PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ସମସ୍ତଙ୍କ ଦୃଷ୍ଟି ଆକର୍ଷଣ କରୁଛନ୍ତି ଡାକୁ ହସୀନା

‘ସତ୍ୟମେବ ଜୟତେ’ର ନିର୍ମାତା ଏବେ ‘ମରଜାୱାଁ’କୁ ନେଇ ଚର୍ଚ୍ଚାରେ । ଫିଲ୍ମରେ ମୁଖ୍ୟ ଭୂମିକାରେ ଅଛନ୍ତି ରିତେଶ ଦେଶମୁଖ ଓ ସିଦ୍ଧାର୍ଥ ମଲହୋତ୍ରା । ତେବେ ଏହାର ଲିଡ୍‌ ଲେଡି ରାକୁଲ ପ୍ରୀତ ସିଂହ ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ଫିଲ୍ମ ସେଟ୍‌ରେ ନିଜର ଏକ ଲୁକ୍‌ ଇନଷ୍ଟାଗ୍ରାମ୍‌ ହ୍ୟାଣ୍ଡେଲ୍‌ରେ ଶେୟାର୍‌ କରିବା ପରେ ରାକୁଲଙ୍କ ଭୂମିକା ବିଷୟରେ ସିନେପ୍ରେମୀଙ୍କ ମଧ୍ୟରେ ଆରମ୍ଭ ହୋଇଛି ଗସିପ୍‌ । ଓଢ଼ଣିରେ ମୁହଁ ଅଧା ଘୋଡ଼ାଇ ଆଖିରେ ବହୁତ କିଛି କହିଛନ୍ତି ଏହି ସୁନ୍ଦରୀ । ଫଟୋ ସହିତ କ୍ୟାପଶନ୍‌ ଦେଖିଲେ ଜଣାପଡୁଛି, ଫିଲ୍ମରେ ତାଙ୍କ ଚରିତ୍ରର ନାଁ ଡାକୁ ହସୀନା । ପୂର୍ବରୁ ରାକୁଲଙ୍କ ଭୂମିକା ବିଷୟରେ କୌଣସି ସୂଚନା ମିଳିନଥିବାରୁ ଏହି ସଙ୍କେତ ସିନେପ୍ରେମୀଙ୍କୁ ବେଶ ଖୋରାକ ଦେଇଛି ।

ଫିଲ୍ମରେ ରିତେଶ ଦେଶମୁଖଙ୍କୁ ନେଗେଟିଭ୍‌ ରୋଲ୍‌ରେ ଦେଖିବେ ଦର୍ଶକ । ଏଥିରେ ତାଙ୍କର ବାମନ ଅବତାର ରହିଛି, ଯାହା ତାଙ୍କ ପ୍ରଶଂସକଙ୍କ ଧ୍ୟାନ ଆକର୍ଷଣ କରିବ । ସିଦ୍ଧାର୍ଥ ମଧ୍ୟ ନୂଆ ଲୁକ୍‌ରେ ପରଦାକୁ ଓହ୍ଲାଇବେ । ଏହା ପୂର୍ବରୁ ସିଦ୍ଧାର୍ଥ-ରାକୁଲଙ୍କ ଯୋଡ଼ି ବେଶ ପସନ୍ଦ କରିଛନ୍ତି ସିନେପ୍ରେମୀ । ‘ମରଜାୱାଁ’ ଜରିଆରେ ପୁଣି ଥରେ ମନୋରଞ୍ଜନକରାଇବେ ବୋଲି ରାକୁଲ ଆଶାବାଦୀ । ତାଙ୍କ ଅପ୍‌କମିଙ୍ଗ ବଲିଉଡ୍‌ ସିନେ ଲିଷ୍ଟରେ ରହିଛି ଆକିଭ ଅଲିଙ୍କ ‘ଦେ ଦେ ପ୍ୟାର୍‌ ଦେ’ । ଏଥିରେ ରାକୁଲଙ୍କ ଅପୋଜିଟ୍‌ରେ ସ୍କ୍ରିନ୍‌ ଶେୟାର୍‌ କରିଛନ୍ତି ଅଜୟ ଦେବଗନ୍‌ । ଏଥିସହ ତାଙ୍କର ଗୋଟିଏ ତେଲୁଗୁ ଓ ୩ଟି ତାମିଲ ଫିଲ୍ମ ମଧ୍ୟ ଚଳିତ ବର୍ଷ ମୁକ୍ତିଲାଭ କରିବ ।