PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୁଣୁପୁର: କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ କେନ୍ଦୁଗୁଡା ଥାନା ଏଏସଆଇ
  • ||
  • କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଚିଠିର ଉତ୍ତର ରଖିଲେ ଗଜପତି, ଶ୍ରୀମନ୍ଦିର ଓ ଶ୍ରୀକ୍ଷେତ୍ରର ବିକାଶରେ ସହଯୋଗ ପାଇଁ ଗଜପତି ଦେଲେ ପ୍ରତିଶ୍ରୁତି
  • ||
  • ନୂଆପଡ଼ାରେ ହଳଦୀ ଗାଁରେ ପୁଣି ବାଘ ଆତଙ୍କ , କ୍ୟାମେରାରେ କଏଦ ହେଲା ବାଘ ବସିଥିବା ଫଟୋ , ଲୋକେ ଭୟଭୀତ, ଗାଁରେ ବନ କର୍ମଚାରୀ ଉପସ୍ଥିତ, ୩ ବର୍ଷ ହେଲା ଲାଗି ରହିଛି ବାଘ ଆତଙ୍କ
  • ||
  • ପଶ୍ଚିମବଙ୍ଗରେ ପ୍ରାର୍ଥୀ ତାଲିକା ଘୋଷଣା କଲା ବିଜେପି , ୫୭ଟି ଆସନ ପାଇଁ ବିଜେପିର ପ୍ରାର୍ଥୀ ତାଲିକା ପ୍ରକାଶ , ନନ୍ଦୀଗ୍ରାମରେ ମମତାଙ୍କ ବିରୋଧରେ ଲଢ଼ିବେ ଶୁଭେନ୍ଦୁ ଅଧିକାରୀ
  • ||
  • ସୋନପୁର: ସୁବୁଳିଆ ଗାଁରେ ଗୋଷ୍ଠୀ ସଂଘର୍ଷ, ଗୁଳିକାଣ୍ଡରେ ଜଣେ ଯୁବକ ଗୁରୁତର
  • ||
  • ପୁଣି ରାଜଧାନୀରେ ୪୦ ଡ଼ିଗ୍ରୀ ଟପିଲା ତାତି
  • ||
  • ଭୁବନେଶ୍ବର: ସରିଲା ରାଜ୍ୟ କ୍ୟାବିନେଟ୍‌ ବୈଠକ, ୧୬ଟି ପ୍ରସ୍ତାବରେ ବାଜିଲା ମୋହର
  • ||
  • ବାସୁଦେବପୁର : ତାରିଣୀ ଛକ ସ୍ଥିତ ଟ୍ରାକ୍ଟର ଗ୍ୟାରେଜ୍‌ରେ ଅଘଟଣ , କାମ କରୁଥିବା ବେଳେ ଟ୍ରାକ୍ଟର ଟାୟାର ଫାସି ଗ୍ୟାରେଜ୍‌ ମେକାନିକଙ୍କ ମୃତ୍ୟୁ
  • ||
  • ଓଡ଼ିଶାର ୧୦ ଜିଲ୍ଲାରେ କରୋନା ଚିନ୍ତା , ରାଜ୍ୟ ସ୍ୱାସ୍ଥ୍ୟ ସଚିବଙ୍କ ସହ କଥା ହେଲେ କେନ୍ଦ୍ର ସ୍ୱାସ୍ଥ୍ୟ ସଚିବ, ଏନେଇ ଟେଷ୍ଟିଂ ଟ୍ରାକିଂ ଓ ଟ୍ରିଟ୍‌ମେଣ୍ଟ ଉପରେ ଗୁରୁତ୍ୱ
  • ||
  • ବଲାଙ୍ଗିର: ବାହାର ରାଜ୍ୟରେ ନିର୍ଯ୍ୟାତନାର ଶିକାର ହେଉଛନ୍ତି ପାଟଣାଗଡ଼ ଅଞ୍ଚଳର ୨୫ ଶ୍ରମିକ
  • ||
  • ଅହମ୍ମଦାବାଦ ଟେଷ୍ଟ : ଭାରତ ୩-୧ରେ ସିରିଜ୍ ବିଜୟୀ
  • ||
  • ଟିଟିଲାଗଡ଼: ଟିଟିଲାଗଡରେ ଉତ୍କଟ ଜଳ ସମସ୍ୟା, ସିରଭଟା ପଡାରେ ପାଣି ପାଇଁ ରାସ୍ତାରୋକ
  • ||
  • ଆସ୍ଥା ଭୋଟ୍ ଜିତିଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍
  • ||
  • ପୁରୀ: ଶ୍ରୀମନ୍ଦିରରେ ପୁଣି ନୀତି ବିଭ୍ରାଟ, ଜଗମୋହନରେ ବାନ୍ତି କଲେ ଭକ୍ତ
  • ||
  • ସମ୍ବଲପୁର: ହୀରାକୁଦ ଅଶୋକ ନିବାସରେ ହାଇକୋର୍ଟ ବିଚାରପତି ସି.ଆର୍ ଦାସଙ୍କ ସମୀଖ୍ୟା ବୈଠକ, ସାମିଲ ହୋଇଛନ୍ତି ବିଭିନ୍ନ ଜିଲ୍ଲାର ବିଚାରପତି
  • ||
  • ସମ୍ବଲପୁର: ହାତୀ ଆକ୍ରମଣରେ ଜଣେ ମୃତ
  • ||
  • କେନ୍ଦୁଝର: ଇସ୍ପାତ କାରଖାନା ଦାବିରେ କେନ୍ଦୁଝରରେ ବିଜେପି ଯୁବ ମୋର୍ଚ୍ଚାର ପକ୍ଷରୁ ବିକ୍ଷୋଭ
  • ||
  • ଭୁବନେଶ୍ବର: ରାଜଧାନୀରେ ବିଚ୍ ରାସ୍ତାରେ ମର୍ଡର, ସିଆର୍‌ପିଏପ୍ ଛକ ନିକଟରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ଲକ୍ଷ୍ମୀପୁର: ଭଡ଼ା ଘରୁ ମହିଳାଙ୍କ ମୃତଦେହ ଉଦ୍ଧାର କଲା ଲକ୍ଷ୍ମୀପୁର ପୋଲିସ, ଯୁବକ ଅଟକ
  • ||
  • ଭବାନୀପାଟଣା: ଜିଲ୍ଲା ସେସନ ଜଜ କୋର୍ଟ ଉଦ୍‌ଘାଟନ୍ କଲେ ମୁଖ୍ୟ ବିଚାରପତି ହାଇକୋର୍ଟ ଡ଼. ଏସ ମୁରଲୀଧର
  • ||

ଡ୍ୟାମ୍‌ ଭୁଶୁଡ଼ିବାରୁ ୪୦ ମୃତ, ୩୦୦ ନିଖୋଜ

source:www.jagran.com

ବ୍ରୁମାଣ୍ଡିନୋ,୨୭ ।୧(ଏଜେନ୍ସି): ବ୍ରାଜିଲର ବ୍ରୁମାଣ୍ଡିନୋ ସହର ନିକଟରେ ଥିବା ଏକ ଲୁହାପଥର ଖଣି ପରିସରରେ ଶୁକ୍ରବାର ଏକ ବଡ଼ ଦୁର୍ଘଟଣା ଘଟିଛି । ଏହି ଖଣିରୁ ବାହାରୁଥିବା ବର୍ଜ୍ୟକୁ ଏକ ଡ୍ୟାମ୍‌ ଭିତରେ ପକାଯାଇଥାଏ । ଶୁକ୍ରବାର ଅପରାହ୍ଣରେ ଖଣିର ଶ୍ରମିକମାନେ ମଧ୍ୟାହ୍ଣ ଭୋଜନ କରୁଥିବା ସମୟରେ ଡ୍ୟାମ୍‌ଟି ଭୁଶୁଡି ପଡିଥିଲା । ଏହାଫଳରେ ବ୍ୟାପକମାତ୍ରାରେ ପାଣି, କାଦୁଅ ଏବଂ ଅନ୍ୟାନ୍ୟ ପଦାର୍ଥ ଚାରିଆଡେ ବ୍ୟାପି ଯାଇଥିଲା । ଏହାଯୋଗୁ ୪୦ ଜଣ ବ୍ୟକ୍ତି ପ୍ରାଣ ହରାଇଥିଲାବେଳେ ଆହୁରି ୩୦୦ ଜଣ ନିଖୋଜ ହୋଇଯାଇଛନ୍ତି । ପ୍ରାୟ ୩୬୬ ଜଣ ଲୋକଙ୍କୁ ଉଦ୍ଧାର କରାଯାଇଛି ।
ଶ୍ରମିକମାନଙ୍କ ଭୋଜନ କରିବା ପାଇଁ ନିର୍ମିତ ସ୍ଥାନ, ଶ୍ରମିକମାନଙ୍କୁ ନେଇକରି ଯାଉଥିବା ଏକ ବସ୍‌ ଏବଂ ଖଣି ନିକଟରେ ଶ୍ରମିକମାନଙ୍କ ରହିବା ପାଇଁ ନିର୍ମିତ ବାସଗୃହ ଆଦି ଉପରେ ଡ୍ୟାମ୍‌ରୁ ବାହାରିଥିବା କାଦୁଅ, ପାଣି ଆଦି ମାଡିଯାଇଥିଲା । ଏତେ ମାତ୍ରାରେ କାଦୁଅ ବ୍ୟାପିଥିଲା ଯେ ତା’ ଯୋଗୁ ଘର ସବୁ ଧୋଇ ହୋଇଯାଇଥିଲା । ତା’ଛଡା ଏହି ଦୁର୍ଘଟଣା ଏତେ ଅକସ୍ମାତ୍‌ ହେଲା ଯେ ଖଣିର ସାଇରନ ବଜାଇବାକୁ ସମୟ ମିଳିନଥିଲା । ଖଣିର ସାଇରନ ବାଜିଲେ କିଛି ବିପଦ ଅଛି ବୋଲି ସମସ୍ତେ ସତର୍କ ହୋଇଯାଇଥାନ୍ତେ । ମାତ୍ର ଦୁର୍ଘଟଣା ସମୟରେ ସାଇରନ ନବାଜିବାରୁ କେହି ଏ ସମ୍ପର୍କରେ କିଛି ସୂଚନା ପାଇପାରିନଥିଲେ । ତେଣୁ ମୃତାହତଙ୍କ ସଂଖ୍ୟା ଅଧିକ ହୋଇଛି ବୋଲି କୁହାଯାଉଛି । ଖଣି କଂପାନିର ୨୫୨ ଜଣ ଶ୍ରମିକ ଏବଂ ଠିକାଦାର ନିଖୋଜ ଥିବାର କଂପାନି କର୍ତ୍ତୃପକ୍ଷ ପ୍ରକାଶ କରିଛନ୍ତି ।
ଉକ୍ତ ଖଣିକୁ ବ୍ରାଜିଲର କଂପାନି ଭାଲେ ପରିଚାଳନା କରୁଥିଲା । ଏହି ବିପର୍ଯ୍ୟୟ ପରେ ବ୍ରାଜିଲ ସରକାର ଉକ୍ତ କଂପାନିର ବ୍ୟାଙ୍କ ଆକାଉଣ୍ଟରେ ଥିବା ୧.୬ ଶହ କୋଟି ଡଲାର ଅର୍ଥକୁ ଜବତ କରିଛନ୍ତି । ଏହି ଅର୍ଥକୁ ଉଦ୍ଧାର କାର୍ଯ୍ୟ ଏବଂ ପ୍ରଭାବିତ ଲୋକଙ୍କୁ କ୍ଷତିପୂରଣ ଦେବା ପାଇଁ ବିନିଯୋଗ କରାଯିବ ବୋଲି କୁହାଯାଇଛି । ବ୍ରାଜିଲର ରାଷ୍ଟ୍ରପତି ଜୈର ବୋଲସନାରୋ ଶନିବାର ହେଲିକପ୍ଟର ଯୋଗେ ବିପର୍ଯ୍ୟୟ ସ୍ଥଳ ନିରୀକ୍ଷଣ କରିଛନ୍ତି । ଏହାପରେ ସେ କହିଛନ୍ତି କି ଏହି ବିପର୍ଯ୍ୟୟକୁ ଆଖିରେ ଦେଖିବା ପରେ କେହି ଲୁହ ନଗଡାଇ ରହିପାରିବ ନାହିଁ ।
ଅନ୍ୟପଟରେ ନିଖୋଜ ଥିବା ଲୋକଙ୍କୁ ଉଦ୍ଧାର କରିବାରେ ବ୍ୟାପକ ସମସ୍ୟା ଦେଖାଦେଉଛି । ଏତେ ପରିମାଣର କାଦୁଅ ଭିତରେ କିଏ କୋଉଠି ରହିଯାଇଛି, ତାର ପତ୍ତା ଲଗାଇବା ମୁସ୍କିଲ ହେଉଛି । ସମୟ ଗଡ଼ିଚାଲିଥିବାରୁ ନିଖୋଜ ବ୍ୟକ୍ତିଙ୍କ ବଞ୍ଚିବାର ସମ୍ଭାବନା କ୍ଷୀଣ ବୋଲି ଅନୁମାନ କରାଯାଉଛି । ଏହାଯୋଗୁ ସେମାନଙ୍କ ପରିବାର ସଦସ୍ୟ ବ୍ୟାକୁଳ ହୋଇପଡିଛନ୍ତି । ତେବେ ଏହି ଦୁର୍ଘଟଣା କ’ଣ ପାଇଁ ଘଟିଲା ତାହା ସ୍ପଷ୍ଟ ହୋଇପାରିନାହିଁ ।
୨୦୧୫ ନଭେମ୍ବର ୫ରେ ସମାନ କଂପାନି ଭାଲେ ଏବଂ ଆଉ ଏକ କଂପାନି ବିଏଚ୍‌ପି ବିଲିଟନ ଦ୍ୱାରା ମାରିଆନାର ସାମାରକୋରେ ପରିଚାଳିତ ଏକ ଖଣିର ଡ୍ୟାମ୍‌ ଭୁଶୁଡି ପଡ଼ିବାରୁ ୧୯ ଜଣ ପ୍ରାଣ ହରାଇଥିଲେ ଏବଂ ଶତାଧିକ ଲୋକ ଗୃହଶୂନ୍ୟ ହୋଇପଡିଥିଲେ ।

ସମ୍ବନ୍ଧିତ ଖବର