PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପ୍ଟେନ୍‌ ଅମରିନ୍ଦର ସିଂହ
  • ||
  • ଏସିଏଫ୍‌ ସୌମରଞ୍ଜନ ମହାପାତ୍ର ମୃତ୍ୟୁ ଘଟଣା – ଭୁବନେଶ୍ୱର ଫରେନସିକ୍‌ ଲ୍ୟାବ୍‌ରେ ଡିଏଫ୍‌ଓ , ରୋଷେୟାଙ୍କ ଲାଇ ଡିଟେକ୍ସନ ଟେଷ୍ଟ ଚାଲିଛି
  • ||
  • କେନ୍ଦୁଝର: ମହିଳାଙ୍କୁ ନିର୍ଯାତନା ଦେବା କାରଣରୁ ସ୍ୱାମୀ, ଶାଶୁ, ଶଶୁର ଓ ସଉତୁଣୀକୁ ୩ ବର୍ଷ ଜେଲ୍
  • ||
  • ଲୋଇସିଂହା: ଟ୍ରେନ ଆଗକୁ ଡେଇଁ ଯୁବକଙ୍କ ମୃତ୍ୟୁ, ପରିଚୟ ଅସ୍ପଷ୍ଟ
  • ||
  • ଦାରିଙ୍ଗବାଡି : ସଂରକ୍ଷିତ ଜଙ୍ଗଲରୁ ଚୋରା ଚାଲାଣ ବେଳେ କାଠପଟା ଜବତ, ଜଣେ ଗିରଫ
  • ||
  • ଲୋଇସିଂହା : ଚଳନ୍ତା ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କଲେ ଯୁବକ, କାରଣ ଅସ୍ପଷ୍ଟ
  • ||
  • କେନ୍ଦୁଝର : ମହିଳାଙ୍କୁ ନିର୍ଯାତନା ଦେବାରୁ ସ୍ୱାମୀ, ଶାଶୁ, ଶ୍ଵଶୁର ଓ ସଉତୁଣୀକୁ ୩ ବର୍ଷ ଜେଲ ଦଣ୍ଡ
  • ||
  • ପଦ୍ମପୁର: ଗଜଲକ୍ଷ୍ମୀ ଷ୍ଟୋରରେ ଜିଏସଟି ବିଭାଗର ଚଢ଼ାଉ
  • ||
  • ବ୍ରହ୍ମପୁର: ଗଞ୍ଜାମରେ ୧୦୧୦ଗାଁ ବାଲ୍ୟ ବିବାହ ମୁକ୍ତ ଘୋଷଣା କଲା ପ୍ରଶାସନ
  • ||
  • ବଲାଙ୍ଗୀର: ରାତିରେ ପରିବାର ଲୋକଙ୍କ ସହ ଶୋଇଥିଲା ବେଳେ ମହିଳାଙ୍କୁ କାମୁଡି ଦେଲା ବିଷାକ୍ତ ସାପ, ଆଖିବୁଜଲେ ମହିଳା
  • ||
  • ପାଟଣା: ପୂର୍ବତନ ପାଟଣା ବିଧାୟକ ରାମରାଇ ମୁଣ୍ଡାଙ୍କ ପରଲୋକ
  • ||
  • ସମ୍ବଲପୁର: ହୀରାକୁଦର ପୁଣି ବନ୍ଦ ହେଲା ୬ ଗେଟ୍, ୧୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବାଙ୍କୀ : ହୁଳୁହୁଳା ପୋଲ ଉପରେ ୪ ଫୁଟର ବନ୍ୟାଜଳ ପ୍ରବାହିତ, ବାଙ୍କୀର ବହୁ ପଞ୍ଚାୟତ ବାହ୍ୟ ଜଗତରୁ ବିଚ୍ଛିନ୍ନ
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୨୮କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରୁ ୨୪ ଘଣ୍ଟା ମଧ୍ୟରେ ଆଉ ୬୯୫ଜଣ କରୋନା ପଜିଟିଭ୍ ଚିହ୍ନଟ
  • ||
  • ସଠିପୁର : ଦୁଇ କଣ୍ଟେନର ମୁହାଁମୁହିଁ ଧକ୍କା, ଉଭୟ ଡ୍ରାଇଭର ଆହତ
  • ||
  • ଜଗତସିଂହପୁ : ହଂସୁଆ ନଈରେ ଘାଇ, ୧୦ରୁ ଅଧିକ ଗାଁ ଜଳମଗ୍ନ
  • ||
  • ସମ୍ବଲପୁର : ସୁଧୁରୁଛି ଉପରମୁଣ୍ଡର ବନ୍ୟା ସ୍ଥିତି, ହୀରାକୁଦରେ ବନ୍ଦ ହେଲା ୪ ଗେଟ୍‌, ୨୪ ଗେଟ୍‌ ଦେଇ ଜଳ ନିଷ୍କାସନ ଜାରି
  • ||
  • କାମାକ୍ଷାନଗର : ଚାଷୀଙ୍କୁ ଦଳି ମାରିଲା ଦନ୍ତା
  • ||
  • ରାଉରକେଲା : ବିମାନଘାଟି ପରିସରରେ ଜଣେ ମହିଳା ଶ୍ରମିକଙ୍କୁ ଦୁଷ୍କର୍ମ ଉଦ୍ୟମ, ଠିକା କର୍ମଚାରୀ ଅଟକ
  • ||

ବଦଳିବେ କଟକ ସାଂସଦ ପ୍ରାର୍ଥୀ !

କଟକ,୨୭ା୩(ବ୍ୟୁରୋ): ପାଞ୍ଚ ଥରିଆ କଟକ ସାଂସଦ ବିଜେଡି ହେଭିୱେଟ୍‌ ଭର୍ତ୍ତୃହରି ମହତାବଙ୍କ ଟିକେଟ ଏଥର କଟିପାରେ । ଏଭଳି ଇସାରା ଦେଇଛନ୍ତି ବିଜେଡି ମୁଖିଆ ନବୀନ ପଟ୍ଟନାୟକ । ୯ ଲୋକସଭା ଆସନ ପାଇଁ ଦଳ ଆଜି ପ୍ରାର୍ଥୀ ଘୋଷଣା କରିଛି । ହେଲେ କଟକ ନାଁ ନାହିଁ, ବିଜେଡିର ଲୋକସଭା ସଂସଦୀୟ ଦଳ ନେତା ଭର୍ତ୍ତୃହରିଙ୍କ ନାମ ବି ନାହିଁ । ଚତୁର୍ଥ ପର୍ଯ୍ୟାୟ ନିର୍ବାଚନର ୬ଟି ଯାକ ଲୋକସଭା ଆସନ ପାଇଁ ପ୍ରାର୍ଥୀ ଘୋଷଣା ହେଲା । କିନ୍ତୁ ତୃତୀୟ ପର୍ଯ୍ୟାୟର କଟକ ଝୁଲିଲା । ଗୁରୁବାର ଠାରୁ ଆରମ୍ଭ ହେଉଛି ତୃତୀୟ ପର୍ଯ୍ୟାୟ ନାମାଙ୍କନ । ଏଥିରୁ ସ୍ପଷ୍ଟ ହେଉଛି ଯେ ଭର୍ତ୍ତୃହରିଙ୍କୁ ପୁଣି ଥରେ ପ୍ରାର୍ଥୀ କରିବାକୁ ନବୀନ ସମ୍ଭବତଃ ଚାହୁଁ ନାହାନ୍ତି । ଅଥବା ନିଶ୍ଚିତ ହୋଇ ପାରୁ ନାହାନ୍ତି କାହାକୁ ଟିକେଟ ଦେବେ ।

ଶୁଣାଯାଉଛି, ଭର୍ତ୍ତୃହରିଙ୍କ ସ୍ଥାନରେ କଟକ ସଦର ବିଧାୟକଙ୍କୁ କିମ୍ବା ଜଣେ ନୂଆ ଚେହେରାଙ୍କୁ ଲୋକସଭା ଟିକେଟ ଦିଆଯିବ । ଆଉ ଭର୍ତ୍ତୁହରିଙ୍କୁ ବିଧାୟକ ଟିକେଟ ଦେଇ ସନ୍ତୁଷ୍ଟ କରାଯିବ । ଜଣେ ରାଜ୍ୟସଭା ସାଂସଦଙ୍କୁ ବି କଟକରୁ ଲଢ଼ିବାକୁ କୁହାଯାଇପାରେ । ୧୯୯୮ରୁ ବିଜେଡି ଟିକେଟ୍‌ରେ ଲଗାତାର କଟକର ସାଂସଦ ଭାବେ ନିର୍ବାଚିତ ହୋଇ ଆସୁଛନ୍ତି ଭର୍ତ୍ତୃହରି । ଭୋଟ ହାର ଓ ବିଜୟ ବ୍ୟବଧାନ ମଧ୍ୟ କମୁନାହିଁ । ମାତ୍ର ଏଥର ଷଷ୍ଠ ଥର ପାଇଁ ଶ୍ରୀ ମହତାବଙ୍କୁ ଟିକେଟ୍‌ ମିଳିବ କି ନା ସେ ନେଇ କୌଣସି ସ୍ପଷ୍ଟ ଚିତ୍ର ମିଳୁନାହିଁ । କଟକବାରବାଟୀ ବିଧାୟକ ଦେବାଶିଷ ସାମନ୍ତରାୟଙ୍କୁ ଭର୍ତ୍ତୃହରିଙ୍କ ସ୍ଥାନରେ ଟିକେଟ୍‌ ମିଳିବା ନେଇ ଚାଲିଥିବା ଆଲୋଚନା ଏବେ ବି ପ୍ରାସଙ୍ଗିକ ହୋଇ ରହିଛି । ସଂଯୋଗବଶତଃ, କଟକ-ବାରବଟୀ ବିଧାନସଭା ପାଇଁ ବିଜେଡି ଏଯାବତ୍‌ ପ୍ରାର୍ଥୀ ଘୋଷଣା କରିନାହିଁ । ଏହାଛଡ଼ା ଯଦି ଭର୍ତ୍ତୃହରିଙ୍କୁ ଦଳୀୟ ଟିକେଟ୍‌ ନ ମିଳେ ତେବେ ତାଙ୍କର ପରବର୍ତ୍ତୀ ପଦକ୍ଷେପ କ’ଣ ହେବ ତା’ଉପରେ ମଧ୍ୟ ସମସ୍ତଙ୍କ ନଜର ରହିଛି ।

ସଂଗଠନ ଦମ୍‌ରେ ବାଜି ମାରିନେଇଛନ୍ତି ଦୁଇ ପ୍ରଭାତ । ଚିଟ୍‌ଫଣ୍ଡ୍‌ ସଂପୃକ୍ତି ଅଭିଯୋଗରେ ଚୌଦ୍ୱାର-କଟକ ବିଧାୟକ ପ୍ରଭାତ ରଂଜନ ବିଶ୍ୱାଳ ଓ ବାଙ୍କୀ ବିଧାୟକ ପ୍ରଭାତ କୁମାର ତ୍ରିପାଠୀଙ୍କୁ ଟିକେଟ୍‌ ମିଳିନାହିଁ ସତ, ହେଲେ ଉଭୟ ଆଶ୍ୱସ୍ତ ହୋଇଛନ୍ତି । କାରଣ ଏହି ଦୁଇ ଆସନ ସେମାନଙ୍କ କବ୍‌ଜାରୁ ଖସୁନାହିଁ ।

ରାଜନୈତିକ ଉତ୍ତରାଧିକାରୀ ଭାବେ ଉଭୟଙ୍କ ପୁଅଙ୍କୁ ଏଥର ଟିକେଟ୍‌ ମିଳିଛି । ଏକଦମ ନୂଆ ମୁହଁ ଭାବେ ପ୍ରଭାତ ବିଶ୍ୱାଳଙ୍କ ପୁଅ ସୌଭିକ୍‌ ବିଶ୍ୱାଳ ଓ ପ୍ରଭାତ ତ୍ରିପାଠୀଙ୍କ ପୁଅ ଦେବୀରଂଜନ ତ୍ରିପାଠୀଙ୍କୁ ଏଥର ପ୍ରାର୍ଥୀ କରିଛି ବିଜେଡି । ଅନ୍ୟପକ୍ଷରେ ୭ ଥରର ଆଠଗଡ଼ ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ, ୫ ଥରର ବଡମ୍ବା ବିଧାୟକ ଦେବୀ ପ୍ରସାଦ ମିଶ୍ରଙ୍କୁ ଦଳ ରିପିଟ୍‌ କରିଥିବା ବେଳେ ମାହାଙ୍ଗାରେ ତୃତୀୟ ଥର ପାଇଁ ପ୍ରାର୍ଥୀ ହୋଇଛନ୍ତି ମନ୍ତ୍ରୀ ପ୍ରତାପ ଜେନା । ସେହିପରି ଦୀର୍ଘ ବର୍ଷ ହେଲା ସାଲେପୁର ବିଜେଡି ସଂଗଠନ ସମ୍ଭାଳୁଥିବା ପ୍ରଶାନ୍ତ ବେହେରାଙ୍କୁ ଦ୍ୱିତୀୟ ଥର ପାଇଁ ବିଧାୟକ ଟିକେଟ ଦିଆଯାଇଛି ।

ଗତଥର ନିର୍ବାଚନରେ ପ୍ରଶାନ୍ତ କଂଗ୍ରେସ ହାତରୁ ପରାସ୍ତ ହୋଇଥିଲେ ମଧ୍ୟ ଦଳ ତାଙ୍କ ଉପରେ ପୁଣି ଏଥର ଆସ୍ଥା ରଖିଛି । ବହୁଚର୍ଚ୍ଚିତ କଟକ-ବାରବାଟୀ ଆସନ ପାଇଁ ଆଜି ପ୍ରାର୍ଥୀ ଘୋଷଣା ହୋଇନଥିବାବେଳେ କଟକ-ସଦର ଓ ନିଆଳିକୁ ନେଇ ସସ୍‌ପେନ୍ସ ଲାଗି ରହିଛି । ଏସବୁ ଆସନରେ ଦଳ ପ୍ରାର୍ଥୀ ପରିବର୍ତ୍ତନ କରିବାର ସମ୍ଭାବନାକୁ ନେଇ ଅଙ୍କକଷା ଚାଲିଛି । ଏଣେ ବାପାଙ୍କ ବଦଳରେ ପୁଅଙ୍କୁ ଟିକେଟ୍‌ ମିଳିବା ନେଇ ଉଭୟ ଚୌଦ୍ୱାର-କଟକ ଓ ବାଙ୍କୀରେ ରାଜନୈତିକ ସ୍ଥିତି ସରଗରମ ହୋଇଯାଇଛି । କଟକ-ଚୌଦ୍ୱାରରେ ଦଳୀୟ ପ୍ରାର୍ଥୀଙ୍କୁ ବିରୋଧ କରି ପୂର୍ବତନ ଡେପୁଟି ମେୟର୍‌ ଅଜୟ ବାରିକ ସ୍ୱାଧୀନ ପ୍ରାର୍ଥୀ ଭାବେ ମଇଦାନକୁ ଓହ୍ଲାଉଥିବାର ସୂଚନା ବି ମିଳିଛି ।

କଟକ ଲୋକସଭା କ୍ଷେତ୍ରର ଖଣ୍ଡପଡ଼ା ଓ କଟକ ସହରର ଦୁଇଟି ବିଧାନସଭା ଆସନ ପାଇଁ ପ୍ରାର୍ଥୀ ଖୋଜା ଚାଲିଛି । ନିଆଳିରେ ଗତଥର ଶେଷଯାଏ ବଧିାୟକ ଡା. ପ୍ରମୋଦ ମଲିକିଙ୍କ ପ୍ରାର୍ଥିତ୍ୱ ଘୋଷଣା ଲଟକି ରହିଥିଲା । ଏଥର ଡା. ମଲିକଙ୍କ ସ୍ଥାନରେ ନୂଆ ମୁହଁଙ୍କୁ ସୁଯୋଗ ମିଳିବା ନେଇ ଚର୍ଚ୍ଚା ହେଉଥିବାବେଳେ ଆଜି ଏହି ଆସନରେ ଟିକେଟ୍‌କୁ ଝୁଲାଇ ରଖାଯିବା ଉକ୍ତ ଚର୍ଚ୍ଚାକୁ ଶକ୍ତ କରିଛି । ବାରବାଟୀ-କଟକରେ ଦଳ ବିକଳ୍ପ ଚିନ୍ତା କରୁଥିବା ଓ ସଦର-କଟକରେ ଦଳ ଚନ୍ଦ୍ରସାରଥୀ ବେହେରାଙ୍କ ରିପିଟ୍ ପ୍ରାର୍ଥିତ୍ୱ ନେଇ ବିଚାର କରୁଥିବା ଅସମର୍ଥିତ ସୂତ୍ରରୁ ସୂଚନା ମିଳିଛି ।