PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ବିଜେପିରେ ମିଶିବା ନେଇ ଦାମଙ୍କ ଜବାବ: କହିଲେ ବିଜେପି ହେଉ କି କଂଗ୍ରେସ, ଯିଏ ଦୁର୍ନୀତି ହଟାଇବ ତାକୁ ସହଯୋଗ କରିବି

source:www.jagran.com

ଭୁବନେଶ୍ୱର ୧୦/୩: ବିଜେପିରେ ମିଶିବା ନେଇ ପ୍ରତିକ୍ରିୟା ରଖିଲେ ବରିଷ୍ଠ ନେତା ଦାମୋଦର ରାଉତ । ଦାମ କହିଛନ୍ତି ଯେ ବିଜେପିରେ ମିଶିବା ନେଇ ନିଷ୍ପତ୍ତି ଅମୀମାଂସିତ । ସେ କହିଛନ୍ତି  ‘ମୁଁ ମିଶିବା ପାଇଁ ହଁ କରିନି କି ନାଁ ମଧ୍ଯ କରିନି ।’ କିଛିଦିନ ତଳେ ବୈଜୟନ୍ତ ପଣ୍ଡା ବିଜେପିରେ ମିଶିବା ପରେ ଦାମ ମଧ୍ଯ ବିଜେପିରେ ମିଶିବା ନେଇ ଚର୍ଚ୍ଚା ଜୋର୍ ଧରିଥିଲା । ତେବେ ଏନେଇ ଦାମ ମୁହଁ ଖୋଲିଛନ୍ତି ।

ସେ କହିଛନ୍ତି ‘ଯିଏ ଦୁର୍ନୀତି ଓ ଭ୍ରଷ୍ଟାଚାର ବିରୋଧରେ ଲଢିବ, ମୁଁ ତାକୁ ସମ୍ପୂର୍ଣ୍ଣ ସାହାଯ୍ୟ କରିବି । ବିଜେପି ଯଦି ବିକାଶ ସହ ଦୁର୍ନୀତି ଓ ଭ୍ରଷ୍ଟାଚାର ହଟାଇବାକୁ ଆଗେଇ ଆସିବ, ବିଜେପିରେ ମିଶିବାରେ କୌଣସି ଆପତ୍ତି ନାହିଁ । ସେହିପରି କଂଗ୍ରେସ ଯଦି ଦୁର୍ନୀତି ବିରୁଦ୍ଧରେ ଲଢେ, ମୁଁ ପୂର୍ଣ୍ଣ ସହଯୋଗ କରିବି ।’

ଦାମ ପୁଣି କହିଛନ୍ତି ଯେ, ତାଙ୍କର ଏକମାତ୍ର ଲକ୍ଷ୍ୟ ବିଜେଡି ଓ ନବୀନ ସରକାରର ଅବସାନ । ତେବେ ଏନେଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ଆଲୋଚନା ହୋଇଛି, ଆଉ ଏକ ପର୍ଯ୍ୟାୟ ଆଲୋଚନା ପରେ ନିଷ୍ପତ୍ତି ନେବେ ବୋଲି ଦାମ ସ୍ପଷ୍ଟ କରିଛନ୍ତି । ଦାମ କହିଛନ୍ତି ‘ମୋ ପାଖରେ ଜ୍ଞାନ, ବିଜ୍ଞାନ ସବୁ ରହିଛି । ମୁଁ ଚାହିଁଲେ ପାରାଦୀପରେ ପଦ୍ମ ଫୁଟିବା ଅସମ୍ଭବ ନୁହେଁ ।’ ତେବେ ଅନ୍ଯପଟେ ଦାମଙ୍କ ପୁଅ ସମ୍ବିତ୍ କହିଛନ୍ତି ଯେ ବାପା ଏବେ ସ୍ବାଧୀନ ଅଛନ୍ତି ଏବଂ ତାଙ୍କର ନିଜସ୍ବ ନିଷ୍ପତ୍ତି ନେବାର ଅଧିକାର ରହିଛି । ସେ ଯାହା ନିଷ୍ପତ୍ତି ନେବେ ସେତେବେଳେ ରଣନୀତି କଣ ହେବ ଦେଖାଯିବ ।