ପରେ ସେ କବି ନାୟକ(୪୦) ଓ ପେଣ୍ଟୁ ନାୟକଙ୍କୁ କାମୁଡ଼ି ସେମାନଙ୍କର ଗୋଟିଏ ଲେଖାଏଁ ଆଙ୍ଗୁଳି ଛିଣ୍ଡାଇ ଦେଇଥିଲା । ଆହତ ଲୋକମାନଙ୍କ ପାଟି ଶୁଣି ସାହି ଲୋକମାନେ ଉଠି ପାଗଳକୁ ଧରିବାକୁ ଚେଷ୍ଟା କରିଥିଲେ ।
ଖବର ପାଇ ଥାନା ଅଧିକାରୀ ଜ୍ୟୋତିପ୍ରକାଶ ପଣ୍ଡା ସଦଳବଳେ ଘଟଣାସ୍ଥଳରେ ପହଞ୍ଚିଥିଲେ । ତାକୁ ଧରିବା ସମୟରେ ସେ ଥାନା ଅଧିକାରୀଙ୍କ ଉପରକୁ ପଥର ମାଡ଼ କରିବାରୁ ତାଙ୍କ ଛାତିରେ ଗୁରୁତର ଆଘାତ ଲାଗିଥିଲା । ପୁଲିସ ପାଗଳକୁ କାବୁ କରି ପ୍ରଥମେ ଓଡ଼ଗାଁ ଓ ପରେ ଶରଣକୁଳ ଥାନାକୁ ନେଇଥିଲା । ଗୁରୁତର ଆହତ ବଦନି ପ୍ରଧାନଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟ ଆହତମାନଙ୍କୁ ପ୍ରଥମେ ଓଡ଼ଗାଁ ଏବଂ ପରେ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା । ଏମାନଙ୍କ ମଧ୍ୟରୁ ନୟାଗଡ଼ରେ ତ୍ରିଲୋଚନଙ୍କର ମୃତ୍ୟୁ ଘଟିଥିଲା । ଅନ୍ୟମାନଙ୍କ ମଧ୍ୟରୁ ଅମୂଲୀ ବାରିକ ଓ ସୁଲୋଚନା ପ୍ରଧାନଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଥିଲା ।
ଏହି ଖବର ପ୍ରଚାରିତ ହେବା ପରେ ଶହ ଶହ ଲୋକ ଥାନା ସମ୍ମୁଖରେ ରୁଣ୍ଡ ହୋଇଥିଲେ । ରାତି ପାହିବା ପୂର୍ବରୁ ସେମାନେ କ୍ଷତିପୂରଣ ଦାବିରେ ରାସ୍ତାରୋକ କରିଥିଲେ । ଦିନତମାମ ପାଗଳ ନେଲା ୨ ଜୀବନରାସ୍ତାରୋକ ଏବଂ ବଜାର ବନ୍ଦ ରହିଥିଲା । ଅପରାହ୍ନରେ ଉପଜିଲ୍ଲାପାଳ ଜିତେନ୍ଦ୍ର କୁମାର ସାହୁ, ଶରଣକୁଳ ଏସ୍ଡିପିଓ ନାରାୟଣ ଚନ୍ଦ୍ର ବାରିକ,ଏସ୍ପି ଦିଲ୍ଲୀପ ସାହାଣି ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲେ । ମୃତକ ଏବଂ ଆହତମାନଙ୍କୁ କ୍ଷତିପୂରଣ ଦିଆଯିବା ସହିତ ମୃତକଙ୍କ ପରିବାର ଲୋକଙ୍କୁ ବିଜୁ ପକ୍କାଘର, ରାସନ କାର୍ଡ ଏବଂ ୧୦ ଲକ୍ଷ ଟଙ୍କା ଲେଖାଏଁ ସହାୟତା ଦେବାକୁ ସେମାନେ ଦାବି କରିଥିଲେ । ଜିଲ୍ଲା ପ୍ରଶାସନ ପକ୍ଷରୁ ରାସନ କାର୍ଡ, ବିଜୁପକ୍କା ଘର,ରେଡକ୍ରସରୁ ୨୦ ହଜାର, ବ୍ଲକ୍ ପ୍ରଶାସନ ପକ୍ଷରୁ ୨୦ ହଜାର ଓ ହରିଶ୍ଚନ୍ଦ୍ର ଯୋଜନାରେ ୩ହଜାର ଲେଖାଏଁ ଟଙ୍କା ଦିଆଯିବାକୁ ପ୍ରତିଶ୍ରୁତି ଦିଆଯିବା ପରେ ଅପରାହ୩.୧୫ ମିନିଟରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା । ଏହି ଘଟଣାକୁ ନେଇ ଓଡ଼ଗାଁରେ ଉତ୍ତେଜନା ଲାଗି ରହିଥିବା ବେଳେ ଲୋକଙ୍କ ଭିତରେ କୋକୁଆ ଭୟ ସୃଷ୍ଟି ହୋଇଛି । ସୂଚନାଯୋଗ୍ୟ ଯେ, ସୁଲୋଚନା ଏକ ନର୍ସିଂହୋମ୍ରେ କାମ କରୁଥିବା ବେଳେ ମା’ ବଦନିଙ୍କ ସହ ପୋଖରୀ ନିକଟସ୍ଥ ଏକ ଘରେ ଭଡ଼ାରେ ରହୁଥିଲେ । ଏହି ଘଟଣାରେ କେନ୍ଦ୍ର ପେଟ୍ରୋଲିମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦୁଃଖ ପ୍ରକାଶ କରିଛନ୍ତି । ସେ ଟ୍ୱିଟ୍ କରିଛନ୍ତି ଯେ, ନୟାଗଡ଼ ଜିଲ୍ଲା ଓଡ଼ଗାଁରେ ଜଣେ ମାନସିକ ବିକୃତ ବ୍ୟକ୍ତିଙ୍କ ଆକ୍ରମଣରେ ୨ ଜଣଙ୍କ ମୃତ୍ୟୁ ଓ ଜଣେ ଆହତ ହେବା ଖବର ଶୁଣି ମୁଁ ଦୁଃଖିତ । ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇବା ସହ ଆହତଙ୍କ ଆଶୁ ଆରୋଗ୍ୟ କାମନା କରୁଛି ।