PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • Tokyo Olympics : ଭାରତକୁ ପ୍ରଥମ ପଦକ, ଭାରଉତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ
  • ||
  • ସମ୍ବଲପୁର : ହୀରାକୁଦ ଉପରମୁଣ୍ଡରେ ପ୍ରବଳ ବର୍ଷା, ଜଳଭଣ୍ଡାରକୁ ପ୍ରବେଶ କରୁଛି ୭୭ ହଜାର କ୍ୟୁସେକ ଜଳ, ପୁଣି ଗେଟ୍ ଖୋଲିବା ନେଇ ବାଜିଲା ସାଇରନ୍
  • ||
  • ଆନନ୍ଦପୁର : ଶାଳନ୍ଦୀ ନଦୀର ହଦଗଡ ଡ୍ୟାମରୁ ହୋମିଓପାଥି ଡାକ୍ତରୀ ଛାତ୍ରଙ୍କ ମୃତଦେହ ଉଦ୍ଧାର, ଦୁଇ ଦିନ ତଳୁ ଥିଲେ ନିଖୋଜ
  • ||
  • ଯାଜପୁର : ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ଝିଅ ଘର ଲୋକେ
  • ||
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

କିଏ ହେବ କଂଗ୍ରେସ ସଭାପତି ? ସିଡବ୍ଲୁସି ବୈଠକରେ ସୋନିଆ ନେବେ ବଡ଼ ନିଷ୍ପତ୍ତି

ନୂଆଦିଲ୍ଲୀ ୨୪।୮: କାହା ହାତରେ ରହିବ କଂଗ୍ରେସ ମଙ୍ଗୁଆଳ ପଦବୀ ? କାହା ନିର୍ଦ୍ଦେଶରେ ଗଢାହେବ କଂଗେସ ଭାଗ୍ୟ ଓ ଭବିଷ୍ୟତ ? ଗାନ୍ଧୀ ପରିବାର ହାତରୁ ଚାଲିଯିବକି ଏହି ପାଓ୍ବାର ପୋଷ୍ଟ ? କାରଣ ଦେଶ ସ୍ବାଧୀନ ହେବା ଠାରୁ ଲଗାତାର ଭାବରେ ଗାନ୍ଧି ପରିବାର ହାତରେ ରହିଆସିଛି କଂଗ୍ରେସର ଏହି ମୁଣ୍ଡିଆଳ ପଦ । ଏବେ ଏହି ଦୀର୍ଘ ଦିନର ପରମ୍ପରାରେ ପଡିବକି ପୂର୍ଣ୍ଣଛେଦ ? ଏବେ ଦେଶବାସୀଙ୍କ ମନରେ ଉଙ୍କି ମାରୁଛି ଏଭଳି କିଛି ପ୍ରଶ୍ନ ।

ଦଳର ଅନ୍ତରୀଣ ଅଧ୍ୟକ୍ଷ ପଦରୁ ସୋନିଆ ଗାନ୍ଧୀ ଇସ୍ତଫା ଦେଉଥିବା ଚର୍ଚ୍ଚା ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଥିବା ବେଳେ ଆଜି ଏନେଇ ବସିବ କଂଗ୍ରେସ କାର୍ଯ୍ୟକାରୀ କମିଟି ବୈଠକ । ଲଗାତାର ଦୁଇଥର ସାଧାରଣ ନିର୍ବାଚନରେ ଦଳର ନୈରାଶ୍ୟଜନକ ଫଳାଫଳ ପରେ ଗତ ସାଧାରଣ ନିର୍ବାଚନ ପରଠାରୁ ଏହି ପଦବୀକୁ ନେଇ ଆରମ୍ଭ ହୋଇଛି ହଟଚମଟ । ଗତ ସାଧାରଣ ନିର୍ବାଚନରେ ଫଳାଫଳ ପାଇଁ ନିଜକୁ ଦାୟୀ କରି ଦଳର ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ ରାହୁଲ ଗାନ୍ଧୀ । ଏହା ପରେ ଦଳର ଅନ୍ତରୀଣ ଅଧ୍ୟକ୍ଷ ପଦକୁ ସାମୟିକ ଭାବରେ ଗ୍ରହଣ କରିଥିଲେ ସୋନିଆ ।

ଏବେ ଏହି ପଦବୀକୁ ନେଇ ଆଗକୁ ଚାଲିବାକୁ ସୋନିଆ ଆଗ୍ରହ ପ୍ରକାଶ କରୁନଥିବା ଚର୍ଚ୍ଚା ହେଉଛି । ତେବେ ଦଲର କେତେକ ନେତା ସୋନିଆଙ୍କୁ ପୂର୍ଣ୍ଣକାଳୀନ ଅଧ୍ୟକ୍ଷ ଭାବେ ଚାହୁଁଥିବା ବେଳେ ଆଉକିଛି ନେତା ଦଳର କିଛି ବରିଷ୍ଠ .ନେତାଙ୍କୁ ନେଇ ସ୍ବପ୍ନ ଦେଖୁଛନ୍ତି । ତେବେ ଏହା ପୂର୍ବରୁ ରାହୁଲ ଏହି ପଦବୀରେ ପୁନର୍ବାର ରହିବେ ନାହିଁ ବୋଲି ସ୍ପଷ୍ଟ କରିସାରିଥିବା ମଧ୍ୟ ସୂଚନା ମିଳିଛି । ଦଳରେ ସଂଗଧନର ବିକାଶ ପାଇଁ ତାଙ୍କର ଉଦ୍ୟମ ଜାରି ରଖିବେ ବୋଲି ସେ କହିଛନ୍ତି । ସେହିଭଳି ଭଉଣୀ ପ୍ରିୟଙ୍କାଙ୍କ ନାଁକୁ ନନେଇ ଚର୍ଚ୍ଚା ହେଉଥିବା ବେଳେ ବର୍ତ୍ତମାନ ସେ ଦଲର ସାଧାରଣ ସଂପାଦକ ଭାବେ କାର୍ଯ୍ୟ ଜାରି ରଖିଛନ୍ତି ।

ସୋନିଆଙ୍କୁ କଂଗ୍ରେସର ୨୩ ନେତାଙ୍କ ଚିଠି ପରେ ଏହି ଘମାସାନ ଆରମ୍ଭ ହୋଇଛି । ଏନେଇ ଆଜି ବସୁଛି ଦଳର କାର୍ଯ୍ୟକାରୀ କମିଟି ବୈଠକ । ଯେଉଁଥିରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ, ରାହୁଲ ଗାନ୍ଧୀ, ସୋନିଆ ଗାନ୍ଧୀଙ୍କ ସମେତ ଦଲର କିଛି ବରିଷ୍ଠ ନେତା ବୈଠକରେ ଯୋଗଦେବେ ବୋଲି ଜଣାପଡିଛି । ବୈଠକରେ ସୋନିଆ କିଛି ବଡ ନିଷ୍ପତ୍ତି ନେଇପାରନ୍ତି । କାହା ହାତରେ ଫିଟିବ ହାତର ନିର୍ମଳ ଭାଗ୍ୟରେଖା ସେ ନେଇ ହେଉଥିବା ଅପେକ୍ଷାର ଅନ୍ତ କରିବେ ସୋନିଆ ।

ସମ୍ବନ୍ଧିତ ଖବର