PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଅଗଷ୍ଟ ୧୬ରୁ ଆରମ୍ଭ ହେବ ନବମ ଶ୍ରେଣୀ ପାଠପଢ଼ା, ସକାଳ ୯ଟାରୁ ଦିନ ସାଢ଼େ ୧୨ଟା ଯାଏ ହେବ ପାଠପଢ଼ା
  • ||
  • ସମ୍ବଲପୁର: ୮ ଘଣ୍ଟା ପରେ ପୁଣି ସହରରେ ହତ୍ୟାକାଣ୍ଡ, ମାଲତୀଗୁଣ୍ଡେପୁରରେ ଯୁବକଙ୍କୁ ହତ୍ୟା, ପ୍ରତିବାଦରେ ରାସ୍ତାରୋକ…
  • ||
  • ଟୋକିଓ ଅଲମ୍ପିକ୍ସ : ଭାରତକୁ ଆଉ ଏକ ପଦକ, ପୁରୁଷ ୫୭ କେଜି ଫ୍ରିଷ୍ଟାଇଲ କୁସ୍ତିରେ ରବିଙ୍କୁ ରୌପ୍ୟ
  • ||
  • କଟକ : ରାଜ୍ୟ ଜିଏସଟି ଏନଫୋର୍ସମେଣ୍ଟ ୱିଙ୍ଗ୍ ଦ୍ଵାରା ୬୪୧ କୋଟି ଟଙ୍କାର ଜାଲ ବିଲ୍ ରାକେଟ ମାମଲାରେ ତୃତୀୟ ମାଷ୍ଟର ମାଇଣ୍ଡ୍ ଗିରଫ
  • ||
  • ସମ୍ବଲପୁର : ସମ୍ବଲପୁର ସଦର ଥାନା ଅଞ୍ଚଳରେ ଯୁବକଙ୍କୁ ହତ୍ୟା ପରେ ରାସ୍ତାରେ ଫିଙ୍ଗିଦେଲେ ଦୁର୍ବୃତ୍ତ
  • ||
  • ଅଲିମ୍ପିକ୍ସ ହକି : ଭାରତ ଜର୍ମାନୀକୁ ୫-୪ ଗୋଲରେ ହରାଇ ଜିତିଲା ବ୍ରୋଞ୍ଚ ପଦକ
  • ||
  • ଟୋକିଓ : ଭାରତୀୟ ହକି ଟିମ୍‌ର ଐତିହାସିକ ବିଜୟ ନେଇ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛା, କହିଲେ-ଆଗାମୀ ପିଢିର ଖେଳାଳିଙ୍କ ପାଇଁ ହେବ ପ୍ରେରଣାର ଉତ୍ସ ’
  • ||
  • ବୌଦ୍ଧ : ବୌଦ୍ଧ ଜିଲ୍ଲା ପୁରୁଣାକଟକ ଥାନା ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ଚାରିଛକଠାରେ ୧୬ ପେଟି କଫ୍ ସିରପ୍ ଜବତ, ସ୍କର୍ପିଓ ସହ ଜଣେ ଗିରଫ
  • ||
  • ଲମତାପୁଟ : ଲମତାପୁଟ ବ୍ଲକ ବଡ଼ପଡା ଘାଟି ନିକଟ ଜଙ୍ଗଲରୁ ବିପୁଳ ପରିମାଣର ଗଞ୍ଜେଇ ଜବତ
  • ||
  • କୋଣାର୍କ : ଗ୍ୟାସ୍ ସିଲିଣ୍ଡର ଫାଟି ୪ ଛେଳି ଜୀବନ୍ତ ଦଗ୍ଧ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ
  • ||
  • ମାଲକାନଗିରି : ନକ୍ସଲଙ୍କ ବର୍ବର କାଣ୍ଡ, ଲ୍ୟାଣ୍ଡମାଇନ୍ ବିସ୍ଫୋରଣ କରି ଉଡ଼ାଇଦେଲେ ବୋଲେରୋ, ୨ ମୃତ
  • ||

ବାଜିଲା ବିଗୁଲ: ଏପ୍ରିଲ ୧୧, ୧୮, ୨୩, ୨୯ରେ ଓଡ଼ିଶା ଭୋଟ୍

ଭୁବନେଶ୍ୱର,୧୦ ।୩(ବ୍ୟୁରୋ): ବାଜିଲା ଭୋଟ ଘଣ୍ଟି । ୭ଟି ପର୍ଯ୍ୟାୟରେ ହେବ ଲୋକସଭା ମତଦାନ । ପ୍ରଥମ ୪ଟିି ପର୍ଯ୍ୟାୟରେ ଓଡ଼ିଶାରେ । ରାଜ୍ୟର ୨୧ ଲୋକସଭା ସହ ୧୪୭ ବିଧାନସଭା ଆସନ ପାଇଁ ଏକାଠି ଭୋଟ ଗ୍ରହଣ ହେବ । ଏପ୍ରିଲ ୧୧, ୧୮, ୨୩ ଏବଂ ୨୯ ତାରିଖରେ ଭୋଟ ।
ମୁଖ୍ୟ ନିର୍ବାଚନ ଆୟୋଗ ସୁନିଲ ଅରୋରା ଆଜି ଏକଥା ଘୋଷଣା କରିଛନ୍ତି । ଫଳାଫଳ ପାଇଁ ୨୪ ଦିନ ଅପେକ୍ଷା କପରିବାକୁ ପଡ଼ିବ । ଭୋଟ ଗଣତି ହେବ ମେ ୨୩ ତାରିଖରେ । ଏଥିସହିତ ରବିବାର (ମାର୍ଚ୍ଚ ୧୦)ଠାରୁ ହିଁ ଆଦର୍ଶ ଆଚରଣ ବିଧି ଲାଗୁ ହୋଇଛି ।
ଓଡ଼ିଶା ଭୋଟ ସମ୍ପର୍କରେ ସୂଚନା ଦେଇ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର କହିଛନ୍ତି, ଯେଉଁ ଦିନ ଲୋକସଭା ଆସନ ପାଇଁ ଭୋଟ୍‌ ହେବ, ସଂପୃକ୍ତ ବିଧାନସଭା କ୍ଷେତ୍ର ପାଇଁ ମଧ୍ୟ ଭୋଟ ଗ୍ରହଣ କରାଯିବ । ଏପ୍ରିଲ ୧୧ରେ ପ୍ରଥମ ପର୍ଯ୍ୟାୟ ଭୋଟରେ ୪ ଲୋକସଭା କ୍ଷେତ୍ର କୋରାପୁଟ, ନବରଙ୍ଗପୁର, କଳାହାଣ୍ଡି ଓ ବ୍ରହ୍ମପୁର ସହ ଏହା ଅନ୍ତର୍ଗତ ୨୮ ବିଧାନସଭା ଆସନ ପାଇଁ ମତଦାନ ହେବ ।
ଦ୍ୱିତୀୟ ପର୍ଯ୍ୟାୟ ଏପ୍ରିଲ ୧୮ରେ ୫ ଲୋକସଭା ଆସନ କନ୍ଧମାଳ, ଆସ୍କା, ବରଗଡ଼, ସୁନ୍ଦରଗଡ଼ ଓ ବଲାଙ୍ଗୀର ପାଇଁ ଭୋଟ ହେବ । ଏହାସହ ସଂପୃକ୍ତ ୩୫ ବିଧାନସଭା ସିଟ୍‌ ପାଇଁ ପ୍ରତିନିଧି ବାଛିବେ ଜନତା ।
୨୩ ଏପ୍ରିଲରେ ୬ ଲୋକସଭା ଆସନ ସମ୍ବଲପୁର, କେନ୍ଦୁଝର, ଢେଙ୍କାନାଳ, କଟକ, ପୁରୀ ଓ ଭୁବନେଶ୍ୱର ସହ ୪୨ ବିଧାନସଭା ପାଇଁ ମତଗ୍ରହଣ କରାଯିବ ।
ଶେଷ ପର୍ଯ୍ୟାୟ ଭୋଟ ୨୯ ଏପ୍ରିଲରେ ଅନୁଷ୍ଠିତ ହେବ । ଏ ପର୍ଯ୍ୟାୟରେ ମୟୂରଭଞ୍ଜ, ବାଲେଶ୍ୱର, ଭଦ୍ରକ, କେନ୍ଦ୍ରାପଡ଼ା, ଜଗତସିଂହପୁର ଓ ଯାଜପୁର ଲୋକସଭା ସହ ୪୨ ବିଧାନସଭା ସିଟ୍‌ ପାଇଁ ଭୋଟ ଗ୍ରହଣ ହେବ ।
ପ୍ରଥମ ପର୍ଯ୍ୟାୟ ପାଇଁ ମାର୍ଚ୍ଚ ୧୮ ତାରିଖରେ ବିଜ୍ଞପ୍ତି ପ୍ରକାଶ ପାଇବ । ନାମାଙ୍କନ ପତ୍ର ଦାଖଲ କରିବା ଶେଷ ତାରିଖ ୨୫ ତାରିିଖ । ଦ୍ୱିତୀୟ ପର୍ଯ୍ୟାୟ ବିଜ୍ଞପ୍ତି ମାର୍ଚ୍ଚ ୧୯ ତାରିଖରେ ପ୍ରକାଶ ପାଇବ । ମନୋନୟନ ପତ୍ର ଦାଖଲ ସରିବ ୨୬ ମାର୍ଚ୍ଚ । ତୃତୀୟ ପର୍ଯ୍ୟାୟ ପାଇଁ ଏପ୍ରିଲ ୪ ଏବଂ ଚତୁର୍ଥ ପର୍ଯ୍ୟାୟ ପାଇଁ ଏପ୍ରିଲ ୯ ତାରିଖ ନାମାଙ୍କନ ପତ୍ର ଦାଖଲର ଶେଷ ତାରିଖ ବୋଲି ନିର୍ବାଚନ କମିସନ ସୂଚନା ଦେଇଛନ୍ତି ।
ଓଡ଼ିଶାର ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର କହିଛନ୍ତି, ଆସନ୍ତା ନିର୍ବାଚନ ଯେଭଳି ଅବାଧ, ମୁକ୍ତ ଓ ନିରପେକ୍ଷ ଭାବରେ ଅନୁଷ୍ଠିତ ହେବ ତାକୁ ଆଖିରେ ରଖି କମିଶନଙ୍କ ପକ୍ଷରୁ ବ୍ୟବସ୍ଥା ଗ୍ରହଣ କରାଯାଇଛି ।
ଓଡ଼ିଶାରେ ଆସନ୍ତା ନିର୍ବାଚନ ପାଇଁ ୩ କୋଟି ୧୮ ଲକ୍ଷ ୭୮୭ (ଜାନୁଆରୀ ସୁଦ୍ଧା) ଭୋଟର ଥିଲା ବେଳେ ୩୭ ହଜାର ୬୦୬ ବୁଥ୍‌ ଚିହ୍ନଟ ହୋଇଛି । ତେବେ ଭୋଟର ଓ ବୁଥ୍‌ ସଂଖ୍ୟାରେ ବୃଦ୍ଧି ହେବ ବୋଲି ସିଇଓ କହିଛନ୍ତି । ନାମାଙ୍କନପତ୍ର ଦାଖଲର ୧୦ ଦିନ ପୂର୍ବ ଯାଏ ଭୋଟର ତାଲିକାରେ ନୂଆ ଭୋଟରଙ୍କ ନାମ ଯୋଡ଼ି ହେବ । ଏହାଛଡ଼ା ତାଲିକାରେ ନାମ ଯୋଗ, ବିୟୋଗ ଓ ସଂଶୋଧନ ପାଇଁ କମିଶନଙ୍କ ନିକଟରେ ୭ ଲକ୍ଷ ୫୧ ହଜାର ଆବେଦନ ମିଳିଛି । ଭୋଟର ତାଲିକା ସଂଶୋଧନ ପ୍ରକ୍ରିୟା ଜାରି ରହିଛି ।
କେନ୍ଦ୍ରୀୟ ଫୋର୍ସକୁ ଠିକଣା ଭାବେ ମୁତୟନ କରାଯାଇ ଶାନ୍ତି ଶୃଙ୍ଖଳାର ସହ ମତଦାନ ପାଇଁ ୪ ପର୍ଯ୍ୟାୟ ଭୋଟ ଗ୍ରହଣ ପାଇଁ ଦିନ ଧାର୍ଯ୍ୟ ହୋଇଛି । ଆଦର୍ଶ ଆଚରଣ ବିଧି ଲାଗୁ ହେବା ପରେ ରବିବାର ସନ୍ଧ୍ୟାରୁ ନେତାଙ୍କ ଛବି ଥିବା ସମସ୍ତ ପ୍ରକାର ହୋର୍ଡିଂ, ବ୍ୟାନର ହଟାଇନେବା ସହ ସରକାରୀ ଅର୍ଥରେ ବିଜ୍ଞାପନ ପ୍ରଚାର ଓ ପ୍ରସାରଣ ଉପରେ ରୋକ ଲାଗିଛି । ଆଚରଣ ବିଧି ଉଲ୍ଲଂଘନ ଉପରେ ପୂର୍ଣ୍ଣ ନଜର ରଖାଯିବ । ଏଥିପାଇଁ ସମସ୍ତ ବିଭାଗ ନୋଡାଲ ଅଫିସର ନିଯୁକ୍ତି କରିବାକୁ ଆଗରୁ ନିର୍ଦ୍ଦେଶ ଜାରି ହୋଇଛି । ନିର୍ବାଚନ ପ୍ରକ୍ରିୟା ସହ ସଂପୃକ୍ତ କର୍ମଚାରୀଙ୍କ ବଦଳି ନିଷେଧ ସହ ନୂଆ କାର୍ଯ୍ୟକ୍ରମ କିମ୍ବା ଯୋଜନା ଘୋଷଣାକୁ ନିଷେଧ କରାଯାଇଛି ।